Hramadstva99

«Kab razarvać krainu i źniščyć usio». SK zavioŭ kryminałku na ŭdzielnikaŭ «Kadravaha reziervu dla novaj Biełarusi»

SK vypuściŭ admysłovuju zajavu, u jakoj pryhraziŭ kryminałkaj udzielnikam inicyjatyvy, abvieščanaj Abjadnanym pierachodnym kabinietam u sakaviku minułaha hoda, — «Kadravaha reziervu dla novaj Biełarusi».

Pres-słužba SK u svaim relizie nie škadavała emocyj i prapahandysckich štampaŭ. Pavodle SK, hetaja inicyjatyva «ekstremisckich supolnaściach zjaŭlajecca ničym inšym, jak «kuźniaj kadraŭ» dla pryznačeńnia na klučavyja pasady ŭ psieŭdadziaržavie, jakuju staranna maluje Cichanoŭskaja i Ko ŭ spravazdačach pierad sponsarami, idei jakich jany prahnuć nasadzić na terytoryi Respubliki Biełaruś paśla siłavoha zachopu ŭłady ŭ krainie». 

Pavodle SK, płan inicyjatyvy — «stvaryć z ekstremistaŭ, jakija nienavidziać isnujučy ŭ krainie paradak, «bałvanki» dla pryznačeńnia na kirujučyja dziaržaŭnyja pasady, uzbrojena ŭvarvacca na terytoryju krainy, pravieści masavyja lustracyi ŭ dačynieńni da addanych radzimie pradstaŭnikoŭ ułady, pravaachoŭnikaŭ, hramadskich dziejačaŭ, pryvieści paplečnikaŭ-radykałaŭ, kab razarvać krainu i źniščyć usio, što było stvorana za apošnija 30 hadoŭ». 

Śledčy kamitet Respubliki Biełaruś kvalifikuje dziejnaść inicyjatyvy, u tym liku tych jaje ŭdzielnikaŭ, jakija, pavodle SK, znachodziacca ŭ Biełarusi, pa č.3 art. 361-1 KK (uvachodžańnie ŭ skład ekstremisckaha farmiravańnia ŭ metach ździajśnieńnia złačynstvaŭ ekstremisckaj nakiravanaści). 

Da ŭstanoŭlenych udzielnikaŭ, jakija znachodziacca za miežami Respubliki Biełaruś, budzie prymieniena pracedura śpiecyjalnaj vytvorčaści, paviedamlaje SK. 

Pra zapusk kampanii «Kadravy rezierv dla novaj Biełarusi» było abvieščana ŭ sakaviku 2023 hoda.

«Dla taho, kab dziaržaŭnaja sistema paśpiachova funkcyjanavała paśla pieramien, pad ehidaj APK projduć stažyroŭki ŭ krainach ES, u jakich prymuć udzieł budučyja dziaržaŭnyja słužačyja. Jany zojmuć dziaržaŭnyja pasady i buduć ažyćciaŭlać reformy», — havaryłasia ŭ abviestcy. Da navučańnia moh dałučycca luby biełarus, jaki mieŭ žadańnie, vopyt i adukacyju dla efiektyŭnaha vykanańnia słužbovych abaviazkaŭ u śfiery dziaržaŭnaha administravańnia paśla źmien u Biełarusi.

Kamientary9

  • Vasia
    14.02.2024
    A čto było sozdano? Vsia sistiema pieriežitok sovka. Kuda nie tkni, lubaja śfiera rabotajet čieriez odno miesto, iz niedavnieho, dažie pačtomaty nie mohut zastaviť rabotať
  • Ivan
    14.02.2024
    Vo ich bambić, až hałovy trasucca
  • Dziaržaŭnik
    14.02.2024
    Lubaja alternatyva dziaržaŭnym strukturam i instytutam łukašenki - heta najmacniejšaja niebiaśpieka i dla jaho, i dla jaho prapahandy.

    Bo adzinym z hałoŭnych kozyraŭ dziaržprapanhandy zaŭsiody byli:
    - Moža łukašenka i nie idealny, ale kaho vy prapanujecie zamiest łukašenki i jaho sistemy? Nikoha ž niama! Nu abrynicie vy režym - a jakim čynam u vas na zaŭtra budzie funkcyjanavać dziaržava?
    I tut zamach na śmierć kaščeja - jahonuju viertykal!

    Što ž tyčycca režyma łukašenki, to kadravy rezierv - heta nabližeńnie spačatku dvajeŭładździa, a potym i jahonaj zamieny. Bo kali siłaviki i čynoŭniki łukašenki ŭbačać, što jość alternatyva taksičnamu i ŭžo zusim niemaładomu łukašenku nie ŭ vyhladzie abstraktnaha narodu, jak heta było ŭ 2020, a ŭ vyhladzie zrazumiełych im instytutaŭ dziaržavy - jany naŭradci buduć doŭha vahacca.

    Tamu karniki z ŭsiej mocy sprabujuć dasiahnucca lubymi złačynnymi mietadami, navat praz uziaćcio zakładnikaŭ u vyhladzie svajakoŭ.

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →