Fota ilustracyjnaje

Fota ilustracyjnaje

Zbor podpisaŭ aktyvistami hramadskaj inicyjatyvy byŭ arhanizavany ŭ apošnija dni studzienia ŭ handlovych centrach «Dana Moł» i «Stalica» ŭ Minsku. Taksama svaje podpisy (i, mahčyma, navat asobnyja zvaroty) nakiravali ŭładam pradstaŭniki rehijonaŭ.

Podpisy źbiralisia ŭ troch ekzemplarach — na adrasy administracyi Łukašenki, Savieta Respubliki i MUS.

U zvarocie svajaki asudžanych źviartajuć uvahu na terminy źniavoleńnia, niesuvymiernyja sa złačynstvam, z-za čaho tysiačy maładych ludziej, u tym liku niepaŭnaletnija z 14 hadoŭ, trapili ŭ kałonii ŭ siarednim na 10 hadoŭ. Asnoŭnaja masa asudžanaja ŭpieršyniu, heta moładź da 30 hadoŭ, a kala 30% viaźniaŭ kałonij adbyvajuć pakarańnie pa artykule 328 KK.

Aŭtary pietycyi prosiać źmianić zakanadaŭstva ŭ bok źmiakčeńnia pa nižnich i vierchnich parohach usich častak artykuła 328 KK i prymianić budučuju amnistyju 2024 hoda taksama dla ŭsich častak hetaha artykuła ŭ jakaści akta humannaści ad dziaržavy.

Zvaroty vytrymanyja ŭ padkreślena łajalnym u adnosinach da ŭładaŭ tonie. Niekatoryja aktyvisty ruchu navat vykazvali inicyjatyvu nakiravać zvarot prapahandystu Azaronku, kab jaho pieraciahnuć na svoj bok.

Častka «Maci-328» nastojvała na asobnym paznačeńni prablemy samych žorstkich prysudaŭ pa častkach 4 i 5 artykuła 328 KK (złačynstva, ździejśnienaje ŭ składzie arhanizavanaj złačynnaj hrupy), z-za čaho ŭ ruchu paznačyŭsia raskoł.

U Biełarusi prajšli ŭžo try amnistyi (2019, 2020, 2022 h.), ale nivodnaja ź ich nie zakranuła asudžanych pa častkach 4 i 5 artykuła 328 KK.

Čytajcie taksama:

Stała viadoma, jakich złačynstvaŭ u Biełarusi ŭ 2023 było najbolej

«Navošta jaje ŭvohule pasadzili?!» Što viadoma pra žančynu-zabojcu z Babrujska, za jakuju zastupiŭsia Łukašenka

Kubrakoŭ nie vyklučyŭ, što amnistyju prymieniać i da palitźniavolenych. Ale ŭ zabojcaŭ šancaŭ bolš

Клас
3
Панылы сорам
6
Ха-ха
1
Ого
2
Сумна
0
Абуральна
0