Upieršyniu pavodle prodažaŭ elektronnyja knihi (je‑books) pieraŭzyšli svaich papiarovych prabaćkoŭ.

Sioleta ŭ Jeŭropie samym papularnym padarunkam na Kalady stali knihi. Pryčym u novaj technałohii.

Elektronnyja prystasavańni dla čytańnia Amazon Kindle ŭ pieradkaladny siezon stali samym papularnym padarunkam, jaki nabyvali ŭ viadomaj suśvietnaj internet‑kramie Amazon. Kaštuje taki padarunak 259 dalaraŭ, a madel Amazon Kindle DX, bolšaja pa pamiery i z bolšaj kolkaściu funkcyj, — 489 dalaraŭ. Elektronnyja knihi dastupnyja i biełaruskim pakupnikam. Praŭda, u našych internet‑kramach jany nie takija papularnyja dy kaštujuć daražej za jeŭrapiejskija — košt madeli PocketBook składaje prykładna 350—400 dalaraŭ, madeli LBook eReader V3 — 390 dalaraŭ, patrymany je‑book možna znajści pa košcie, mienšym u dva razy.

Elektronnyja knihi — ahulnaja nazva kampaktnych prystasavańniaŭ, pryznačanych dla adlustravańnia tekstu, pradstaŭlenaha ŭ elektronnym vyhladzie. Taksama elektronnymi knihami nazyvajuć viersii knih ŭ ličbavym farmacie. Ich historyja pačałasia ŭ 1998 hodzie, kali kampanii NuvoMedia i Softbook Press vypuścili pieršyja prystasavańni z manachromnymi LCD‑ekranami. Padjom rynku elektronnych knih prypaŭ na 2007 hod. Heta adbyłosia ŭ suviazi sa źjaŭleńniem ekranaŭ z technałohijaj elektronnaj papiery (technałohija, jakaja imituje zvyčajny druk na papiery). Pakul elektronnyja knihi pavodle papularnaści značna sastupajuć smartfonam i kišennym kampjutaram.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?