Kultura99

Pavieł Łatuška raskazaŭ, jak Piatkievič zabaraniła jamu iści na jubilej Baradulina

Eks-ministr kultury raskazaŭ u svaim instahramie, jak śviatkavaŭsia ŭ 2010 hodzie 75-hadovy jubilej słynnaha paeta, i apisaŭ kalizii, jakija jamu spadarožničali.

«Ja nie viedaŭ asabista Ryhora Baradulina, nikoli ź im nie sustrakaŭsia, ale adnojčy, budučy ministram kultury, atrymaŭ ad jaho adzin z samych darahich padarunkaŭ: knihu vieršaŭ Baradulina z ułasnaručnym dopisam aŭtara. Hety ŭłasnaručny dopis, jaki ja nie chacieŭ by ahučvać publična, źjaŭlajecca adnym z samych darahich dla mianie jak čałavieka, jak dla asoby, jak dla biełarusa. Heta byli vielmi važnyja i kranalnyja słovy. Da hetaj pary jany šmat u čym mianie matyvujuć», — padzialiŭsia Pavieł Łatuška

Historyja jaho zavočnych uzajemaadnosinaŭ z Ryhoram Baradulinym pačałasia z taho, što da jaho jak da ministra kultury, pryjšoŭ ksiondz Uładzisłaŭ Zavalniuk — probašč kaścioła śviatych Symona i Aleny ŭ Minsku — z prapanovaj adśviatkavać 75-hadovy jubilej biełaruskaha paeta.

«Heta nie była inicyjatyva samoha spadara Baradulina, ale heta była inicyjatyva biełaruskaj hramadskaści. Pamiataju, što praź niekatory čas u mianie była sustreča z Łukašenkam. Siarod inšych ja padniaŭ i pytańnie jubileju Ryhora Baradulina — adnaho z apošnich narodnych paetaŭ Biełarusi», — zaŭvažyŭ eks-kiraŭnik Kupałaŭskaha teatra.

Była prapanova z boku hramadskaści, kab hetaja padzieja adbyłasia ŭ Pałacy Respubliki. Nie mahu skazać, što hety abjekt mnie ščyra padabajecca, ale ideja była ŭ tym, kab vykarystać placoŭku, u jakoj možna źmiaścić jak maha bolšuju kolkaść ludziej. Łukašenka na heta adreahavaŭ admoŭna, ale nie vykazaŭ piarečańniaŭ na karekciroŭku prapanovy, bo byli i zapasnyja varyjanty — Biełdziaržfiłarmonija i Nacyjanalny akademičny teatr imia Janki Kupały. Łukašenka machnuŭ hałavoj na Fiłarmoniju».

Palityk kaža, što daŭ piśmovaje daručeńnie Biełdziaržfiłarmonii, płanavaŭ i sam pajści na jubilej, kab asabista pavinšavać narodnaha paeta Biełarusi.

«Ale litaralna za dzień da hetaha razdaŭsia zvanok. Telefanavała Natalla Piatkievič, na toj čas pieršaja namieśnica kiraŭnika administracyi Łukašenki.

I skazała, što kateharyčna zabaraniaje mnie prysutničać na hetym śviacie, bo ličyć, što heta budzie pravakacyja, što ja faktyčna mahu akazacca asobaj, ministram, členam urada, jaki takim čynam padtrymaje biełaruskuju apazicyju», — raskazaŭ Pavieł Łatuška.

Adnak vyjście tady znajści ŭdałosia: jon nakiravaŭ na hetaje śviata adnaho sa svaich namieśnikaŭ. «Dla mianie było važna, što heta adbyłosia, što my tady ŭšanavali honar samaha vybitnaha biełarusa Ryhora Baradulina», — eks-ministr.

Kamientary9

  • ježik i hołaja popa
    10.02.2024
    nataška u ńju jorku?
  • Josik
    10.02.2024
    Narodny paet Biełarusi - apazicyja. Nasicie śviatło, adnym skazam piatkievič namalavała śvietapohlad dyrektara saŭhasa - usio biełaruskaje dla jaho ahidnaje. U kahości šče zastalisia pytańni ci pytańniečki?
  • Vasia s piłoramy
    10.02.2024
    Kak by Natalju skovyrnuť iz Ńju-Jorka v Biełaruś, žiełatielno na nary!

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Usie naviny →
Usie naviny

Tramp raskazaŭ, što cudam jaho vyratavała ad kuli3

Łatvija z 16 lipienia zabaraniaje ŭjezd mašyn ź biełaruskimi numarami 3

Lidzija Jarmošyna pra svaje strachi ŭ 2020: Z parłamienta prabirałasia čornymi chadami11

U časie bury mocna paciarpieli ptuški. Adziny ŭ krainie prytułak dla ich nie daje rady — jamu patrebnaja dapamoha

Ukrainskija ambicyi mieć F-16 raźbivajucca ab moŭny barjer, uźlotna-pasadačnyja pałosy i zapčastki — Bloomberg29

Cierciel zajaviŭ, što Ukraina adviała vojski ad biełaruskaj miažy jašče 3—4 lipienia1

«Au! Kudy vy źnikli?» Jak minčanka pierajhrała kvaternych afierystaŭ

Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

bolš čytanych navin
bolš łajkanych navin

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Maładoj ajcišnicy pahražaje da dziesiaci hadoŭ kałonii za achviaravańni Ukrainie

Hałoŭnaje
Usie naviny →