Śviet77

Navošta Kramlu patrebnyja teoryi pra chvaroby, śmierci i dvajnikoŭ Pucina

Amierykanskaja hazieta The Wall Street Journal (WSJ) apublikavała vialiki artykuł pra prafiesara Valeryja Sałaŭja, u jakim tłumačyć, jak jaho prahnozy mohuć być vyhadnyja Kramlu, piša «Ahientstvo». 

Uładzimir Pucin. Fota: GETTY IMAGES

Ekśpiertami ŭ materyjale vystupili eks-daradca Džordža Buša-małodšaha pa Rasii Tomas Hrem i Eryk Hryn, jaki zajmaŭ anałahičnuju pasadu va ŭradzie Džo Bajdena. Na dumku ekśpiertaŭ, Sałaviej moža vykarystoŭvacca Kramlom dla taho, kab zapoŭnić infarmacyjny vakuum vakoł Pucina sumnieŭnaj infarmacyjaj, stvarać iłžyvaje adčuvańnie, što kiraŭnik, jaki staŭ surjoznaj prablemaj dla Zachadu, chutka pamre i dyskredytavać astatnija niezaležnyja ŚMI.

Kali vyjšła intervju Takiera Karłsana z Uładzimiram Pucinym, prafiesar Sałaviej paviedamiŭ, što amierykanski žurnalist hutaryŭ z dvajnikom, jaki ciapier budzie vydavacca miljonam žycharoŭ płaniety za realnaha Pucina.

«Pucin miortvy, niezvarotna miortvy, jon bolš nie ŭvaskreśnie, jon zastaniecca ŭ maraziłcy», — zajaviŭ Sałaviej u pačatku hetaha tydnia.

Upieršyniu pra śmierć rasiejskaha prezidenta jon paviedamiŭ letaś i z tych časoŭ praciahvaje nastojvać, što jahonaje cieła lažyć u marazilnaj kamiery.

Zajavy Sałaŭja «častka anłajn-fabryki čutak pra zdaroŭje Pucina», jakaja stała bolš prykmietnaj na fonie kanfrantacyi Rasiei z Zachadam. U 2020 hodzie ŭ Google byŭ papularny zapyt «Pucin Parkinsan», u 2022 hodzie — «rak Pucina», letaś zapyt «dvajnik Pucina» zastavaŭsia ŭ topie ciaham usioj vosieni. 

Zajavy Sałaŭja i publikacyi telehram-kanała «Hienierał SVR» pra stan zdaroŭja Pucina aktyŭna pieradrukoŭvali zachodnija tabłoidy. Heta «źbivała z pantałyku vysokapastaŭlenych čynoŭnikaŭ», piša WSJ. Sprava dajšła navat da taho, što kiraŭniku CRU Uiljamu Biornsu ŭ lipieni 2022 hoda daviałosia publična abvierhnuć hetyja čutki, zajaviŭšy, što Pucin «zanadta zdarovy». 

Pavodle adnoj z teoryj, piša hazieta, u Kramli Sałaŭja, jakoha Miniust vosieńniu 2022 hoda abviaściŭ zamiežnym ahientam, cierpiać jak karysny instrumient.

Śpiekulacyi ab chutkaj śmierci Pucina mohuć pastavić pad sumnieŭ nieabchodnaść cisku na jaho i Rasieju, miarkuje Hrem, jaki byŭ daradcam Buša-małodšaha ŭ Rasiei. Pa słovach Hrema, kamientatary nakštałt Sałaŭja majuć vialiki ŭpłyŭ na Zachadzie z-za niedachopu infarmacyi paśla zakryćcia rasiejskich biuro zamiežnych ŚMI i skaračeńnia kolkaści supracoŭnikaŭ u pasolstvach.

Pavodle inšaj teoryi, Sałaviej moža być patrebny Kramlu, kab paśla padaŭleńnia niezaležnych ŚMI i dyskredytacyi ich reštkaŭ kančatkova padarvać davier da ich krynic, pieratvarajučy lubuju navinu ŭ sumnieŭnuju.

«Sens u tym, kab zrabić usio nievierahodnym»,

— skazaŭ Hryn, jaki da minułaha hoda byŭ hałoŭnym daradcam Bajdena pa Rasiei ŭ Radzie nacyjanalnaj biaśpieki. Navat kali Sałaviej adnojčy pryznaje, što Pucin žyvy, heta jašče bolš paškodzić imidžu ŚMI ŭ cełym, «tak što prajhrajuć usie», ličyć Hryn.

Publikacyi «Hienierała SVR» mohuć akazvać upłyŭ i ŭnutry krainy. Kali ŭ Rasiei kali-niebudź adbudziecca dziaržaŭny pieravarot, to ŭźniknuć peŭnyja sumnievy ŭ hetym. Prahnozy Sałaŭja mohuć dapamahać i bolš šyrokaj stratehii Kramla, nakiravanaj na toje, kab pierakanać rasiejcaŭ u roznych teoryjach zmovy i tym samym zrabić ich palityčna nieaktyŭnymi, skazaŭ Hrem.

Sałaviej u intervju WSJ zajaviŭ, što jaho krynicy — «vielmi vysokapastaŭlenyja ludzi». Pa słovach byłoha prafiesara, jaho infarmacyi daviarajuć ukrainskija ŭłady. WSJ nahadała, što kiraŭnik vajskovaj vyviedki Ukrainy Kirył Budanaŭ letaś kazaŭ pra chvarobu Pucina, jahonych dvajnikoŭ i insceniroŭku hibieli Jaŭhiena Pryhožyna.

@nashaniva Prezident Manholii pryhoža patroliŭ Pucina #novosti #putin #rośsija #intiervju #biełaruskityktok #pabiełarusku #vładimirputin #monholija #mova ♬ Trollge Phonk (Sped Up) - AMOGUS & KYÖ$TIMANE & BXRSXRK

Kamientary7

  • Gorliwy Litwin
    11.02.2024
    nikoli nie vioŭsia na hetuju achinieju, jak i na krambambulu. Ale najvialikšaja mudraść i čałaviečnaść - heta suciašać sercajki ščyryja luccovyja, chaj sabie i całkam absurdnymi falsifikacyjami. Tamu nie pieraviaducca klijenty ŭ takich voś iłže-prafiesaroŭ
  • UA
    11.02.2024
    Budanov užie stolko vsieho nahorodił, čto vyry jemu kak hebistu sołovju niet.
  • Vola
    11.02.2024
    Navošta NN patrebna absłuhoŭvać izrailskuju vajennuju prapanandu? 🤔

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Usie naviny →
Usie naviny

«Vyjšli chłopčyki z čamadančykami». Lidar hurta RSP raskazaŭ, jak Łukašenka pryjazdžaŭ na zdymačnuju placoŭku5

Respublikanskaja partyja aficyjna vyłučyła Trampa kandydatam u prezidenty ZŠA9

U Kabardzina-Bałkaryi biełarus sarvaŭsia sa skały1

Tramp nazvaŭ svajho kandydata ŭ vice-prezidenty20

Niekatoryja biełarusy sustrakali ŭčarašni ŭrahan, kupajučysia ŭ voziery VIDEA

Źmitra Daškieviča buduć sudzić pa novaj kryminalnaj spravie ŭžo na hetym tydni7

Łatuška: Ja mahu bajacca pić vadu ci kavu ŭ hramadskich miescach13

Kala miažy Polščy ź Biełaruśsiu ahresiŭnaja moładź atakavała polskich vajskoŭcaŭ VIDEA27

18-hadovaha chłopca z Bychava sudziać za «zdradu dziaržavie»9

bolš čytanych navin
bolš łajkanych navin

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna4

Čamu ŭ Mazyry amal dvoje sutak nie mahli adnavić elektrazabieśpiačeńnie? I pry čym tut vajna

Hałoŭnaje
Usie naviny →