Na biełaruskim školnym fakultatyvie źbirajucca vyvučać tvorčaść «Bi-2»
Biełaruskija školniki buduć vyvučać na školnym fakultatyvie siarod inšaha tvorčaść hurta «Bi-2», jakija niadaŭna ledź vyhrablisia sa składanaj situacyi ŭ Tajłandzie. Prynamsi, heta praduhledžvaje pastanova Ministerstva adukacyi Respubliki Biełaruś ad 15 listapada 2023 hoda № 347 «Ab zaćviardžeńni vučebnych prahram fakultatyŭnych zaniatkaŭ», apublikavanaja na Nacyjanalnym pravavym partale. Ale i biez taho tam chapaje cikavaha i navat krychu niečakanaha.
![](http://d3kcf2pe5t7rrb.cloudfront.net/img/w840d4webp1/photos/z_2024_01/bi2_4_240127-ejdhg.jpg.webp)
Tvorčaść hurta «Bi-2» zhadvajecca ŭ prahramie fakultatyŭnych zaniatkaŭ «Muzyka papularnych žanraŭ XX stahodździa» dla 11 kłasa. Raźličanaja prahrama na 35 hadzin (abo 1 zaniatak u tydzień na praciahu navučalnaha hoda), piša «Komsomolskaja pravda».
Uvohule ž u kursie, naprykład, na temu «Pop-muzyka» advodzicca 4 hadziny. Za ich piedahoh pavinien paśpieć patłumačyć pachodžańnie jak pop-muzyki ŭ cełym, tak i «efiekt papularnaści evierhryns», raskazać pra «šlahier, šanson, italjanskuju estradu, rasijskuju pop-muzyku», a taksama pra «pryrodu muzyčnaha kitču», «papsovyja» i psieŭdafolkłornyja hurty», «pieryjadyzacyju i asablivaści raźvićcia biełaruskaj estrady».
Siarod muzyčnaha materyjału možna pabačyć pieśni «Polka biełaruskaja» ŭ vykanańni ansambla «Siabry», «Nie zahasnuć zorki ŭ niebie» i «Byvajcie zdarovy» ŭ viersii prajekta «Ja naradziŭsia tut», «Javar i kalina», «Moj rodny kut» i «Spadčyna» ad «Pieśniaroŭ» (a taksama ich cykł «Praz usiu vajnu»). Jość u pieraliku «Vierasy», Michaił Bajarski i VIA «Dobry mołodcy». Z zachodnich vykanaŭcaŭ rajać słuchać Džo Dasena, Šarla Aznavura i Patrysiju Kaas.
Na temu rok-muzyki advodziać 8 hadzin, za jakija 11-kłaśnikam raskažuć pra Beatles, The Rolling Stones, Pink Floid, Doors, Led Zeppelin, Black sabbath, AC/DC i navat Sex Pistols z Metallica. Z rasiejskaha roku zakranuć hurty «Hraždanskaja oborona», «Arija», «Mumij Trol», Janku Dziahilevu, Ziemfiru, a jašče narabiŭšaha apošnim časam šumu «Bi-2».
Ź biełarusaŭ zhadvajucca «Y.Y.Y.», Gods tower, Viciouscrusade, hrupy «Inśpiektar», «Suzorje», «Miascovy čas», «Załataja siaredzina» (tam pačynaŭ Aleh Avieryn, jaki paźniej uvajšoŭ u «Pieśniary»), «Niejra Dziubiel», «Bonda», «MroJa / «N. R. M.», «Krama», «Ulis», «Novaje Nieba», «Troica».
Buduć u kursie taksama temy «Muzyčnyja «spłavy», na jakuju advodzicca 3 hadziny, jak i na «Aŭtarskuju pieśniu», «Na chvalach tele– i radyjoefiru Biełarusi» (2 hadziny), «Muzyka kino i telebačańnia», «Džaz» (na kožnuju — pa 4 hadziny).
Kamientary