Sport44

Na Spartakijadzie ŭ Rasii skandał vybuchnuŭ jašče da startu. Niečakana zabaranili biełaruskich bijatłanistaŭ

Minsportu Rasii spasyłajecca na rehłamient. A čamu ŭ rehłamiencie tak?

Fota: Championat.com

Spartakijada najmacniejšych u Rasii jašče nie pačałasia, a ŭžo zdaryŭsia pieršy skandał. Bienzinu ŭ ahoń padlivajuć i arhanizatary, i biełaruskija bijatłanisty, i Dźmitryj Hubiernijeŭ. Kaktejl, zdolny padniać lubyja rejtynhi, iranizuje Championat.com.

«Afihienna my haścinnyja haspadary»

Čarhovaj padstavaj dla šumichi vakoł bijatłonnaha turniru na Spartakijadzie staŭ niadopusk stralajučych łyžnikaŭ ź Biełarusi ŭ mas-start. Pieršym na heta ŭ svaim telehram-kanale źviarnuŭ uvahu kamientatar Dźmitryj Hubiernijeŭ.

«Mas-start na bijatłonnaj Spartakijadzie biełarusy nie biahuć — zahad Minsportu … Afihienna my haścinnyja haspadary! Ale čas usio vypravić jašče jość, kab nie vyhladać poŭnymi durniami…» — napisaŭ jon.

I sapraŭdy, pa papierach bijatłanisty ź Biełarusi pabiahuć usie honki, akramia toj, što na 30 čałaviek z ahulnaha startu. Pytańni pierš za ŭsio pasypalisia ŭ bok Sajuza bijatłanistaŭ Rasii. Usie zhadali, jak u kancy siezona-2022/2023 u vialikim mas-starcie na Čempijanacie Rasii spartsmienam ź Biełarusi taksama nie znajšłosia miesca.

Tady ŭ SBR skazali prama — pryjarytet rasijskim bijatłanistam. I mieli racyju, bo pavodle dakumientaŭ biełarusy biaruć udzieł u honkach u vypadku najaŭnaści svabodnych miescaŭ. Heta ž rasijskija starty, tak? Tady čamu rasijanie svaje zhubiać miescy, chaj navat na karyść biełarusaŭ?

Ale tady susiedziaŭ usio roŭna trymali ŭ hałavie. Pakolki ŭ papiaredni startavy pratakoł trapili 60 bijatłanistaŭ, a 23 było ŭ ranhu reziervovych. Z hetych 23 bijatłanistaŭ adrazu vosiem pradstaŭlali Biełaruś.

U dzień startu kolkaść udzielnikaŭ stała prykmietna mienšaj — 53 atlety tady paćvierdzili start, adnak biełarusam miesca ŭsio roŭna nie znajšłosia. Pamiatajecca iraničnaja reakcyja Dzinary Alimbiekavaj-Smolskaj na hetuju situacyju:

«Cikava» było hladzieć mas-start biez našych, jakich nie dapuścili pa rašeńni sudździaŭ. A sami navat i 60 udzielnikaŭ nie znajšli», — napisała spartsmienka na svajoj staroncy ŭ sacsietkach.

«Spartakijada — heta ŭsierasijskija spabornictvy»

Padobna, z dopuskam biełarusaŭ na Spartakijadu hetaja historyja pajšła na druhoje koła. Voś tolki na hrabli nastupili nie ŭ SBR, a ŭ Minsportu Rasii. Imavierna, ciapier tam razvažyli, što ŭ spryncie, honcy pieraśledu i estafietach biełaruskija ŭdzielniki nijak rasijanaŭ nie ŭciskajuć, a voś u mas-starcie mohuć pakinuć kahości nie prosta bieź pieramohi, a navat biez šancu vystupić.

Nu ci bolš prazaičnaja viersija. Kali biełarusy na Spartakijadzie vystupajuć u niejkim sensie «pa-za konkursam», to i sistema adboru ŭ honku z ahulnaha startu «pa-za konkursam» isnavać nie moža. 

Zajava Ministerstva sportu Rasii, apublikavanaja ŭ adkaz na padniaty šum, ničoha nie tłumačyć, ale ŭskosna hetuju viersiju paćviardžaje.

«Spartakijada — heta ŭ pieršuju čarhu ŭsierasijskija spabornictvy, arhanizavanyja dla kamand subjektaŭ Rasii, i mahčymaść prahladu spartyŭnaha reziervu dla dalejšaha farmiravańnia zbornych kamand Rasijskaj Fiederacyi i arhanizacyi trenirovačnaha pracesu», — voś frahmient z zajavy, jakoje viedamstva dało «Matč TV».

***

Spabornictvy buduć pravodzicca z 8 pa 18 lutaha ŭ adpaviednaści z prahramaj XXV zimovych Alimpijskich hulniaŭ 2026 hoda ŭ Miłanie i Karcina-D'ampieca (Italija). Spartakijada projdzie pa 16 zimovych alimpijskich vidach sportu, u jakich budzie razyhrana 107 kamplektaŭ uznaharod:

bijatłon, babślej, skieleton, harnałyžny sport, kiorlinh, kańkabiežny sport, šort-trek, łyžnyja honki, łyžnaje dvajaborje, skački na łyžach z tramplina, sanny sport, ski-alpinizm, snoŭbord, fihurnaje katańnie, frystajł, chakiej.

Kamientary4

  • Sovietskaja Biełoruśsija
    07.02.2024
    V znak protiesta protiv vozmutitielnoj diskriminacii sportsmienov iz Biełoruśsii na Spartakiadie silniejšich v Rośsii minsporta Biełoruśsii rasporiadiłoś diskvalificirovať za dopinh na osnovanii spravki KHB vsiech sportsmienov iz Rośsii na Spartakiadie prohrieśsivnoho čiełoviečiestva po biatłonu na prizy lehitimnoho priezidienta Biełoruśsii v Raubičach.
  • Łukašyst
    07.02.2024
    A moža tak i treba?
  • Josik
    07.02.2024
    Papłačcie šče. Spartakijada dla rasiejcaŭ, a vy šče nie majecie pašpartoŭ rasiei.

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Usie naviny →
Usie naviny

Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT4

«Pa kodavym słovie «Barysaŭna» vykinuła ŭ akno €760 tysiač». 16-hadovy kurjer zabraŭ u dvaich piensijanieraŭ 2,7 młn rubloŭ14

Što adbudziecca, kali Bajden vyjdzie z prezidenckaj honki?1

Ukrainski front na Danbasie pasypaŭsia ŭ niekalkich miescach — analityk Bild10

Biełaruski ajcišnik pierajechaŭ u Aŭstraliju i trapiŭ pad skaračeńni. I zadaŭsia adviečnym pytańniem «Što rabić»?14

U Lidzie zatrymali ŭładalnika kaviarni «Tutaka»

Z-kanał: Imavierna, Kryhier arhanizoŭvaŭ dyviersii ŭ Branskaj vobłaści5

Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie37

U Vilejskim rajonie kiroŭca pahruzčyka ledź nie ŭrezaŭsia ŭ pachavalnuju pracesiju

bolš čytanych navin
bolš łajkanych navin

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Kruty: Boh pasłaŭ urahan, kab prezident paradavaŭsia, što stvoranaja im sistema vystajała

Hałoŭnaje
Usie naviny →