Suzasnavalnik fondu «Bajsoł» Andrej Stryžak u intervju «Našaj Nivie» padzialiŭsia svaim pohladam na składanuju historyju Volhi Karač.
Andrej Stryžak ličyć, što ŭ Volhi Karač składanaja historyja, jakuju jon nazvaŭ trahiedyjaj. Jak tłumačyć Stryžak, Karač doŭhi čas u Litvie była hałoŭnym emisaram biełaruskaj demakratyčnaj supolnaści.
«Litoŭcy da jaje prysłuchoŭvalisia, jana była ŭvachodžaja ŭ roznyja kabiniety. Ale tut zdaryłasia padzieńnie mietearyta ŭ vyhladzie našych pryjezdaŭ. Źjaŭlajecca šmat roznych centraŭ upłyvu, i Volha imkliva pačynaje hublać svaje ryčahi i značnaść. I praz heta pačynajucca roznyja sproby pryciahnuć da siabie ŭvahu: dzień X, historyja z Fiadutam i Ziankovičam».
Stryžak adznačaje, što jamu «škada čałavieka ŭ takim stanie, joj davodzicca prachodzić sudy. Ale jana sama kanstruktar situacyi, u jakoj apynułasia».
Volha Karač viadoma jak kiraŭnica Mižnarodnaha centra hramadzianskich inicyjatyŭ «Naš Dom», zarehistravanaha ŭ Čechii. Była deputatam Viciebskaha haradskoha savieta deputataŭ. U 2014 hodzie atrymała dazvoł na žycharstva ŭ Litvie. U časie vybaraŭ Karač nijak nie nahadvała pra siabie, a ŭvosień 2020 hoda pačała pravodzić strymy, dzie raspaviadała pra padziei ŭ krainie i zaprašała haściej.
Karač pastajanna vystupaje z krytykaj asobnych dziejačaŭ biełaruskich demakratyčnych siłaŭ. Asabliva značny kanflikt u Volhi byŭ z «Bajsołam».
U 2022 hodzie Minsk pryznaŭ arhanizacyju «Naš dom» ekstremisckaj, a ŭ 2021 hodzie biełaruski KDB unios jaje ŭ śpis terarystaŭ. U pačatku hetaha hoda litoŭski sud admoviŭ Karač u nadańni palityčnaha prytułku.
Čytajcie jašče:
Chto takaja Volha Karač, jakaja choča padsiadzieć Cichanoŭskuju?
Makar rassvaryŭsia z Karač i zajaviŭ, što Ziankovič palacieŭ u Maskvu pad jaje harantyi biaśpieki
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?46
Kamientary