Hramadstva99

Major milicyi, jaki ŭdzielničaŭ u represijach u 2020 hodzie, bolš za hod žyŭ i pracavaŭ u Litvie. Jaho vykryła dyjaspara

Były lidski milicyjant Alaksandr Macijevič, jaki ŭ 2020 hodzie ŭdzielničaŭ u represijach suprać pratestoŭcaŭ, kala 1,5 hoda žyŭ u Litvie i zajmaŭsia ŭstanoŭkaj voknaŭ. Zaraz jany z žonkaj «śpiešna pakinuli Litvu», paviedamiŭ «Biełpoł».

Abjadnańnie byłych siłavikoŭ «Biełpoł» atrymała ad biełaruskaj dyjaspary infarmacyju, što ŭ Litvie pražyvaje były lidski milicyjant — 33-hadovy Alaksandr Macijevič. U krainie ES jon znachodzicca razam z žonkaju, pracuje ŭstanoŭščykam voknaŭ.

«Biełpoł» vyśvietliŭ, što z 2010 hoda Macijevič byŭ supracoŭnikam orhanaŭ MUS. Apošniaja jaho pasada — staršy inśpiektar ISN Lidskaha RAUS, zvańnie — major milicyi.

U 2020-ym hodzie Macijevič udzielničaŭ u represijach suprać mirnych hramadzian i navat prachodziŭ «paciarpiełym» pa kryminalnaj spravie, źviazanaj z pratestami.

Pavodle hetaj kryminalnaj spravy, jak pišuć biełpołaŭcy, «vidavočna sfalsifikavanaj łukašystami», dziaŭčyna ŭ skviery kala Lidskaha farnaha kaścioła, sprabujučy nie dapuścić zatrymańnia pratestoŭcaŭ, nibyta źbiła dvuch aficeraŭ Lidskaha RAUS, u tym liku Macijeviča. Jana, pavodle spravy,

«naŭmysna schapiła Macijeviča za formiennuju kurtku, paciahnuła na siabie, u vyniku čaho sarvała nakładny pahon, tym samym parušyła cialesnuju niedatykalnaść supracoŭnika AUS, pryčyniŭšy pry hetym Macijeviču A.A. fizičny bol i pakuty». 

Pravaabarončym centram «Viasna» dziaŭčyna pryznanaja palityčnaj źniavolenaj.

«Ja jamu pavieryŭ i naniaŭ jaho»

Jak piša LRT, Macijevič pryjechaŭ u Litvu kala paŭtara hoda tamu, atrymaŭ vid na žycharstva i pracu. Były major milicyi ŭładkavaŭsia mantažnikam voknaŭ u vilenskuju firmu Europos saugumo garantas.

Pracadaŭca Macijeviča paćvierdziŭ vydańniu LRT, što ŭ jaho pracuje były milicyjant, ale toj zapeŭnivaŭ, što nie ŭdzielničaŭ u represijach.

«Ja vydatna viedaju, što adbyłosia ŭ Biełarusi ŭ 2020 hodzie, u mianie tam svajaki. Ja viedaŭ, što jon milicyjant. Tamu ja niekalki razoŭ pytaŭsia, ci ŭdzielničaŭ jon u tych represijach. Jon zapeŭniŭ mianie, što nie datyčny da taho, ja jamu pavieryŭ i naniaŭ jaho, bo inšaj infarmacyi ŭ mianie nie było. Ja jamu skazaŭ: dobra, pracuj», — skazaŭ LRT pracadaŭca Macijeviča Juryjus Radziunas.

Jon kaža, kali infarmacyja, što Macijevič źbivaŭ pratestoŭcaŭ, paćvierdzicca, to jon jaho zvolnić.

«Ja b ź im navat nie razmaŭlaŭ, kali b viedaŭ», — skazaŭ biznesoviec.

Pracadaŭca sam navučyŭ byłoha milicyjanta novaj prafiesii. «Narmalny pracaŭnik. Vučycca i pracuje. Rabočych ruk zaŭsiody nie chapaje», — rastłumačyŭ Radziunas.

Praŭda, paru tydniaŭ tamu Macijevič paprasiŭsia ŭ adpačynak. «Jon kaža, što choča šukać inšuju pracu, tamu i paprasiŭsia ŭ adpačynak», — dadaŭ pracadaŭca.

Dazvoł na pracu ŭ Litvie biełarus atrymaŭ jašče da ŭzmacnieńnia imihracyjnych praviłaŭ.

Pakul niezrazumieła, jak były major milicyi prajšoŭ praź filtr litoŭskich śpiecsłužbaŭ.

U Departamiencie mihracyi LRT paćvierdzili, što infarmacyja pra hety vypadak viadomaja, i viadziecca rasśledavańnie. 

«Budu nadalej jeździć u Litvu»

LRT źviazałasia i z samim Macijevičam. Jon skazaŭ, što kali jaho departujuć, to nie budzie abskardžvać rašeńnie. Havaryć pra svajo minułaje jon nie chacieŭ.

«Jany mohuć mianie departavać, heta ich prava. Ja vam skažu, što infarmacyja ŭ kožnaha svaja. Kali ŭ ich jość takaja infarmacyja, jany jaje vykarystoŭvajuć. Mahu tolki skazać, što hetuju infarmacyju pra svajo minułaje ja nikomu, u tym liku žurnalistam, nie budu paviedamlać. I ja budu nadalej jeździć u Litvu, bo mianie nie departavali. I kali heta adbudziecca, ja nie budu abskardžvać rašeńnie, kožny maje svajo prava», — skazaŭ były major milicyi. 

Macijevič źjechaŭ u Biełaruś

Učora «Biełpoł» paviedamiŭ, što ŭsia najaŭnaja infarmacyja pra lidskaha milicyjanta była pieradadziena dziaržaŭnym orhanam Litoŭskaj Respubliki.

«Paśla našaj publikacyi Macijevič razam z žonkaj śpiešna pakinuŭ Litvu i viarnuŭsia ŭ Biełaruś», — dadaŭ «Biełpoł».

Kamientary9

  • EMIL
    01.02.2024
    Vot otkuda u karatielej takaja uvieriennosť v siebie!?
    "Ja budu i dalšie jezdiť, a jeśli zaprietiat - budu obžałovať"...
  • Čarkaškvarka
    01.02.2024
    Łukašysckim zabojcam treba nie u europach žyć i pracavać, u biełarusijach, a lepiej hinuć zapucina na rasiejskaj vajnie. A kantrol na ujezd u ES treba uzmacnić, kali patrebna to i u zadnicu lezci dahdiadać, kab ni adna łukašval nie prabrałasia u narmalnaje žyćcie.
  • Andruś
    01.02.2024
    A moža BiełPołu treba było biez šumu i pyłu spačatku źviarnucca ŭ palicyju Litvy, kab jaho aryštavali, potym zrabić zajavu ad imia tych, kaho jon katavaŭ, i pravieści sud pavodle ŭniviersalnaje jurysdykcyi? Bo niejkich 90-hadovych dziadoŭ, jakija na vyškach u Aśviencymie stajali ŭ 1940-ja, aryštoŭvajuć i sudziać, a tut žyvy małady i zdarovy kat novaha pakaleńnia - "śpiešna pakinuŭ Litvu i źjechaŭ u Biełaruś". 

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA8

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA

Usie naviny →
Usie naviny

U Staŭbcoŭskim rajonie matacykł trapiŭ pad ciahnik — zahinuli dva čałavieki1

Chłopiec, što stralaŭ u Trampa, byŭ respublikancam24

Stali viadomyja padrabiaznaści žudasnaha DTZ pad Mahilovam. U im zahinuŭ 5-hadovy chłopčyk i jaho baćka2

MUS raspaviało pra abłavu na rok-kancert pad Pinskam13

Bułački z čarnicami — recept1

FBR nazvała imia taho, chto stralaŭ u Trampa23

Kali ź Biełarusi sydzie anamalnaja śpioka4

Rasijanie zaniali Uradžajnaje

Biełaruska padarožničaje pa samych biednych krainach Afryki i raskazvaje — jak heta, kali ciabie pastajanna razvodziać na hrošy12

bolš čytanych navin
bolš łajkanych navin

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA8

Kola-siekjuryci, Ciacieryn z torbami i doktarka ź Bieleńkim. Jak vyhladała śvita Łukašenki na «Słavianskim bazary» VIDEA

Hałoŭnaje
Usie naviny →