Na hetym fotazdymku za žonkaj prezidenta Zimbabve Aksilijaj Mnanhahva i Irynaj Abielskaj idzie Dzina El-Dziefi Fiejsał

Na hetym fotazdymku za žonkaj prezidenta Zimbabve Aksilijaj Mnanhahva i Irynaj Abielskaj idzie Dzina El-Dziefi Fiejsał

Na fotazdymku ź vizitu biełaruskaj delehacyi u Zimbabve na čale ź Irynaj Abielskaj — hałoŭnaj doktarkaj Respublikanskaha kliničnaha miedyčnaha centru (lečkamisii) i pieradusim maci Koli Łukašenki — časta ŭ kadr traplała dziaŭčyna ŭ čyrvonaj sukiency.

Jak vyśvietlili supracoŭniki Aljansu rasśledavalnikaŭ Biełarusi, heta Dzina El-Dziefi Fiejsał. Jana pracuje płastyčnym chirurham, flebołaham u pryvatnych miedyčnych centrach «Nardzin» i «Šajn Est» u Minsku.

Dzina El-Dziefi Fiejsał Dina El-Diefi Faisal Dina El-Diefi Fiejsał

Zdymak Dziny El-Dziefi Fiejsał na sajcie miedyčnaha centru «Nardzin». 

Patrapić u skład biełaruskaj delehacyi dziaŭčynie dapamahli asabistyja suviazi. Rasśledavalniki śćviardžajuć, što Dzina sustrakajecca ź Dźmitryjem Abielskim, starejšym synam Iryny Abielskaj. Jon pracuje razam z mamaj u lečkamisii.

Dźmitryj Abielski viadomy jašče i tym, što ŭ kastryčniku 2020 hoda telefanavaŭ u milicyju, kab paskardzicca na toje, što u ŽK «Kaskad» naciahvajuć bieł-čyrvona-biełyja ściahi. 

Dmitrij Abielskij i Dina El-Dijefi Fiejsał Dmitry Abelsky and Dina El-Diefi Faisal Dźmitryj Abielski i Dzina El-Dziefi Fiejsał

Dźmitryj Abielski i Dzina El-Dziefi Fiejsał. Fota: telehram-kanał allians_belarus

Rasśledavalniki pišuć, što Dźmitryja ź Dzinaj vielmi časta možna pabačyć na hłamurnych tusoŭkach. A ŭ 2019 hodzie žurnalisty sfatahrafavali ich razam z Kolem Łukašenkam na matčy pa plažnamu futbołu.

Dźmitryj Abielski, Dzina El-Dyjefi Fiejsał i Mikałaj Łukašenka Dmitrij Abielskij, Dina El-Dijefi Fiejsał i Nikołaj Łukašienko Dmitry Abelsky, Dina El-Diefi Faisal and Nikolai Lukashenko

Dźmitryj Abielski, Dzina El-Dyjefi Fiejsał i Mikałaj Łukašenka na matčy pa piažnamu futbołu. 2019 hod. Fota: telehram-kanał allians_belarus

Takim čynam, Iryna Abielskaja naviedała Zimbabve, dzie jaje nazyvali «pieršaj łedzi Biełarusi», razam z svajoj mahčymaj budučaj niaviestkaj.

Čytajcie jašče:

Iryna Abielskaja pryviezła ŭ Zimbabve padarunki «ad Łukašenki»

Miascovyja ŚMI: Łukašenka pryjazdžaŭ u Zimbabve pa lityj

Iryna Abielskaja raskazała, jak pracuje «Lečkamisija»

Клас
7
Панылы сорам
44
Ха-ха
16
Ого
6
Сумна
4
Абуральна
49