Hramadstva1313

35-hadovaja biełaruska zabiła adno svajo dzicia i nie dała naradzicca druhomu

12 lutaha adbyłosia pieršaje pasiadžeńnie suda pa spravie žančyny-dzietazabojcy. Žycharka Minska na svajoj radzimie ŭ Niaśvižskim rajonie patajemna naradziła dzicia i zadušyła jaho. I, mahčyma, zmahła b usio zachavać u tajamnicy, kab jano było adno. Pra hetuju žachlivuju historyju raskazała «Minskaja praŭda», raspytaŭšy pra jaje ŭ pradstaŭnika Śledčaha kamiteta. 

Žycharcy Minska 35 hadoŭ, jana zamužam i hadavała dzicia-padletka, pracavała miedykam. Siamja padavałasia całkam narmalnaj, da hetych strašnych padziej pytańniaŭ da jaje ni ŭ koha nie ŭźnikała.

Ale ŭ kancy listapada — pačatku śniežnia 2022 hoda žančyna daviedałasia, što jana ciažarnaja. Jašče adno dzicia para kateharyčna nie chacieła, tamu stali šukać sposab ciažarnaść pierapynić.

Termin byŭ, pa słovach žančyny, jašče nievialiki, tydniaŭ z 6-7. Jana pačała šukać miedcentry, jakija mahli pravieści praceduru, ale ci to ŭ siamji nie było hrošaj, ci to nie atrymałasia zapisacca, ci to jašče što — da lekaraŭ jana tak i nie trapiła. Miž tym terminy, da jakich pa biełaruskich zakonach možna rabić abort (12 tydniaŭ) prajšli. A čamu žančyna-miedyk dapuściła takuju situacyju, uciamnaha adkazu niama. 

Kali terminy minuli, muž žančyny ŭsio ž nastojvaŭ, što abort treba zrabić. Šukali lekara, jaki moh by heta zrabić nielehalna, dy tak i nie znajšli.

Tak dajšło da terminu 38-40 tydniaŭ, i pra ciažarnaść nichto pa-raniejšamu nie viedaŭ, akramia sužencaŭ. Abaviazkovaha miedycynskaha prafahladu pa miescy pracy žančyna niejkim čynam zmahła paźbiehnuć, a pakolki jana sama pa sabie poŭnaja, to ciažarnaść była nie nadta zvonku prykmietnaja.

U žniŭni minułaha hoda, padhadaŭšy prykładna da rodaŭ, žančyna ŭziała adpačynak i pajechała da baćkoŭ u Niaśvižski rajon. Tam ža znachodziłasia jaje dačka-padletak.

U noč z 18 na 19 žniŭnia ŭsie ŭ chacie lehli spać, a ŭ žančyny pačalisia rody. U pakoi ź joj była dačka.

Kala hadziny nočy paradzicha pačała telefanavać i pisać mužu pra toje, što naradžaje, i pytałasia ŭ jaho, što ciapier rabić. Ale muž adklučyŭ telefon i prosta pierastaŭ niekalki dzion vychodzić na suviaź.

Rody žančyna pryniała ŭ siabie sama, kala piataj hadziny ranicy na śviet źjaviłasia dzicia — žyvy chłopčyk. Nichto padčas rodaŭ nie pračnuŭsia, jana strymlivała stohny. Pupavinu pierarezała sama nažnicami, a paśla pakłała niemaŭla tvarykam u matrac i zadušyła jaho. 

Zabiŭšy dzicia, žančyna pakłała cielca ŭ pakiet i zapchnuła pad łožak. Zatym pasprabavała samastojna vyciahnuć paśled, tuzajučy za pupavinu, i zrazumieła, što niešta nie tak. Akazałasia, što ŭ žyvacie było jašče i druhoje dzicia.

Nie razumiejučy, što rabić dalej, nastupnyja 12 hadzin žančyna prosta lažała ŭ łožku, prykryvajučy skryvaŭlenyja praściny z nadziejaj, što nichto nie palezie pad łožak. I dačce, i baćkam kazała, što joj niezdarovicca, maŭlaŭ, balić žyvot, ale ničoha strašnaha. Ale ŭrešcie zrazumieła, što tak prosta pamre, tamu paprasiła vyklikać chutkuju.

U balnicy lekary dastali z žančyny druhoje dzicia, jakoje było ŭžo miortvaje. Zrazumieŭšy, što ŭsiaho dziaciej było dvoje, jany paviedamili pra situacyju ŭ milicyju. A tym časam maci žančyny pačała prybirać u pakoi, dzie jana lažała, i znajšła miortvaje dzicia. Milicyja pryjšła tudy prykładna ŭ hety ž samy čas.

Niekalki dzion paśla rodaŭ žančyna znachodziłasia ŭ reanimacyi. Abodvuch dziaciej zabrali na ŭskryćcio. Kryminalnuju spravu nie zavodzili, pakul nie praviali ŭsie mahčymyja ekśpiertyzy.

Žančyna śćviardžała, što pieršy chłopčyk naradziŭsia miortvym, ale vyniki ekśpiertyzy pakazali, što jaho zabili. Druhoje ž dzicia pamierła jašče ŭ čeravie z-za tuzańnia pupaviny.

Ekśpiertyza, jakuju praviali ŭ dačynieńni da žančyny, zaśviedčyła, što jana ŭ stanie adkazvać za svaje ŭčynki. Nijakaha «stanu afiektu» ŭ jaje nie było, depresii taksama. Spravu kvalifikavali pavodle č. 2 art. 139 KK RB — zabojstva zaviedama małaletniaha, jaki znachodzicca ŭ biezdapamožnym stanie. Heta złačynstva karajecca pazbaŭleńniem voli na termin ad 8 da 25 hadoŭ, kali havorka idzie pra žančynu.

Kamientary13

  • Kate
    15.02.2024
    Hałoŭnaje, kab mužyka nijak nie pakarali.
  • daviedka
    15.02.2024
    Dvie staťji riadom ob odnom i tom žie... Dietoubijstvo roditielej stanovitsia normoj v našiej stranie pri Łukašienko.
  • Imia
    15.02.2024
    Eto užie pieriebor kriminalnoj chroniki do urovnia ntv. 

Rasijski šachied vybuchnuŭ za 55 km ad Babrujska15

Rasijski šachied vybuchnuŭ za 55 km ad Babrujska

Usie naviny →
Usie naviny

Maładoj ajcišnicy pahražaje da dziesiaci hadoŭ kałonii za achviaravańni Ukrainie7

Pamior Michaił Vierhiejenka1

Łatvija choča naohuł zabaranić mašynam ź biełaruskimi numarami pierasoŭvacca pa krainie8

Viciebskaja siamja znajšła źnikłaha svajaka praz 25 hod1

Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA1

Biełarus, jaki sarvaŭsia sa skały ŭ Kabardzina-Bałkaryi, zahinuŭ

«Bili fłahštokam, kab roŭna stajaŭ na kaleniach pierad načalnikam», — palitviazień, jaki mianiaŭ ściahi na bieł-čyrvona-biełyja, raskazaŭ pra źniavoleńnie

Unačy šachied znoŭ zalacieŭ u Biełaruś1

Na Vałožynščynie błasłavili novy pomnik na mahile śviatara, jakoha zabili kamsamolcy ŭ 1950 hodzie1

bolš čytanych navin
bolš łajkanych navin

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva5

Ad zaŭtra abmiežavańni na ŭjezd aŭto ź biełaruskimi numarami maje ŭvieści Litva

Hałoŭnaje
Usie naviny →