Hramadstva99

Aktyvisty, žurnalisty, palityki, dobraachvotniki. Kaho ź biełarusaŭ abviaścili ŭ vyšuk u Rasii

U rasijskaj bazie vyšuku žurnalisty «Miedyjazony» znajšli 3 186 hramadzian i ŭradžencaŭ Biełarusi.

Daradca Śviatłany Cichanoŭskaj Franak Viačorka znachodzicca ŭ vyšuku ŭ Rasii

U MUS Rasii jość publičny servis, z dapamohaj jakoha možna pravieryć, ci znachodzicca čałaviek u vyšuku. Rasijskaja «Miedyjazona» sabrała ŭsie kartki vyšuku, dastupnyja na sajcie — pa stanie na pačatak lutaha pa kryminalnych spravach adšukvalisia 96752 čałaviek, jašče 41535 — jak źnikłyja bieź viestak. 

Ich biełaruskija kalehi znajšli ŭ hetaj bazie 3 186 hramadzian i ŭradžencaŭ Biełarusi. Bolšaść ź ich — mužčyny (89%).

U tablicy čaściej nie paznačana, pa jakim artykule šukajuć čałavieka. Zamiest hetaha — nadpis «rasšukvajecca pa artykule KK» i kantaktny numar adździaleńnia palicyi. Časam u apisańni pakazany admysłovyja prykmiety i fatahrafii ludziej, jakija adšukvajucca. 

Palityki i aktyvisty

U śpis trapili pradstaŭniki Abjadnanaha pierachodnaha kabinieta Valeryj Sachaščyk i Volha Harbunova. Eks-ambasadar u Arhientynie i člen NAU Uładzimir Astapienka, daradcy Śviatłany Cichanoŭskaj Alaksandr Dabravolski i Franak Viačorka.

Samu Cichanoŭskuju ŭ vyšuk dadavali, ale paźniej jaje proźvišča źnikła. «Chto jaje budzie šukać u Rasii, kali ŭsim viadoma, što jana znachodzicca na terytoryi Jeŭrasajuza», — tłumačyŭ surazmoŭca Sputnik.

Žurnalisty znajšli ŭ pieraliku supracoŭnikaŭ BELPOL Uładzimira Žyhara i Maćvieja Kuprejčyka, supracoŭnika BYPOL Stanisłava Łupanosava, staršyniu fondu «Biełaruski dom u Varšavie» Alaksandra Zarambiuka.

U śpisie jość i stvaralnik płatformaŭ «Hołas» i «Novaja Biełaruś» Pavieł Libier, eks-dypłamat Pavieł Macukievič, zasnavalnik BYSOL Andrej Stryžak, pres-sakratar «Kibierpartyzan» Juljana Šamietaviec, opiernaja śpiavačka i błohierka Marharyta Laŭčuk.

Taksama ŭ vyšuku znachodziacca asudžanyja zavočna redaktar ​​Nexta Ściapan Puciła i były supracoŭnik prajekta Jan Rudzik, błohier i były bajec pałka Kalinoŭskaha Siarhiej Biaspałaŭ.

Žurnalisty

U rasijskim vyšuku znachodziacca jak minimum dva hałoŭnyja redaktary: Pavieł Śviardłoŭ z «Jeŭraradyjo» i Śviatłana Harda z «Miedyja-Paleśsia». 

A jašče dyrektar Malanka.Media Pavieł Marynič i viadučaja Kaciaryna Jerusalimskaja. Žurnalisty Jaŭhien Vałošyn, Hanna Lubakova, Alena Šabunia, redaktar ​​orsha.eu Ihar Kaźmierčak, palitołah Kaciaryna Šmacina. 

Palitviaźni

U vyšuku RF jość asudžanyja biełarusy, jakim udałosia zjechać z krainy: całkam adbyŭšy termin ci da prysudu (ci navat źbiehčy z chimii).

Siarod ich aršaniec Siarhiej Parfianienka, jaki napisaŭ u adras supracoŭnika DAI słova «mraź», muzyki Ihar Bancar i Alaksandr Bahdanaŭ (Papa Bo), były kiraŭnik banka ŭ Baranavičach Źmicier Maksimčyk, aktyvist z Dubroŭna Michaił Čamuraka, vałanciorka fondu «Kraina dla žyćcia» Taćciana Astroŭskaja, udzielniki pratestaŭ Uładzisłaŭ Uścin i Źmicier Kułakoŭ. 

Dobraachvotniki

U pieraliku žurnalisty znajšli 61 biełarusa, jakija źviazany z dobraachvotnickimi padraździaleńniami va Ukrainie. Siarod ich tyja, jakija trapili ŭ pałon u červieni 2022 hoda — Siarhiej Dziohcieŭ i Jan Dziurbiejka, i jakija zahinuli — Pavieł Horbač i Eduard Łobaŭ.

@nashaniva Rasija abviaściła ŭ vyšuk sotni biełarusaŭ. Chto jany? #Biełaruś #armijabiełarusi #vsrb #połkkalinovskoho #połkkalinoŭskaha #našaniva #novostibiełarusi #biełaruśnovosti ♬ Conspiracy - Kieran Rogers

Tut možacie pravieryć, ci ŭklučany vy ci vašy blizkija ŭ vyšukovuju bazu RF. Ale pamiatajcie, što navat kali vas tam niama, heta nie značyć, što suprać vas niama kryminalnaj spravy ŭ Biełarusi.

Kamientary9

  • Pytańnie
    13.02.2024
    A čamu Labiedźki niama ŭ śpisie rasiejskaha vyšuku? I Kavaleŭskaha z Capkałam?
  • A chto budzie šukać?
    13.02.2024
    Pra śvietu naśmiašyła
  • Śmiech-dy-j-Hodzie
    13.02.2024
    Lehiendujuć ahienturu.

Jarmošyna raskazała, kaho dapuściać da ŭdziełu ŭ vybarach-20253

Jarmošyna raskazała, kaho dapuściać da ŭdziełu ŭ vybarach-2025

Usie naviny →
Usie naviny

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA15

Pa Biełarusi kocicca niepahadź, mocnyja viatry i zalevy FOTY i VIDEA2

U minčuka skrali rečy, pakul jon kupaŭsia ŭ Cnianskim vadaschoviščy

«Kachańnie ŭsiaho majho žyćcia». Aryna Sabalenka paćvierdziła svaje adnosiny z brazilskim biznesmienam16

«Bunt» z-za rajona, čaŭnaki na paŭzie i los staroha parku. Čym žyvie samy zachodni horad Biełarusi?

Aŭstryjski palitołah sprahnazavaŭ, što pačatku vajny Rasii z NATA moža papiaredničać paŭstańnie palakaŭ u Biełarusi. A čamu nie bunt reptyłoidaŭ?10

«Maje aksesuary prynosiać pośpiech, upeŭnienaść u sabie i hrošy». Śpiavačka Halina Šyškova stała dyzajnierkaj5

«Akazvajecca, i na tym baku jość ludzi». Maci Ivana Padreza ŭsio ž nie vysialajuć6

Pa Mścisłaŭskim rajonie praniośsia mocny ŭrahan

bolš čytanych navin
bolš łajkanych navin

Jarmošyna raskazała, kaho dapuściać da ŭdziełu ŭ vybarach-20253

Jarmošyna raskazała, kaho dapuściać da ŭdziełu ŭ vybarach-2025

Hałoŭnaje
Usie naviny →