U 43-hadovaha palitviaźnia Ściapana Łatypava pačałasia cynha, paviedamiła «Pozirku» krynica, znajomaja ź situacyjaj. Pavodle jaje słoŭ, palitviazień skardzicca, što jamu nie akazvajuć miedycynskuju dapamohu, nie pieradajuć leki.
Cynha — zachvorvańnie, źviazanaje ź niedachopam vitamina S. Pry adsutnaści vitamina moža raźvicca za čatyry tydni, pry niedachopie — za čatyry miesiacy. Na fonie źnižeńnia imunitetu charaktaryzujecca łomkaściu sasudaŭ, kryvaciečnaściu dziasien, vypadzieńniem zuboŭ, bolem u kaniečnaściach.
Sud Ivacevickaha rajona (Bresckaja vobłaść) 15 vieraśnia 2022 hoda pieravioŭ Łatypava na turemny režym adbyćcia pakarańnia na 2 hady. Administracyja ivacevickaj kałonii patrabavała trochhadovaha terminu. U kancy taho ž miesiaca palitviaźnia etapavali ŭ mahiloŭskuju turmu №4.
16 žniŭnia 2021 hoda Łatypava pryhavaryli da 8,5 hoda kałonii ŭzmocnienaha režymu i aštrafavali na 300 bazavych vieličyń (8700 rubloŭ).
Palitviaźnia abvinavacili ŭ stvareńni dvarovaha telehram-čata, majsterni pa vyrabie pratesnaj simvoliki, supracivie supracoŭnikam milicyi pry zatrymańni 15 vieraśnia 2020 hoda. Akramia taho, jak dyrektara kampanii «Biełarba», jaho pryznali vinavatym u tym, što jon uvodziŭ u zman klijentaŭ pry akazańni pasłuh pa chimičnaj abaronie raślin.
Jamu inkryminavali č. 1 i 2 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich), č. 2 art. 363 (supraciŭ supracoŭniku orhanaŭ unutranych spraŭ abo inšaj asobie, jakaja achoŭvaje hramadski paradak), č. 4 art. 209 (machlarstva ŭ asabliva bujnym pamiery) Kryminalnaha kodeksa.
Palitviazień vinu nie pryznaŭ. Padčas adnaho z sudovych pasiadžeńniaŭ jon na znak pratestu ŭvatknuŭ sabie ŭ horła šarykavuju ručku. Jamu była zroblenaja apieracyja.
Kola Łukašenka syhraŭ na rajali na «Dni narodnaha adzinstva». Jaho tata pierad hetym pryhraziŭ Treciaj suśvietnaj vajnoj7
Kamientary