Hramadstva33

Uładalnik 16 Mercedes-Benz i 8 BMW. Vierahodna, hety kandydat u deputaty — samy bahaty z usich

U Viciebski abłasny saviet deputataŭ bałatujecca Pavieł Martynaŭ — hiendyrektar chołdynhu «Marka» i syn jahonaha ŭładalnika. Vydańnie «Lusterka» znajšło dekłaracyju dachodaŭ Martynava ŭ numary haziety «Vitiebskije viesti» ad 2 lutaha. Vierahodna, jon samy bahaty kandydat u biahučaj vybarčaj kampanii. Za 2022 hod pradprymalnik zarabiŭ sotni tysiač rubloŭ, a ŭ jaho ŭłasnaści — niekalki damoŭ u Viciebskaj vobłaści i dziasiatki aŭtamabilaŭ.

Pavieł Martynaŭ nie naležyć ni da jakich partyj i vyłučajecca kandydatam na Čapajeŭskim vybarčym učastku ŭ Viciebsku. Kankurencyju tam jamu pavinna skłaści namieśnica dyrektara viciebskaj «Himnazii № 3» Hanna Kaśpiarovič.

Martynaŭ zadekłaravaŭ 410 953 rubli (pavodle tahačasnaha kursu kala 157 000 dalaraŭ) dachodu za 2022 hod. Heta značyć, kožny miesiac jon atrymlivaŭ 34 246 rubloŭ (kala 13100 dalaraŭ).

Adnak važna adznačyć, što hetyja hrošy jon zarabiŭ u asnoŭnym nie na pasadzie hiendyrektara «Marka». Top-mieniedžaram chołdynhu ciapierašni kandydat u deputaty staŭ tolki ŭ kastryčniku 2022-ha. A da hetaha jon uznačalvaŭ pradpryjemstvy siamiejnaha chołdynhu: fabryki «San-Marka» (likvidavanaja ŭ sakaviku 2020 hoda) i «Čyrvony Kastryčnik».

Va ŭłasnaści biznesmiena znachodziacca šmatlikija abjekty nieruchomaści: kvatera ŭ Viciebsku płoščaj 74,5 kv. m.; damy ŭ Biešankovickim (55,4 kv. m.), Sieńnienskim (59,8 kv. m.) i Viciebskim (92 kv. m.) rajonach z prylehłymi ziamielnymi ŭčastkami; «śpiecyjalizavany budynak» u Sieńnienskim rajonie (201,9 kv. m.); dva handlovyja abjekty (ahulnaja płošča 2457 kv.m.) i budynak dla apracoŭki draŭniny (1268 kv. m.) u Viciebsku.

Akramia taho, Martynaŭ, miarkujučy pa ŭsim, kalekcyjanuje aŭtamabili. Jon vałodaje 16 Mercedes-Benz roznych madelaŭ, jakija vypuskalisia ŭ pieryjad pamiž 1970 i 1990 hadami. Taksama ŭ haražy ŭ jaho — dzieviać aŭto marki BMW, niekalki pazadarožnikaŭ (u tym liku Hummer H1 2001 hoda vypusku) i matacykł Harley Davidson VRS CDX 2014 hoda.

Źviestki pra dachody i majomaść hiendyrektara «Marka» Paŭła Martynava. Fota: numar haziety «Vitiebskije viesti» ad 2 lutaha 2024 hoda

Pavieł Martynaŭ — syn byłoha hienieralnaha dyrektara i saŭładalnika «Marka» Mikałaja Martynava (jon zasnavaŭ kampaniju pa vytvorčaści abutku ŭ 1991 hodzie i nazvaŭ pa pieršych litarach proźvišča). Hety biźniesmien dvojčy rabiŭsia deputatam Viciebskaha abłasnoha Savieta deputataŭ (apošni raz u 2010 hodzie) i čatyry razy — členam Savieta Respubliki (apošni raz u 2016 hodzie). Vydańnie Office Life śćviardžała, što tak časta ŭ hety orhan bolš nie abiraŭsia nivodzin biznesmien.

Pavieł Martynaŭ (druhi źleva) z žonkaj Volhaj i dziećmi Anastasijaj i Mikitam. U centry — jahonaja maci Valancina Michajłaŭna. Sprava ad jaje — dačka Raisa sa svaim mužam Brajanam, synam Nikałasam. Viciebsk, 2016 hod. Fota: «Komsomolskaja pravda v Biełoruśsii»

«Marka» — chołdynh z šaści pradpryjemstvaŭ, jaki vyrablaje abutak, hałantareju, futravyja vyraby. Asnoŭny rynak zbytu — Rasija. U chołdynhu pracuje kala 4 tysiač čałaviek.

Kampanija pryvatnaja, ale ciesna supracoŭničaje ź dziaržavaj. Status chołdynhu jana atrymała śpiecyjalnym ukazam Alaksandra Łukašenki ŭ 2013 hodzie. U skład «Marka» tady ŭklučyli dziaržaŭny «Viciebski futravy kambinat». Tady ž chołdynh atrymaŭ dziaržpazyku na sumu 40 miljardaŭ rubloŭ (suma da denaminacyi, ciapier heta 4 miljony rubloŭ). Taksama bankam «rekamiendavali» vydać kampanii kredyty na 50 miljonaŭ dalaraŭ.

Akramia taho, ukaz harantavaŭ «Marka» šerah mytnych i padatkovych ilhot. U 2016 hodzie ŭrad Biełarusi ŭziaŭ na siabie vypłaty pa kredycie, raniej uziatym chołdynham u «Biełahraprambanku».

Kamientary3

  • čałaviek
    14.02.2024
    łukašyskaja ylita
  • daviedka
    14.02.2024
    «Marko» vypuskajet otkrovienno ubohuju obuv, čto nie miešajet kłanu sobstvieńnika utopať v roskoši pri Łukašienko.
  • Timon
    14.02.2024
    daviedka, Jość tam i narmalevy abutak, a dešmanski łapcienohija raźmiatuć.

Niemiec, prysudžany da rasstrełu, datyčny da dyviersij? Voś što za historyja heta mahła być4

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie17

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych17

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

U Lvovie stralali ŭ palityka Irynu Faryjon. Jana ŭ krytyčnym stanie18

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być4

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →