Hramadstva11

U Biełarusi moža padaražeć korm dla žyvioł

U 2022-m biełaruski rynak karmoŭ dla chatnich žyvioł ź viadomych pryčyn lichamaniła — ceny rezka vyraśli, niekatoryja brendy źnikli, a tyja, što zastalisia, pastaŭlalisia ź pierabojami.

Ilustracyjnaje fota: shop.purina.ru

Pastupova situacyja stabilizavałasia — z deficytam spravilisia, ale adahnać ceny nazad, zrazumieła, nie atrymałasia. Office Life pahavaryŭ z udzielnikami rynku i daviedaŭsia, što na im adbyvajecca ciapier.

26 studzienia adzin z najbujniejšych pastaŭščykoŭ — kampanija Nestle, jakaja vyrablaje karmy dla žyvioł, — abviaściła, što z 5 lutaha pavysić adpusknyja ceny na 4-12% u zaležnaści ad liniejki.

Rasijskaje padraździaleńnie šviejcarskaj kampanii vypuskaje papularnyja ŭ tym liku ŭ Biełarusi karmy pad brendami Felix, Purina One, Pro Plan i «Hurme». U Nestle patłumačyli heta pavyšeńniem sabiekoštu praz rost zakupačnych cen syraviny na 11-25%.

Jak paviedamili OL udzielniki rynku, u Biełarusi ceny na hetyja brendy taksama vyrastuć. Choć 713-m pastanovaj urada kormu dla chatnich žyvioł, ptušak i ryb patrapili pad praceduru rehulavańnia cen (pamiery nadbavak imparcioraŭ i handlu na hetyja tavary składajuć 30%), na rost aficyjnaj adpusknoj cany vytvorcy pastaŭščyki paŭpłyvać nijak nie mohuć.

Pa prykładzie Nestle ŭ Rasii mohuć pajści i inšyja vytvorcy karmoŭ dla žyvioł. Naprykład, Mars (brendy: Pedigree, Whiskas, Royal Canin i inš.). Bo jany sapraŭdy hetak ža zaležać ad cenaŭ na syravinu, kursavych roźnicaŭ i łahistyki. Što tyčycca pastavak u Biełaruś karmoŭ ź Jeŭropy i inšych krain, to tut značnaha rostu cen nie čakajecca, bo ciapier jany zaležać u asnoŭnym tolki ad valutnych kursaŭ rubla, dalara i jeŭra.

Pa słovach Alesi Strukiel z Megazoo.by, za dva apošnija hady niekatoryja zachodnija karmy i biez taho padaraželi na 80-100%. Pa-pieršaje, praz deficyt u 2022 hodzie, kali ich pastaŭki ŭ krainu značna skaracilisia.

Pa-druhoje, z-za rezkaha padaražeńnia łahistyki ŭ suviazi z zakryćciom pahranpierachodaŭ i ŭviadzieńniem pracedur pierahruzki i pieračepki dla zamiežnych pieravozčykaŭ.

Udzielniki rynku kažuć, što ŭ 2022-m mnohija jeŭrapiejskija kampanii prypynili pastaŭki karmoŭ u Biełaruś, niahledziačy na toje, što ni ŭ jakija sankcyjnyja śpisy hetyja tavary nie patrapili. Ale ŭ 2023-m situacyja źmianiłasia, i pastaŭki znoŭ pajšli bolš-mienš stabilna.

Za vyklučeńniem ukrainskaha Club 4 Paws («4 łapy») nivodnaha z papularnych brendaŭ biełaruski rynak pa sutnaści nie straciŭ.

Bolš za toje, vybar u vyniku staŭ navat bolšy, bo za čas, pakul nie było pastavak zvykłych karmoŭ, u Biełaruś pryjšli mnohija «noŭniejmy» — vytvorcy i pastaŭščyki z tych ža jeŭrapiejskich krain i z Rasii, jakija raniej na našym rynku nie pracavali. Bolšaść jeŭrapiejskich pastavak pa-raniejšamu idzie ŭ krainu furami praź Litvu i Polšču.

Jak kaža Ivan Rudenka z «Alpaka-Bieł», situacyja na rynku ciapier dosyć stabilnaja. Deficytu karmoŭ niama, i možna kupić bolšaść zvykłych brendaŭ. Pry hetym skazać, što popyt zaŭsiody zadavoleny na 100%, usio ž taki nielha. Tamu što ŭ asobnych brendaŭ zdarajucca pieraboi z pastaŭkami — praz zatrymki na miažy abo prablemy z apłataj.

Kamientary1

  • nadajeła
    27.01.2024
    Ilustracyjnaje fota: shop.purina.ru
    kociki chaj padiuju na krys. parazity

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Usie naviny →
Usie naviny

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?3

Viačorka: Łukašenka abvieścić datu svaich vybaraŭ, tolki kali skončacca amierykanskija5

Pamior mastak Valeryj Čajka. Jon afarmlaŭ minskaje mietro

Zialenski pra zajavu Budanava pra nastup Rasii z poŭnačy: Jaho nie tak zrazumieli1

Ralf Šumachier ździejśniŭ kaminh-aŭt16

Jakimi buduć vybary 2025 hoda? Razvažajuć Viačorka, Łatuška i Šrajbman52

Jak vyhladaje čarha pa vadu ŭ Mazyry6

Jašče adna achviara ŭrahanu: u Śvietłahorsku dreva zabiła 90-hadovaha mužčynu

Ukraincaŭ spytali, ci pryjšoŭ čas pačynać pieramovy z Rasijaj — vyniki sacapytańnia1

bolš čytanych navin
bolš łajkanych navin

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju2

Šachiedy pačali adzin za adnym źbivacca z kursu i viartacca ŭ Biełaruś. Siońnia z-za bieśpiłotnika znoŭ padniali bajavuju avijacyju

Hałoŭnaje
Usie naviny →