Viarchoŭnaja Rada Ukrainy ŭ novym zakonie praduhledzieła praceduru, jakaja dazvolić jak mužčynam, tak i žančynam (nie tolki vajskoŭcam) stać baćkami paśla śmierci: ich partniory zmohuć vykarystoŭvać zamarožanyja repraduktyŭnyja kletki, kab naradzić dzicia. Hetyja dzieci buduć pryznanyja rodnymi dziećmi zahinułych z usimi pravami, jakija praduhledžvaje zakanadaŭstva, piša Ukrainskaja słužba Bi-bi-si.
Deputaty dla hetaha pryniali dva dakumienty: adzin, samy važny — u cełym, a jašče adzin, dapamožny — u pieršym čytańni. Dla zapusku schiemy na poŭnuju patrabujecca kančatkovaje ŭchvaleńnie abodvuch i padpisańnie ich prezidentam, ale prablemu mahčymaha źniščeńnia śpiermy zahinułych vajskoŭcaŭ pryniaty ŭ cełym dakumient užo zdymaje.
Hety krok parłamient raspačaŭ paśla hučnaha skandału ŭ kancy studzienia, kali stała viadoma, što Rada zabłakavała mahčymaść paśmiarotnaha baćkoŭstva i navat praduhledzieła prymusovuju ŭtylizacyju zamarožanaha bijamateryjału vajskoŭcaŭ u vypadku ich hibieli.
Kali ŭ papiaredniaj redakcyi zakona paśla śmierci vajskoŭca zachoŭvańnie repraduktyŭnych kletak spyniałasia i ich pavinny byli ŭtylizavać, to ŭ novaj redakcyi ŭ vypadku hibieli čałavieka ci pryznańnia jaho pamierłym repraduktyŭnyja kletki zachoŭvajucca za košt dziaržavy na praciahu troch hadoŭ. Paśla hetaha terminu jany taksama mohuć zachoŭvacca, ale ŭžo za košt asoby, jakoha pamierły pry žyćci pryznačyŭ rasparadčykam svajho bijamateryjału.
Revalucyjnaść dakumienta — u tym, što zakon upieršyniu praduhledžvaje mahčymaść dla hramadzianina rasparadzicca svaimi repraduktyŭnymi kletkami na vypadak svajoj śmierci, abjaŭleńnia sudom pamierłym ci prapaŭšym bieź viestak. Prytym havorka idzie pra luboha hramadzianina, a nie tolki vajskoŭca.
U vypadku naradžeńnia dziaciej, zhodna z pryžyćciovym rasparadžeńniem hramadzianina i dziakujučy repraduktyŭnym technałohijam, zahinuły «pryznajecca baćkam ci maci narodžanaha takim čynam dziciaci».
Na praciahu troch miesiacaŭ paśla ŭstupleńnia ŭ siłu zakona ŭrad pavinien pryniać dadatkovyja normy, kab urehulavać usie jurydyčnyja niuansy. U toj ža čas zakon pryznaje dziejnymi zaviaščańni i inšyja nataryjalna zaśviedčanyja volevyjaŭleńni hramadzian adnosna ich bijamateryjału, składzienyja da pryniaćcia hetaha zakona.
Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni4
Kamientary