Usiaho patrochu11

Nadakučyli tui? Voś z čaho jašče možna rabić kłasnyja zialonyja aharodžy

Tui? Banalna… A voś što moža być bolš efiektnym. Prapanujem niekalki varyjantaŭ.

Cis

Heta raślina dobra pieranosić abrezku. Pry pravilnym jaje praviadzieńni kusty cisa stvorać pryhožuju zialonuju ścianu, jakaja nie stracić svajho koleru navat zimoj. Heta raślina dobra raście jak na adkrytym soncy, tak i ŭ cieni. Cis dobra siabie adčuvaje ŭ kampanii inšych raślin i navat dreŭ.

Cis Tis Taxus
Cis. Fota: Wikimedia Commons

Adzinaj umovaj chutkaha i zdarovaha jaho rostu źjaŭlajecca ŭradlivaja, źlohku vilhotnaja hleba. Padčas zasuchi cis varta rehularna palivać. Asabliva vada patrebna maładym raślinam dla rostu. Tamu nie zabyvajcie ŭvieś čas uvilhatniać hlebu. Taksama varta pamiatać, što płady cisa atrutnyja.

Pichta karejskaja

Hetaje viečnazialonaje dreva ŭ naturalnych umovach moža dasiahnuć 12 mietraŭ. Jaho miakkija ihołki daŭžynioj da 2 santymietraŭ majuć nasyčanuju zialonuju afarboŭku i padoŭžanyja pałosy. Kali maładoje dreva dasiahaje ŭ vyšyniu 1 mietra, na im utvarajucca fijaletava-purpurnyja šyški, jakija rastuć viertykalna.

Abies koreana Pichta Karejskaja Pichta koriejskaja
Pichta karejskaja z šyškami. Fota: Wikimedia Commons

Pichta zdolnaja raści na roznych typach hleby, u tym liku kamianistaj abo piasčanaj, dobra pieranosić chałodnyja zimy i śpiakotnaje leta.

U toj ža čas heta raślina, hetaksama jak i cis, patrabuje rehularnaha palivu.

Kiparysavik

Vydatnaj zamienaj tui moža stać kiparysavik. Jon maje ščylnuju i vuzkuju kronu, jakaja dobra trymaje formu i nie patrabuje častaj stryžki.

Bieły kiparysavik Biełyj kiparisovik Chamaecyparis thyoides
Bieły kiparysavik. Fota: Wikimedia Commons

Roznyja hatunki hetaha dreva adroźnivajucca maksimalnym rostam, formaj krony i koleram ihlicy (ad zialonaha da siniaha). Kiparysavik vynoślivy da zasuchi i marazoŭ, ale nie lubić pieraŭvilhotnienych hlebaŭ i zacienienych učastkaŭ.

Jadłoviec

Heta chvajovaja raślina siamiejstva kiparysavych u zaležnaści ad hatunku moža być roznaj formy, pamieru i koleru ihlicy. Jadłoviec nie baicca adkrytych miescaŭ dy maroznych viatroŭ, ale patrabuje dobraha aśviatleńnia i nie pieranosić cieniu. Raślina ŭstojlivaja da zasuchi i marazoŭ, ale nie lubić pieraŭvilhotnienych i ciažkich hlebaŭ.

Jadłoviec zvyčajny Juniperus communis Možžievielnik obyknoviennyj
Jadłoviec zvyčajny z pładami. Fota: Wikimedia Commons

Adnak varta pamiatać, što jadłoŭcy drenna susiedničajuć z hrušami. Reč u tym, što ŭ hetych raślin adnolkavy ŭzbudžalnik iržy — hrybnoha zachvorvańnia, zdolnaha naškodzić raślinie.

Akramia hetaha, bolšaść vidaŭ jadłoŭcu ŭtrymlivajuć taksičnyja rečyvy. Pa hetaj pryčynie jadłoviec niepažadana vysadžvać tam, dzie jość dzieci ci chatnija hadavancy, pakolki i tyja, i inšyja zdolnyja pasprabavać nieviadomuju im raślinu na smak.

Łaŭravišnia

Heta raślina ź bliskučym jarka-zialonaha koleru liściem, padobnym da liścia łaŭra, u zaležnaści ad hatunku vyrastaje da 3 mietraŭ. Łaŭravišnia — viečnazialonaja raślina. Jana ŭstojlivaja da viatroŭ, vydatna raście jak na soncy, tak i ŭ cieni, tamu miesca dla pasadki možna vybirać luboje.

Łaŭravišnia z pładami Łavrovišnia s płodami Prunus laurocerasus fruits.
Łaŭravišnia z pładami. Fota: Wikimedia Commons

Akramia hetaha, łaŭravišnia ŭ mai-červieni paraduje kvietkami z pryjemnym vodaram. Pładanosić u kancy žniŭnia. Płady možna jeści, ale jaje nasieńnie ŭtrymlivaje ŭ sabie sinilnuju kisłatu i tamu atrutnaje. Jahady krychu śpiecyfičnyja na smak, ź ich hatujuć vareńnie i soki.

Jak bačycie, zamianić tui nie takoje i składanaje pytańnie. Spadziajemsia, naša padborka natchnić vas na stvareńnie svajoj unikalnaj aharodžy.

Čytajcie jašče:

Vocatnaje dreva i «pomsta susieda». Hetaja raślina ŭvachodzić u modu ŭ Biełarusi, bo jana i pryhožaja, i praktyčnaja

U Barysavie vysadzili vialikuju tujevuju aleju, a jana ŭsia zasochła FOTAFAKT

«Najlepšy suvienir z zamiežnaj pajezdki — nie mahnit ci statuetka, a nasieńnie». Laśnik z Žodzina staŭ fiermieram i pasadziŭ lesasad z ekzatyčnymi drevami

Dvaccać znakamitych drevaŭ Biełarusi

Kamientary1

  • Vv
    15.02.2024
    Cis uvieś atrutny, akramia čyrvonych pładoŭ. Dreva, raście marudna, moža žyć da 4000 hadoŭ. Raście u Biełastoku. Kaštavaŭ, jašče žyvy

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Ad siońnia Litva maje namier uvieści abmiežavańni na ŭjezd aŭto ź biełaruskimi numarami27

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips1

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →