Rasija abviaściła ŭ vyšuk premjer-ministra Estonii, eks-meraŭ Vilni i Ryhi i niekalki biełarusaŭ, uklučna sa Ściapanam Puciłam
Žurnalisty niezaležnaha rasijskaha vydańnia «Miedyjazona» atrymali dostup da bazy MUS Rasii sa śpisami asob, abvieščanych u kryminalny vyšuk.
Siarod tych, kaho rasijskija siłaviki šukajuć pavodle abvinavačvańniaŭ u kryminalnych złačynstvach samy topavy dziejač — premjer Estonii Kaja Kałas.
«U rasijskim vyšuku ŭpieršyniu ŭ historyi akazałasia kiraŭnik inšaj dziaržavy — premjer-ministr Estonii Kaja Kałas, jakaja vykazvałasia za znos savieckich pomnikaŭ. Razam ź joj rasijskija ŭłady šukajuć dziaržsakratara krainy Tajmara Pieterkopa, — paviedamla «Miedyjazona».
U bazie vyšuku rasijskaha MUS, jakaja akazałasia ŭ rasparadžeńni žurnalistaŭ, amal 100 tysiač zapisaŭ pa stanie na luty 2024 hoda.
«U bazie my znajšli bolš za 700 zamiežnikaŭ, jakich šukajuć praz vajnu va Ukrainie abo ŭ palityčnych spravach», — adznačaje vydańnie.
Taksama siarod eks-mer Ryhi Marcińš Stakis, na jakoha zaviedziena kryminałka ŭ Biełarusi, i naohuł 60 deputataŭ łatvijskaha Siejma i niekalki dziasiatkaŭ litoŭskich palitykaŭ, u tym liku ministr kultury Simonas Kajrys i eks-mer Vilni Remihius Šymašus, ukraincy, «znatok» i žurnalist Raŭšan Askieraŭ.
U śpisie niekalki dziasiatkaŭ biełarusaŭ. Heta ludzi za «śpisu Rybara», niekalki kalinoŭcaŭ: Vadzim Kabančuk, Jan Mielnikaŭ, Pavieł Kułažanka, Cimur Mickievič, Dzianis Procharaŭ, Dzianis Urbanovič, błohier Siarhiej Biaspałaŭ, kiraŭnik Nexta Ściapan Puciła.
-
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika
-
«Ja tupiŭ. I sumniavaŭsia. I rvaŭsia pamiž niekalkimi pačućciami. I ciapier mnie soramna». Kranalnaj historyjaj padzialiŭsia biełaruski śviatar
-
Praŭładny błohier pachvaliŭsia, što atrymaŭ śmiešny majomasny padatak. Ale ŭ kamientaryjach jaho prymusili raskryć praŭdu
U čatach Kalinkavičaŭ raspaŭsiudžvajecca VIDEA, jakoje zafiksavała padzieńnie bieśpiłotnika1
Kamientary