Homielskaha hałoŭnaha pamiežnika, adkaznaha za napad na Ukrainu, abvinavačvajuć pa redkaj kryminalnaj spravie
U sudzie Savieckaha rajona Homiela budzie razhladacca kryminalnaja sprava ŭ dačynieńni da poŭnaha ciozki načalnika Homielskaj pahraničnaj hrupy pałkoŭnika Uładzisłava Brujeva. Jaho abvinavačvajuć pa častcy 1 artykuła 178 Kryminalnaha kodeksa Biełarusi — «razhałošvańnie miedyčnaj tajamnicy», zaŭvažyŭ «Fłahštok».
Niahledziačy na takoje redkaje i niecharakternaje dla vajskoŭca abvinavačańnie, «Fłahštok» miarkuje, što pierad sudom sapraŭdy paŭstaŭ načalnik Homielskaj pamiežnaj hrupy.
Na heta pakazvaje toje, što druhi abvinavačany pa spravie — Alaksandr Vojnaŭ. Pavodle infarmacyi «Fłahštoka», padpałkoŭnik Vojnaŭ zjaŭlajecca načalnikam adździeła kadraŭ Homielskaj pahraničnaj hrupy.
Poŭnaje abvinavačańnie ŭ KK hučyć tak: «Naŭmysnaje razhałašeńnie miedycynskim, farmaceŭtyčnym abo inšym rabotnikam biez prafiesijnaj abo słužbovaj nieabchodnaści źviestak ab najaŭnaści zachvorvańnia, dyjahnazie abo vynikach miedycynskaha ahladu pacyjenta».
Abvinavačanym pahražaje štraf abo pazbaŭleńnie prava zajmać peŭnyja pasady abo zajmacca peŭnaj dziejnaściu.
U čym sutnaść spravy, nieviadoma.
Raniej Brujeŭ časta vystupaŭ u dziaržaŭnaj presie. U lipieni 2023 hoda jamu prysudzili zvańnie «Čałaviek hoda» ŭ naminacyi «Słužu Ajčynie». Apošniaje jahonaje publičnaje zjaŭleńnie zafiksavana 14 kastryčnika 2023 hoda.
Pavodle infarmacyi sajta Dziaržpahrankamiteta, Brujeŭ siońnia praciahvaje ličycca načalnikam Homielskaj pahraničnaj hrupy.
Uładzisłaŭ Brujeŭ — adzin z tych, chto niasie adkaznaść za ŭzbrojenaje ŭvarvańnie va Ukrainu rasijskich vojskaŭ z terytoryi Homielskaj vobłaści.
Z hetaj pryčyny jon uklučany ŭ sankcyjny śpis Ukrainy, Jeŭraźviaza, Šviejcaryi, Vialikabrytanii, Kanady, Novaj Ziełandyi.
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary
Parodyja na parodyju.