Hramadstva1616

Łukašenka pastaviŭ zadaču — strasianuć VNU

Da 1 vieraśnia rektary pavinny pryniać nieabchodnyja rašeńni, vynikam čaho pavinny być «jakasnyja vypuskniki i adsutnaść usialakich uciokaŭ za miežy krainy». Siońnia Alaksandr Łukašenka pravodzić naradu z rektarami krainy.

Na dumku Łukašenki, Biełaruś u vyšejšaj adukacyi zachavała najlepšyja savieckija tradycyi. 

«Samaje važnaje — my zachavali pierajemnaść i jakaść kłasičnaj adukacyi. Była ryzyka kinucca ŭ reformy i ekśpierymienty. Nas vielmi aktyŭna sprabavali ŭciahnuć u ich dziejačy roznych zamiežnych fondaŭ. Heta rabiłasia nie vypadkova», — skazaŭ jon.

Pavodle jaho, i zaraz u Biełaruś jeduć vučycca, «tamu što my zachavali lepšyja savieckija tradycyi».

Ale tut ža Łukašenka pakazaŭ na nizkuju jakaść biełaruskaj adukacyi. Pavodle jaho, «ledź nie pałova» studentaŭ siońnia niezadavoleny jakaściu adukacyi.

«Dakładvajuć, vy nie paśpiavajecie za technałohijami, maładyja śpiecyjalisty davučvajucca na vytvorčaści. Kamu patrebnyja takija «śpiecyjalisty»?» — skazaŭ jon.

A vypuskniki, pa słovach Łukašenki, «pavinny dakładna ŭśviedamlać i razumieć, što naša VNU adukacyja ŭ Biełarusi lepšaja». 

«Mnohija ŭciakli tudy [za miažu] za adukacyjaj, chutka pačynajuć razumieć roźnicu. Mnohija viartajucca, ale nie ŭsie.

Hetaha chistańnia być nie pavinna. A heta — prahramy, heta vykładańnie, vykładčyki i jakasny vynik. Jak vy budziecie heta rabić — heta vaša prablema. Ale da vieraśnia, papiaredžvaju ŭrad, administracyju i ministra, my, jak pa škole, źbiaromsia i spytajem z kožnaha», — skazaŭ Łukašenka.

«Jak vy za ich zmahajeciesia? — praciahnuŭ Łukašenka temu mihracyi maładych ludziej. — Kankretnaje pytańnie, na jakoje ja chacieŭ by pačuć kankretny adkaz.

Viadoma, jany mohuć viarnucca, ale z całkam pieraviernutaj śviadomaściu». 

Ideałahičnuju i vychavaŭčuju pracu z moładździu Łukašenka nazvaŭ niezdavalniajučaj.

«Adukacyja nikoli nie była i nie moža być pa-za palitykaj. Vy nie prosta dajacie prafiesiju, vy farmirujecie śvietapohlad maładych ludziej. Skažu prama: vy pieršyja adkazvajecie za nacyjanalnuju biaśpieku i niesiacie adkaznaść za zachavańnie suvierenitetu krainy.

Kali siarod vas dahetul pracujuć ludzi, jakija nie padzialajuć našy padychody i našu palityku, dziaržaŭnuju ideałohiju, kali vy pracaŭładkoŭvajecie ŭčorašnich chistalnikaŭ «režymu», to jakija vysnovy ja pavinien rabić pra vas? Pytańnie dla razvažańnia i pryniaćcia rašeńniaŭ», — skazaŭ jon. 

Ale, pavodle słoŭ Łukašenki, u adukacyi ŭžo naviali paradak, zastałosia «dašlifavać».

«Pryniali kančatkovyja rašeńni pa arhanizacyi ŭstupnaj kampanii ŭ VNU, razabralisia sa školnaj adukacyjaj. U hetaj temie pastavili kropku. Ciapier treba dašlifavać kankretnyja padychody. Siońnia pierad nami staić zadača strasianuć VNU: adukacyju, navuku ŭ VNU — usio, čym zajmajucca VNU».

Łukašenka daručyŭ stvaryć rabočuju hrupu na ŭzor toj, što stvaryli ŭ achovie zdaroŭja, i pravieryć sistemu adukacyi.

«Treba ich strasianuć. Zakaścianieli da niejmaviernaści!» — skazaŭ jon. 

Kamientary16

  • Nužna idieołohičieskaja došlifovka
    13.02.2024
    Jeśli objaśniť studientam, čto naša hosudarstviennaja idieołohija - eto sam Aleksandr Hrihoŕjevič Łukašienko, to oni budut chorošo učiťsia, polubiat omon, hubazik i lično Karpienkova, s entuziazmom pojedut rabotať po napravleniju i pieriestanut ubiehať za hranicu. Odnoznačno.
  • Usio roŭna pryvyknuć
    13.02.2024
    Každyj hod odno i to žie načinaja s nulevych. No jeśli čto-to nie nraviťsia začiem tohda postupať ? Mazochisty čto-li?
  • Pudž
    13.02.2024
    VNU -- razvalić, studentaŭ -- zakrepaścić.

    Śviarbić siniapałamu, što moładź uciakaje. Niama kamu budzie nałohi płacić krasaŭcam na ilhotnyja kvaterki i piensii ŭ 40 hadoŭ.
    Da i jamu samomu što, biez dvarcoŭ novych siadzieć?!

    Kali siarod vas dahetul pracujuć ludzi, jakija nie padzialajuć našy padychody i našu palityku, dziaržaŭnuju ideałohiju, kali vy pracaŭładkoŭvajecie ŭčorašnich chistalnikaŭ «režymu»

    - Nie lubicie minia, dziravienskaho malčyka sa Škłova, u svaich VUZikach?! Paśmiejvajeciesia s minia?! Uch ja vam dam.

    Biełaruski Poł Pot

    https://d3kcf2pe5t7rrb.cloudfront.net/336143

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

U Minsku zatapiła i stancyju mietro «Uschod». Adnak zakryvać jaje nie stali VIDEA1

Redaktarku haziety Mazyrskaha NPZ, jakuju zatrymlivali za «ekstremizm», zvolnili i zamianili na prapahandysta z Rahačova

Na Vaŭpšasava ŭ Dražni mašyna amal całkam syšła pad vadu FOTAFAKT

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku2

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →