Na hety momant u Biełarusi naličvajecca 1416 aficyjna pryznanych palitviaźniaŭ, ich kolkaść pavialičvajecca amal štotydniova.

Adnačasova kožny miesiac niekalki dziasiatkaŭ palitviaźniaŭ vychodziać ź miescaŭ źniavoleńnia abo pa zakančeńni terminu, abo paśla suda da nakiravańnia ŭ papraŭčuju ŭstanovu adkrytaha typu (na «chimiju») ci pačatku adbyćcia terminu na «chatniaj chimii».

Pry hetym kolkaść palitviaźniaŭ, jakija vyjšli na volu pa adbyćci terminu, moža być bolšaj praz adsutnaść u pravaabaroncaŭ dakładnych źviestak pra ich vyzvaleńnie. Raniej paviedamlałasia, što ŭ studzieni vyjšli na volu, u pryvatnaści, palitviaźni Zinaida Michniuk, Alaksandr Babič, Andrej Bialaŭski, Alaksandr Łučynovič, Arciom Takarčuk.

U studzieni łukašenkaŭskija sudy ŭ absalutnaj bolšaści pryznačali palitviaźniam pazbaŭleńnie voli. Tolki dźvie palitźniavolenyja žančyny ŭ minułym miesiacy vyjšli na volu ź SIZA paśla suda — Ksienii Ryžyk i Hańnie Čarkas pryznačyli ŭ jakaści pakarańnia «chatniuju chimiju». Ale i hetyja źviestki mohuć być niapoŭnymi, bo nie ŭsie vyniki sudoŭ nad palitviaźniami pakul viadomyja pravaabaroncam.

Čytajcie taksama:

U Mahilovie zatrymali žonku palitviaźnia Maksima Siarhiejenki

«Stvaraje atmaśfieru ŭsiodazvolenaści». Minčuka asudzili na 2,5 hoda «chatniaj chimii» za ŭdzieł u akcyi pratestaŭ

Suprać zatrymanaj Aksany Jučkavič zaviali kryminałku

Клас
2
Панылы сорам
1
Ха-ха
1
Ого
0
Сумна
1
Абуральна
4