MZS Polščy pryniaŭ rašeńnie pavialičyć košt svaich vizaŭ. Hetaja miera stanie adkazam na letašni vizavy skandał. Pra heta ministr zamiežnych spraŭ Polščy Radasłaŭ Sikorski raskazaŭ u intervju vydańniu Gazeta Wyborcza.
«Ja ŭžo vyrašyŭ padniać ceny na vizy, tamu što akazałasia, što našy vizy byli adnymi z samych tannych u ES. Tamu niadziŭna, što achvotnyja ŭ Afrycy ci Azii išli ŭ polskaje konsulstva, u nas prosta było tańniej», — patłumačyŭ rašeńnie Sikorski.
Praŭda, jon nie ŭdakładniŭ, zakranie pavyšeńnie vizaŭ usie krainy ci tolki tyja, konsulstvy jakich byli zamiašanyja ŭ skandale.
U 2023 hodzie stała viadoma, što polskija konsulstvy vydavali vizy pa karupcyjnych schiemach, a mnohija mihranty, jakija prybyli ŭ Polšču nibyta dla pracy, na samaj spravie mahli vyjechać u inšyja krainy ES.
Niadaŭna pa hetaj spravie vystavili abvinavačvańni byłomu namieśniku ministra zamiežnych spraŭ Polščy Piatru Vaŭžyku. Tady paviedamlałasia, što parušeńni ŭstanoŭlenyja ŭ polskich dypłamatyčnych misijach u Hankonhu, na Tajvani, u AAE, Indyi, Saudaŭskaj Aravii, Sinhapury, na Filipinach i ŭ Katary.
U 2023 hodzie u Polščy nie dali časovaha DNŽ amal 14% zajaŭnikaŭ ź Biełarusi
Mianiajucca praviły vydačy viz dla biełarusaŭ z kartami palaka
«Bolš za pałovu majho ofisa vykarystoŭvała hetuju vizu prosta dla padarožžaŭ». Što dumajuć ajcišniki pra zakryćcio prahramy Poland.Business Harbour
«Nie apraŭdała nadziej». Palaki patłumačyli, čamu prypynili vizavuju prahramu Poland. Business Harbour
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1414
Kamientary