Abaviazkovy pryzyŭ na vajennuju słužbu ŭ Łatvii admianili ŭ 2007 hodzie. Z taho času ŭ krainie było tolki prafiesijnaje vojska.
Ułady Łatvii viarnuli abaviazkovuju słužbu va ŭzbrojenych siłach krainy z-za pahrozy napadu Rasii, zajaviŭ kiraŭnik MZS Kryšjanis Karyńš, paviedamlaje The Moscow Times.
«My vykarystoŭvajem heta, kab pavialičyć pamier našaha aktyŭnaha i hatovaha [vajennaha] reziervu», — skazaŭ Karyńš. Pavodle jaho słoŭ, uzmacnieńnie abarony pavinna dasłać Maskvie sihnał, što bazy Łatvii i jaje jeŭrapiejskich sajuźnikaŭ prykryty.
Płan krainy składajecca ŭ tym, kab mieć bajazdolnyja siły kolkaściu da 61 tys. čałaviek, jakija buduć padzieleny na dziejnyja vojski i reziervovyja častki.
«My pavinny być u takim stanie hatoŭnaści, kab rasijskija hienierały i rasijskija palityčnyja kłasy jasna bačyli, što ruch u Jeŭropu niemahčymy», — rastłumačyŭ kiraŭnik MZS Łatvii.
Zaraz armija Łatvii składaje 6700 čałaviek, 10 tysiač apałčencaŭ i 36 tysiač čałaviek znachodziacca ŭ zapasie.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary