Za što ministru zdaroŭja Pinieviču dali vyśpiatka? I jaki kampramat na jaho jość

«Termin prydatnaści Pinieviča padyšoŭ da kanca. Jon zasłužany bajec, vielmi pradumany biurakrat-karjeryst ź niakiepskaj karjeraj. Jon vajskovy doktar, ale pracavaŭ i ŭ Dziaržkantroli, tamu razumieje, za što karajuć i jak karajuć. Pinievič pracavaŭ hałoŭnym doktaram u 6-j balnicy Minska, uznačalvaŭ kamitet pa achovie zdaroŭja Minharvykankama, amal 10 hadoŭ byŭ pieršym namieśnikam ministra zdaroŭja. Ale vielmi chacieŭ stać ministram čahości inšaha — naprykład, pracy i sacyjalnaj abarony, — uzhadvaje surazmoŭca. — 

Pavialičyć

Sprabavaŭ zamianić Maryjanu Ščotkinu (jana była ministarkaj pracy ŭ 2009-2016 — «NN»), ale nie atrymałasia. Pinievič doŭha prasiadzieŭ u namieśnikach [ministra zdaroŭja] Vasila Žarko i byŭ mocna zamazany, čamu ŭłasna i chacieŭ syści ŭ inšaje ministerstva — na jaho byŭ surjozny kampramat. Čynoŭniki tady dali dazvoł na vykarystańnie niejkaha ź lekaŭ biez vyprabavańniaŭ. Naturalna, pa zahadzie źvierchu, ale z podpisam Pinieviča. I kali jaho pryznačali ministram, to, ja tak razumieju, tuju historuju pierakłali z papki «kryminalnaja sprava» u papku «kantralavany kampramat». Pinievič trymaŭsia za pasadu, tamu što razumieŭ, što kali zvolnicca, to mohuć viarnuć kryminalnuju spravu».

Pa słovach inšaj krynicy, kandydataŭ na pasadu ministra achovy zdaroŭja i ŭ 2020-m było niašmat. Tady Uładzimira Karanika pieraviali ŭ Hrodna, i na vyzvalenaje miesca razhladvali litaralna niekalki čałaviek — siarod ich Pinievič i inšaja namieśnica ministra Alena Bohdan.

Treci surazmoŭca miarkuje, što ciapier Pinieviču nie pahražaje ničoha. «Jon ža pavodziŭ siabie tak, jak patrabavała ŭłada. Z adnaho boku, nijakich dasiahnieńniaŭ nie było. Nu ale jakija jany mohuć być pry masavym adjeździe miedykaŭ? Ale i nie skazać, što Pinievič niešta zavaliŭ. Navat kali pajšli ŭsie hetyja «miedycynskija» kryminalnyja spravy — jak z tymi ž artapiedami, jamu heta ŭ vinu nie stavili. Prynamsi nijak nie karali. Tamu adstaŭka absalutna płanavaja. Usiu druhuju pałovu 2023 hoda ŭsie ŭ sistemie viedali, što Pinieviča prybirajuć».

Čytajcie taksama:

Fotafakt: «Adnaruki» Pinievič u kamuflažy dakładvaje pra hatoŭnaść armiejskich aptečak

Pinievič pra pavyšeńnie zarobkaŭ miedykam: Ale hety padarunak Łukašenki treba adpracavać 

Ministr prapanuje zatrymanym traŭmatołaham pryznać vinu ŭ abmien na svabodu. Što tut nie tak?

Chto taki Dźmitryj Pinievič, jaki staŭ na miesca Karanika?

• 7
• 0
• 23
• 12
• 6
• 7
• 12
• 0