Śviet55

Jeŭrasajuz zajaviŭ, što spynić tranzit rasijskaha hazu praz Ukrainu

Jeŭrapiejski sajuz nie zacikaŭleny ŭ praciahvańni kantraktu adnosna tranzitu rasijskaha hazu praz Ukrainu. Pra heta zajaviła jeŭrakamisarka pa enierhietycy Kadry Simsan, piša The Moscow News.

Hazaraźmierkavalnaja stancyja «Sudža» na rasijska-ŭkrainskaj miažy. Fota: Hazpram

«My nie zacikaŭlenyja ŭ praciahu trochbakovaha pahadnieńnia ab tranzicie hazu z Rasijaj, termin dziejańnia jakoha minaje ŭ kancy hetaha hoda», — cytuje Reuters zajavu Simsan.

Pavodle jaje słoŭ, krainy, jakija atrymlivali haz hetym tranzitnym maršrutam, u tym liku Aŭstryja, Italija i Słavakija, zmohuć znajści alternatyŭnyja krynicy pastavak.

Kantrakt pamiž rasijskim «Hazpramam» i ŭkrainskim «Naftahazam» zakančvajecca ŭ kancy hetaha hoda. Kijeŭ zajaviŭ, što nie budzie praciahvać jaho.

U paniadziełak 12 lutaha ministarka enierhietyki Aŭstryi Leanor Hievieśler zajaŭlała, što Viena razhladaje mahčymaść razryvu kantraktu na zakupku rasijskaha hazu.

Haz «Hazprama» pastupaje ŭ Aŭstryju pa doŭhaterminovym kantrakcie ź miascovaj enierhietyčnaj kampanijaj OMV, i na hetyja pastaŭki, pa danych Bloomberg, u listapadzie i śniežni prypadała kala pałovy ŭsiaho ekspartu «Hazprama» ŭ Jeŭrasajuz.

Strata rynku Aŭstryi, dzie znachodzicca adzin z najbujniejšych hazavych chabaŭ Jeŭropy, Baŭmharten, abiacaje novyja prablemy «Hazpramu», jaki za dva hady vajny straciŭ dźvie traciny ekspartu. Letaś kampanija prapampavała za miažu tolki 69 młrd kubamietraŭ hazu — minimalny abjom z 1985 hoda. Ekspart u Jeŭropu ścisnuŭsia da 28 młrd kubamietraŭ — uzroŭniu druhoj pałovy 1970-ch hadoŭ.

Zdabyča «Hazprama» ŭpała da 404 młrd kubamietraŭ — samaha nizkaha ŭzroŭniu z 1990 hoda, kali ŭ hazavuju dziaržkarparacyju było pieraŭtvorana Ministerstva hazavaj pramysłovaści SSSR.

Kreml ciapier raźličvaje na Kitaj, prapanujučy tamu pabudavać novy hazapravod «Siła Sibiry — 2» i pavialičyć zakupki hazu ŭ 5 razoŭ, da 100 młrd kubamietraŭ na hod. Ale Piekin marudzić. Letaś prezident Rasii Uładzimir Pucin dvojčy sustrakaŭsia sa staršynioj KNR Si Czińpinam, pierakonvajučy jaho pahadzicca na prajekt, ale abodva razy pieramovy skončylisia ničym.

Kamientary5

  • ja vedaju
    15.02.2024
    Zdabyča «Hazprama» ŭpała da 404 młrd kubamietraŭ
    https://d3kcf2pe5t7rrb.cloudfront.net/336446

    Heta znak. U Rasiei los być krainaj 404. SSSR zahubiła nafta, Rsieju zahubić haz.
  • Maksim Dizajnier
    15.02.2024
    Ura

    Posmotri, kuda nie mazaičnyje evropiejskije połudurki 100 let viedut Mali, Habon, Nihieriju iŝi s 50 stran.
  • Vasil
    15.02.2024
    A tym časam u Amierycy Bajden zabaraniŭ ekspart zvadkavanaha hazu LNG u Jeŭropu. Jeŭropa rychtujecca kuplać haz u Rasiei, ale nie praz Ukrainu, Biełaruś i Polšču.

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

Litoviec raskazaŭ, jak trapiŭ u połk Kalinoŭskaha3

Palicyja zatrymała ŭ Varšavie biełarusa, jaki pryjšoŭ u ministerstva ź niebiaśpiečnymi pradmietami3

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →