Hramadstva22

Na Sašu Filipienku zaviali kryminalnuju spravu

Heta stała viadoma padčas zatrymańnia jahonaha baćki ŭ Minsku.

«Ja tak i nie zrazumieŭ, za što jany jamu prydumali 13 sutak. Tata raspavioŭ, što kali ź im razmaŭlali ŭ RUUS, pierad im pakłali razdrukavanyja fatahrafii mianie z prezidentam Šviejcaryi, ź Cichanoŭskaj, ź ministram kultury Niamieččyny», — raskazaŭ piśmieńnik u intervju «Novaj Jeŭropie».

«Baćku tykali palcam u hetyja fota, zadavali pytańni. Pakul išoŭ dopyt, jany ŭskryvali jaho telefon i šukali ŭ jaho niešta, za što možna zakryć. Tata padpisaŭ pratakoł, što suprać mianie zaviedziena kryminalnaja sprava; pa jakim artykule jana raspačata, my da hetaha času nie viedajem, viedajem tolki, što, akramia hetaha, jašče dźvie inšyja spravy ŭ pracesie zaviadzieńnia. Doma ŭ jaho prajšoŭ pieratrus, bo ja prapisany pa hetym ža adrasie», — dadaŭ Saša Filipienka.

«Niadaŭna baćka znoŭ byŭ na dopycie i vielmi śmiešna skazaŭ: «Ty viedaješ, mnie zdajecca, śledčyja na tvaim baku». Dumaju, u jaho ŭžo raźviŭsia stakholmski sindrom. Ja kažu:»tak, jany dla hetaha spravy i raspačali, kab prosta zrazumieć, što ja dobry chłopiec».

Śledčyja pytalisia ŭ baćki, ci źbirajusia ja viartacca. Skazali, što hladziać usie maje intervju. Pytalisia, ci hanarusia ja Biełaruśsiu.

Papa adkazaŭ: «Tak, i niadrenna było b, kali b i Biełaruś taksama pačała Sašam hanarycca».

Tamu tak, mnie strašna. Ale heta nijak nie moža paŭpłyvać na situacyju.

U taty ciapier niama pašparta, jon nie moža źjechać. Možna, napeŭna, niejak biehčy, ale tata nie choča hetaha, bo jon ničoha złačynnaha nie ździajśniaŭ. Dziŭna i niapravilna, što baćki adkazvajuć za dziaciej. Navat u sapraŭdnych bandytaŭ jość paniaćcie, što zabirać baćkoŭ niespartyŭna», — raskazaŭ Saša Filipienka.

***

Saša Filipienka — biełaruski piśmieńnik, žurnalist i publicyst. Aŭtar knih «Były syn», «Kremulatar», «Čyrvony Kryž», «Viartańnie ŭ astroh», «Ckavańnie». Jahonyja ramany pierakładzienyja na mnohija movy. Filipienka rezka krytykavaŭ i raniej i ciapier ułady Biełarusi i Rasii. 

Z 2004 da 2020 hoda žyŭ u Rasii, dzie pracavaŭ u niezaležnych ŚMI. 

Uletku 2023 hoda ŭ Vilni była pastaŭlena jaho pjesa «Cichary» pra padziei ŭ Biełarusi ŭ 2030 hodzie. Pa siužecie nastaŭ apakalipsis, ale navat jon nie spyniŭ palityčnych sudoŭ, jakija pravodziać u bunkiery.

U studzieni ŭ Maskvie śpiektakl pa jaho pjesie byŭ admienieny.

@nashaniva Ajcišnicu, jakaja viarnułasia ŭ Biełaruś, zatrymali, i chočuć dać 10 hadoŭ kałonii #milicijabiełarusi #biełaruś #novostibiełaruś #biełaruśnovosti #prohrammistka #ajti #briest #iepam #našaniva ♬ Conspiracy - Kieran Rogers

Kamientary2

  • frik
    14.02.2024
    Saša obidiełsia na Sašu.
  • Hoša
    14.02.2024
    Darujcie, nie ŭ temu, jahonyja knihi biełaruskaj drukavalisia?

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →