Vajna2525

Čamu Zialenski choča źniać Załužnaha? Čatyry pryčyny

U apošnija dni aktyŭna abmiarkoŭvajecca mahčymaja adstaŭka hałoŭnakamandujučaha Uzbrojenymi siłami Ukrainy Valeryja Załužnaha. Tłumačym, čamu Zialenski moža być niezadavoleny hienierałam, papularnym u naroda.

Valeryj Załužny. Fota: AP Photo / Efrem Lukatsky

Roznyja vajskovyja pryjarytety

Jak piša ŭ svajoj knizie «Šoŭmien» žurnalist Time Sajman Šuster, supiarečnaści pamiž prezidentam Uładzimiram Zialenskim i hałoŭnakamandujučym Uzbrojenymi siłami Ukrainy Valeryjem Załužnym uźnikli jašče da pačatku poŭnamaštabnaha ŭvarvańnia Rasii va Ukrainu. Załužny vystupaŭ za ŭsieahulnuju mabilizacyju i ŭmacavańnie miežaŭ z Rasijaj, a prezident bajaŭsia, što takija miery spravakujuć u hramadstvie paniku.

Z pačatkam vajny, jak piša Šuster, pa miery taho jak ruskija adstupali, prezident Ukrainy stanaviŭsia ŭsio bolš upeŭnienym u sabie. U jaho źjavilisia ŭłasnyja bačańni taho, jak treba vieści vajnu, i jany nie zaŭsiody supadali z hienieralskimi. Nieŭzabavie raskoł uzmacniŭsia. 

Vajskovy analityk centra Jeŭrapiejskaj rady pa mižnarodnych adnosinach Hustaŭ Hresel pisaŭ, što Zialenski, nasupierak voli Załužnaha, nastojvaŭ na ŭtrymańni Bachmuta letam 2023 hoda, chacia z vajennaha punktu hledžańnia ŭ hetym užo nie było sensu.

Akramia taho, BILD stała viadoma, što Załužny jašče niekalki tydniaŭ tamu chacieŭ vyvieści vojski z Aŭdziejeŭki, adnak Zialenski admoviŭ jamu ŭ hetym i 29 śniežnia asabista pajechaŭ u horad na liniju frontu, kab padtrymać bajcoŭ USU.

Uvosień 2023-ha ŭkrainskija i zachodnija ŚMI pačali paviedamlać ab kanflikcie pamiž Zialenskim i Załužnym paśla intervju apošniaha The Economist, dzie hałoŭnakamandujučy siarod inšaha zajaviŭ, što bai na Ukrainie zajšli ŭ tupik. Prezident publična ź im nie pahadziŭsia.

Parušeńnie strohaj ijerarchii ŭ vojsku

Dla chutkaści Uładzimir Zialenski moh kamunikavać z kiraŭnikom Suchaputnych vojskaŭ Alaksandram Syrskim i kiraŭnikom pavietranych sił Mikałajem Aleščukom u abychod Załužnaha. Hetaha patrabujuć abstaviny. Ale z druhoha boku, heta destabilizuje pracu hałoŭnakamandujučaha USU, jaki daviedvajecca niešta ad svaich farmalnych padnačalenych chiba što na naradach staŭki, a to i zusim nie daviedvajecca, pisała «Ukrainskaja praŭda».

Dla stroha ijerarchičnaj vajskovaj struktury heta nieŭłaściva.

Čystka siarod abłasnych vajenkamaŭ, zamiašanych u karupcyi, jakuju inicyjavaŭ ukrainski prezident, taksama maje advarotny bok. Jak pisała «Ukrainskaja praŭda», Załužny paśla hetych zvalnieńniaŭ ahučyŭ danyja pa mabilizacyi: było rezkaje padzieńnie pa ŭsich abłaściach. Rašeńnie, jakoje palityčna vyhladała pravilnym (hramadstva chacieła spraviadlivaści), mieła vajennyja nastupstvy.

Padobny efiekt, ličyć «UP», majuć i kadravyja pierastanoŭki, jak zvalnieńnie kamandujučaha SSA Viktara Charenki, kamandujučaj miedsiłaŭ Taćciany Astaščanka. Usie hetyja vajskoŭcy z arbity hałoŭnakamandujučaha Załužnaha, i ich vyzvaleńnie ŭnosić niestabilnaść u kamandnuju viertykal.

Padazreńni ŭ palityčnych ambicyjach Załužnaha

Nie spryjali dobrym uzajemaadnosinam i padazreńni z boku ofisu prezidenta Ukrainy ŭ mahčymych palityčnych ambicyjach Załužnaha. Jak piša Šuster, pryčynaj pasłužyła rašeńnie hienierała stvaryć dabračynny fond, jaki, na dumku hramadzianskich uładaŭ, moh pieraraści ŭ palityčnuju partyju, ad jakoj Załužny moh by vyłučycca ŭ prezidenty. Załužny ŭ vyniku fondu stvarać nie staŭ.

Sacyjałahičnyja apytańni pakazvali, što ciapier u Załužnaha bolš vysoki rejtynh padtrymki, čym u Zialenskaha. Jak piša Bloomberg, napružanaść pamiž hałaŭkamam i prezidentam paharšajecca tym faktam, što Załužny karystajecca «šalonaj papularnaściu» jak siarod ukrainskaha narodu, tak i siarod vajskoŭcaŭ.

Zbroja i kamunikacyja z zachodnimi partniorami

Pavodle źviestak «UP», pa raźlikach Hienieralnaha štaba dla vykanańnia zadačy Zialenskaha pa vyzvaleńni ŭsioj terytoryi Ukrainy patrabujecca sił i srodkaŭ na 350—400 miljardaŭ dalaraŭ.

Niekatorymi idejami płanavańnia Hienštab padzialiŭsia z kiraŭnikom Pientahona Łojdam Ościnam padčas jaho apošniaha vizitu ŭ Kijeŭ u listapadzie.

«Ościnu ahučyli patrebnaść u 17 miljonach snaradaŭ. Jon, miakka kažučy, ździviŭsia, tamu što va ŭsim śviecie nie sabrać stolki snaradaŭ», — raspaviadaŭ «UP» nie pad zapis adzin z čynoŭnikaŭ Sił abarony.

Pradstaŭnikoŭ Pientahona ździviła ščyraść ukrainskich kaleh adnosna ŭnutranaj situacyi ŭ krainie.

«U pryvatnych razmovach Ościn raspaviadaŭ, što Załužny pastajanna skardzicca jaho hienierałam na OP, jak jamu pieraškadžajuć. Nu jasna, što i prezident pra takija razmovy daviedaŭsia. I jany nie spryjajuć davieru», — kamientavaŭ na ŭmovach ananimnaści čynoŭnik Sił abarony.

Z-za admovy ŭ pastaŭcy ŭzbrajeńniaŭ Ukrainie, jak piša Šuster, Załužny na čas pieraryvaŭ kantakt sa staršynioj Abjadnanaha kamiteta načalnikaŭ štaboŭ Uzbrojenych sił ZŠA (u 2019-2023 hadach) Markam Mili.

Jakija b ni byli pryčyny niezadavolenaści prezidentam Ukrainy hałoŭnakamandujučym uzbrojenymi siłami, rašeńnie ab adstaŭcy nie patrabuje dadatkovych abhruntavańniaŭ i tłumačeńniaŭ. Adpaviedna zakanadaŭstvu Zialenski heta moža zrabić u luby zručny dla jaho čas. Za apošnija miesiacy, jak adznačajuć analityki, prezident Ukrainy nie raz byŭ blizki da pryniaćcia takoha rašeńnia. Ale pakul Załužny zastajecca na svajoj pasadzie. A ŭčora vyjšaŭ jaho novy prahramny artykuł.

Čytajcie jašče:

ZŠA papiaredžvali, što Rasija vysadzić vojski ŭ Hastomli, kab zachapić Kijeŭ. Ale Zialenski nie pavieryŭ

Zachodnija miedyja ličać, što zvalnieńnie Załužnaha — pytańnie času, i aceńvajuć ryzyki

Zialenski maje namier abviaścić ab zvalnieńni Załužnaha ciaham niekalkich dzion — CNN

Kamientary25

  • .
    02.02.2024
    Nu čto, hospoda kalinovcy, tiepieŕ na Minsk vas poviediet nie kakoj-to tam vojennyj hienierał, a sam vieličajšij archistratieh i vojennyj hienij vsiech vriemien, zasłužiennyj hienieraliśsimus kvn i druhich bolšich i małych cirkov vierchom na Podolakie?

    Prostitie etu hoŕkuju ironiju: mało toho, čto snaruži pomoŝju Ukrainie žonhlirujet radi svoich intieriesov vsiakij, komu nie leń, tiepieŕ jeŝie i iznutri konfieranśje riešił nie tolko ihrať v politika, no i samostojatielno viesti vojnu. Naviernoje, polistał "Kłauzievica i Suńczy dla otstajuŝich v kartinkach" i poniał, čto sam spravitsia łučšie, diełov-to, jeśli už vybory vyihrał... Kakaja-to lutaja žiesť.
  • Raptor
    02.02.2024
    Potomu čto Zieł chočiet ubierieč stoju Ž, i v sojuzie ili bojaźni s ahientom kozyriem płanomierno sdajut U
    Žałko tolko pohibšich ludiej v etom dohovorniakie. Śniatije Zał tomu podtvierždienije.
  • Janka
    02.02.2024
    Vielmi sumniajusia, što Załužny moh kazać štości pra 17 miljonaŭ snaradaŭ. A čynuša ad Jarmaka moh 100%.

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Usie naviny →
Usie naviny

Pa Mścisłaŭskim rajonie praniośsia mocny ŭrahan

U Biełarusi ŭžo +37,5°S. U siervisie dastaŭki praduktaŭ źnikła papularnaja minieralnaja vada1

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku127

bolš čytanych navin
bolš łajkanych navin

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA4

Jak za 20 kiłamietraŭ ad Biełarusi prachodzić fiestyval Tutaka ŠMAT FOTA

Hałoŭnaje
Usie naviny →