U Biełarusi razhaniajecca inflacyja, za miesiac pavieličeńnie na 0,8%
U studzieni 2024 hoda inflacyja ŭ Biełarusi vyrasła na 0,8% u paraŭnańni sa śniežniem 2023 hoda. Źviestki ab indeksie spažyvieckich cen apublikavaŭ Biełstat.
Charčovyja tavary stali daražejšymi ŭ siarednim na 1,3%, niecharčovyja i pasłuhi vyraśli na 0,4%.
Kali paraŭnoŭvać studzień 2024-ha sa studzieniem 2023-ha, to hadavaja inflacyja ŭ Biełarusi skłała 5,9%. Bolš za ŭsio padraśli za hety čas ceny ŭ śfiery pasłuh — na 7,5%, dalej iduć charčovyja tavary z pakazčykam u 6,9% i niecharčovyja tavary — jany vyraśli na 3,1%.
U katehoryi charčovych tavaraŭ asablivym rostam adznačylisia harodnina (+6,4%), sadavina (+2,5%), ałkaholnyja napoi (+1,8%). Na 1,5% bolšymi stali ceny na kurynyja jajki, jakija niadaŭna stali ŭ vialikaj kolkaści pastaŭlacca ŭ Rasiju.
Bolš za ŭsio siarod niecharčovych tavaraŭ pavialičylisia ceny na drukavanyja vydańni — na 2,7%. Za imi iduć leki (1,8%), a taksama dyvany i dyvanovyja vyraby (1,3%). Praŭda, abutak navat patańnieŭ na 1%.
Samyja vysokija tempy rostu prademanstravała katehoryja pravavych pasłuh — jany stali daražejšymi na 8,1%. Na 2,5% vyraśli pasłuhi ŭ kulturnaj śfiery, sanatorna-azdaraŭlenčyja — na 1,7%.
Zatoje krychu tańniej stała lotać samalotami — na 2,4%.
Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?4
Paśla praciahłaha rostu ŭ Biełarusi prykmietna źniziŭsia popyt na nieruchomaść. Čamu tak adbyvajecca?
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami88
Kamientary