Hramadstva2121

Pra kaho ź biełaruskich palitykaŭ najbolš čytajuć u Vikipiedyi?

Ci zabylisia na Babaryku i dzie pra Paźniaka čytajuć bolš, čym pra Cichanoŭskuju? Pahladzieli, za kaho z demakratyčnych sił ludzi hałasujuć svaimi prahladami.

Śviatłana Cichanoŭskaja i Zianon Paźniak na roŭnych zmahajucca za prahlady čytačoŭ Vikipiedyi.

Vikipiedyja — najbujniejšaja krynica svabodnych viedaŭ, dzie možna znajści artykuł na lubuju temu na šmatlikich movach. Pravić jaje moža kožny. Naturalna, što ludzi karystajucca hetym i pišuć pra toje, što dla ich važna, u tym liku pra losavyznačalnyja padziei 2020 hoda i palityčnych lidaraŭ. Siońnia ŭ Vikipiedyi jość artykuły amal pra ŭsich palitykaŭ z demakratyčnaj apazicyi. 

Dla analizu papularnaści biełaruskich palitykaŭ my źviarnulisia da statystyki anhlijskaj, ruskaj, ukrainskaj i abiedźviuch biełaruskich Vikipiedyj za 2023 hod. Na žal, u niekatorych z hetych raździełaŭ niama artykułaŭ pra palitykaŭ, pra jakich jość artykuły ŭ inšych, tamu śpisy troški adroźnivajucca.

Statystyka pa prahladach biełaruskich palitykaŭ u anhlijskaj Vikipiedyi.

Najbujniejšaja ŭ śviecie anhlijskaja Vikipiedyja viedaje pra mnohich biełaruskich palitykaŭ, ale ź vielizarnym adryvam pieršaje miesca pa prahladach maje demakratyčnaja lidarka Śviatłana Cichanoŭskaja. Pra jaje na anhlijskaj movie za hod pračytali 197 tysiač razoŭ. Pra ŭsich nastupnych palitykaŭ čytali ŭ dziasiatki razoŭ mienš.

Nie zabyvajuć zamiežniki i na Viktara Babaryku, jaki zastajecca za kratami, jon zajmaje druhoje miesca z 16 tysiačami prahladaŭ. Nie našmat adstaje ad jaho staraja hvardyja — Zianon Paźniak zajmaje treciaje miesca. 

Čaćviortaje miesca ŭ Valeryja Capkały. Darečy ŭ jaho vypadku źviartaje na siabie pamier artykuła — jon najbolšy za ŭsich inšych palitykaŭ, udvaja bolšy za artykuł pra Cichanoŭskuju. Niechta papracavaŭ nad im na słavu.

U kancy top-10 dypłamat Valeryj Kavaleŭski, jaki pradstaŭlaje Abjadnany pierachodny kabiniet na mižnarodnaj arenie. Jašče nižej Volha Karač sa 145 prahladami.

Statystyka pa prahladach biełaruskich palitykaŭ u ruskaj Vikipiedyi.

U ruskaj Vikipiedyi karcina blizkaja, ale nie identyčnaja. Pieršaje miesca zajmaje Cichanoŭskaja z 188 tysiačami prahladaŭ. Druhoje miesca sa značnym adryvam zajmaje Zianon Paźniak. Z padobnaj kolkaściu prahladaŭ, kala 40 tysiač, na trecim i čaćviortym miescy Viktar Babaryka i Valeryj Sachaščyk. Dalej z roźnicaj 10 tysiač prahladaŭ adzin za adnym iduć Pavieł Łatuška, Valeryj Capkała, Franak Viačorka.

U śpisie za hod usiaho 9 asob, bo artykuł pra Kavaleŭskaha byŭ stvorany niadaŭna i ŭ statystyku za 2023 hoda nie traplaje. Kali hladzieć statystyku za apošni miesiac, to Kavaleŭski idzie adrazu za Sachaščykam.

Hadavy śpis zamykajuć Vadzim Prakopjeŭ i Alaksandr Milinkievič. Anatol Labiedźka i Volha Karač u top-10 nie traplajuć.

Iznoŭ źviartaje na siabie pamier artykuła pra Valeryja Capkału. Jon, niachaj nie ŭ razy, jak u anhlijskaj Viki, pieravyšaje pamier artykułaŭ pra inšych palitykaŭ, ale ŭsio ž taki bolšy za ŭsie inšyja.

Statystyka pa prahladach biełaruskich palitykaŭ va ŭkrainskaj Vikipiedyi.

Pieršaje miesca va ŭkrainskaj Vikipiedyi čakana zajmaje Śviatłana Cichanoŭskaja.

A voś dalej adbivajucca palityčnyja pieravahi ŭkraincaŭ. Druhoje miesca zajmaje Valeryj Sachaščyk, jaki adkazvaje za pytańni abarony i nacyjanalnaj biaśpieki ŭ Abjadnanym kabiniecie i musić naładžvać suviaź ź biełaruskimi padraździaleńniami, što vajujuć na ŭkrainskich frantach.

A voś postaćciu Viktara Babaryki cikaviacca značna mienš, jon u trojki nie trapiŭ. Treciaje miesca zajmaje Zianon Paźniak. U razy mienš čytali pra Łatušku, Babaryku, Capkału i Viačorku. Artykuły pra Milinkieviča i Kavalkovu adkryvali mienš čym raz na dzień.

Statystyka pa prahladach biełaruskich palitykaŭ u biełaruskaj Vikipiedyi «taraškievicaj».

Ale ŭ biełaruskich Vikipiedyjach lidar zusim nie Cichanoŭskaja, a Zianon Paźniak! Cichanoŭskaja niachaj i ź nievialikim adryvam, ale zajmaje tolki druhoje miesca. A voś dalejšy śpis palitykaŭ istotna adroźnivajecca ŭ raździełach kłasičnym i akademičnym pravapisami.

U raździele taraškievicaj na trecim miescy znachodzicca Franak Viačorka, paśla iduć Labiedźka, Capkała, Łatuška, Babaryka, Milinkievič, zaviaršajuć śpis Volha Kavalkova i Andrej Dźmitryjeŭ — artykuły pra ŭsich ich naviedvali nie bolš čym raz na dzień.

Statystyka pa prahladach biełaruskich palitykaŭ u biełaruskaj Vikipiedyi.

U akademičnym raździele trojku lidaraŭ zamykaje Pavieł Łatuška, a Franak Viačorka zajmaje tolki piataje miesca, paśla Milinkieviča. Dalej iduć Babaryka, Labiedźka, Capkała, narešcie ŭ topie akazałasia Karač. Najmienš pa-biełarusku čytajuć pra Volhu Kavalkovu, ale pra jaje tut i mała napisana — u razy mienš, čym pra inšych palitykaŭ.

Cikava, što ŭ abodvuch biełaruskich raździełach niama artykuła pra Sachaščyka.

Takim čynam, Śviatłana Cichanoŭskaja zastajecca lidarkaj pa kolkaści prahladaŭ viki-artykułaŭ pra jaje. Nie zabyvajuć i pra Viktara Babaryku, jaki dahetul zastajecca za kratami. Novaje palityčna žyćcio paśla 2020 hoda zdabyŭ i Zianon Paźniak, u nacyjanalna aryjentavanych kołach, jakija čaściej źviartajucca da artykułaŭ u biełaruskaj Vikipiedyi, jon moža kankuravać ź Cichanoŭskaj.

Ukraincaŭ ža mała cikaviać cyvilnyja asoby z časoŭ prezidenckich vybaraŭ u Biełarusi, kudy bolš — vajskoviec Sachaščyk, u toj ža čas biełarusy navat nie padumali napisać pra takuju klučavuju asobu choć by paru abzacaŭ tekstu.

Kamanda Capkały, u prykład inšym, dobra papracavała nad jahonym imidžam i pradstaŭlenaściu ŭ Vikipiedyi, čaho, vidavočna, brakuje pradstaŭnikam Abjadnanaha pierachodnaha kabinieta.

U aŭtsajdarach akazalisia Kavalkova, Karač i Kavaleŭski, pra jakoha ŭvohule amal niama artykułaŭ u moŭnych raździełach.

«Naša Niva» — bastyjon biełaruščyny

PADTRYMAĆ

Kamientary21

  • Pudž
    01.02.2024
    Pryjemna, što taraškievicaj čytajuć vielmi šmat, navat kali jana daloka nie pieršaja ŭ śpisie pošuku braŭziera zaŭsiody.
    Bo mienavita tak pavinna vyhladać nacyjanalnaja Vikipiedyja, ŭ adroźniańni ad narkamaŭskaj, dzie jašče paru hod tamu artykuły pa historyi Biełarusi byli kopipastam z rasiejskaj. Ciapier sytuacyja krychu lepiej, ale historyju VKŁ tam čytać marna, bo całkam letuviska-saviecki naratyŭ. 
    Spadarstva, treba taksama redačyć ałhielskamoŭnuju, bo mienavita tak letuvisy prasunuli na zachad Hiedyminasaŭ, Vitaŭtasaŭ i Pranciškusaŭ Skarynosaŭ z Kanstancinasami Kalinaŭskasami.
  • Losik
    01.02.2024
    Pudž, nie dumaju, što VikipEdyja, u jakoj u artykule pra Biełaruś stajać jak dziaržaŭnyja simvały Pahonia, bčb, a adzinaj dziaržaŭnaj movaj paznačana biełaruskaja, moža być prykładam choć dla kahości. Heta stvareńnie fentezijnaj burbałki, jakaja adlustroŭvaje chaciełki peŭnych kołaŭ, a nie abjektyŭnuju infarmacyju pra śviet. A abjektaŭna ŭ Biełarusi siońnia čyrvona-zialony ściah, hierb "vianok" i dźvie dziaržaŭnyja movy z uchiłam u likvidacyju ŭsiaho biełaruskaha. Zapluščvańniem vačej ci źmianieńniem tekstu ŭ VikipEdyi hetyja prablemy nie vyrašacca.

    Nu a što tyčycca anhlijskaj viki - u nas ža kožny žuk i žaba vučyć anhlijskuju, a dzie vynik? Litoŭcy vučać, dyk i anlijskaja Vikipiedyja adlustroŭvaje ichnija ŭjaŭlańni pra historyju, a biełarusy dla čaho vučać? 
  • leha
    01.02.2024
    usio što ja zrazumieŭ z hetaha artykuła, dyk što capkała raz na dzień čytaje pra siabie ŭ biełaruskaj vikipiedyi. moža movu vučyć

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Usie naviny →
Usie naviny

Padazravany ŭ padryvie aŭtamabila z rasijskim HRUšnikam paśpieŭ vylecieć z Maskvy ŭ Turcyju2

«Rasija łže nakont ekanamičnaha rostu. Sankcyi pracujuć, ich treba ŭzmacnić» — ministry finansaŭ ES19

Hałoŭnaja zorka zbornaj Ukrainy pierachodzić u ispanski top-kłub

Šef-kuchar. Što viadoma pra rasijanina, aryštavanaha ŭ Francyi za padrychtoŭku čahości žachlivaha padčas Alimpijady4

Rasijskija aktyvisty paskardzilisia patryjarchu Kiryłu na Vienijamina — jon nie molicca za pieramohu6

Hałoŭnakamandujučy USU raskazaŭ pra pieravahu Rasii ŭ technicy i akreśliŭ, što rabić ukraincam3

Łukašenka paprasiŭ nie nazyvać jaho haspadzinam16

Hałoŭnakamandučy USU: Va Ukrainy jość płan viartańnia Kryma, i heta realistyčna4

Surjozna? Alimpijcy buduć płavać u Sienie? Nasamreč, afihienny prajekt adradžeńnia raki8

bolš čytanych navin
bolš łajkanych navin

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ12

Uładzimir Karatkievič. Jak jamu ŭdałosia zastacca niesavieckim i nie skurvicca? Jon doraha zapłaciŭ

Hałoŭnaje
Usie naviny →