Hramadstva

Navapołack, Baranavičy, Homiel — samyja represavanyja harady Biełarusi

«Fłahštok» zrabiŭ rejtynh haradoŭ Biełarusi pa intensiŭnaści administracyjnaha pieraśledu pa palityčnych matyvach u 2023 hodzie. U vybarku byli ŭklučany harady z kolkaściu nasielnictva zvyš 50 tysiač čałaviek, uklučajučy žycharoŭ adpaviednych rajonaŭ.

Top-10 haradoŭ Biełarusi pa intensiŭnaści administracyjnaha pieraśledu pa palityčnych matyvach u 2023 hodzie, kolkaść sudoŭ na 100 tys. nasielnictva rajona

Pravaabarončy centr «Viasna» sabraŭ statystyku administracyjnaha pieraśledu biełarusaŭ pa vynikach 2023 hoda. «Fłahštok» pahladzieŭ, u jakich haradach Biełarusi represii režymu najbolš mocnyja.

Najbolšaja aktyŭnaść represijnaj mašyny ŭ 2023 hodzie była ŭ Navapołacku. Pravaabaroncy zafiksavali 131 vypadak administracyjnaha pieraśledu pry kolkaści nasielnictva horada 96,8 tys. čałaviek. 

Druhoje miesca zajmajuć Baranavičy , dzie zaŭvažana jak minimum 156 vypadkaŭ na 200 tys. nasielnictva rajona.

Homiel taksama ŭvajšoŭ u trojku najbolš represavanych haradoŭ Biełarusi. U bazie dadzienych pravaabarončaha centru «Viasna» za 2023 hod utrymlivajecca infarmacyja pra 400 administracyjnych pracesaŭ, razhledžanych u sudach Homiela i Homielskaha rajona. U paraŭnańni ź minułym hodam intensiŭnaść administracyjnaha pieraśledu hamialčan pa palityčnych matyvach pavialičyłasia ŭ 4,3 raza .

U dziasiatku najbolš represavanych haradoŭ z Homielskaj vobłaści ŭvajšli taksama Žłobin (60 vypadkaŭ na 99 tys. nasielnictva) i Śvietłahorsk (46 sudoŭ na 77 tys. nasielnictva).

Siarod nievialikich haradoŭ Homielskaj vobłaści najbolšaja intensiŭnaść represij zafiksavana ŭ biełaruska-ŭkrainskim pamiežžy. U Naroŭli ŭ 2023 hodzie pravaabaroncam na dadzieny momant viadoma pra 10 administracyjnych pracesaŭ na 10 tys. nasielnictva rajona. 

Chojnikach razhladałasia 17 administracyjnych spraŭ, pry kolkaści žycharoŭ rajona — 18,7 tysiač. Na trecim miescy Brahin, dzie viadoma pra 9 kiejsaŭ na 12 tys. žycharoŭ.

Ahułam ciapier viadoma ab represijach u 2023 hodzie ŭ dačynieńni da minimum 6386 čałaviek. Ale hetyja dadzienyja nie kančatkovyja. Statystyka administracyjnaha pieraśledu pa palityčnych artykułach pravaabarončaha centru «Viasna» pastajanna papaŭniajecca za košt kiejsaŭ, padrabiaznaści jakich stanoviacca viadomyja značna paźniej.

Pravaabaroncy taksama viaduć bazu dadzienych administracyjnych pieraśledaŭ, ź jakoj možna daviedacca detali asobnych pracesaŭ. Na siońniašni resurs źmiaščaje infarmacyju ab 3389 administracyjnych pracesach 2023 hoda pa ŭsioj Biełarusi. Sa źmiestu bazy dadzienych možna zrazumieć, u sudach jakich haradoŭ Biełarusi palityčnyja pracesy razhladajucca čaściej za ŭsio.

Najbolšaja kolkaść administracyjnych pracesaŭ prypadaje na Minsk - 12,2% ad usich apubličanych kiejsaŭ. 

Homiel adstaje nie našmat, na jaho dolu prypadaje 11,8 pracenta sudovych razboraŭ. 

Trojku zamykaje Hrodna , dzie razhladałasia 7,8% viadomych vypadkaŭ.

Top-10 haradoŭ Biełarusi pa kolkaści administracyjnych pracesaŭ pa palityčnych matyvach u 2023 hodzie, %

Kamientary

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Usie naviny →
Usie naviny

51 nobieleŭski łaŭreat zaklikaŭ nieadkładna spynić vajnu va Ukrainie i kanflikt u siektary Haza13

U honar biełaruskaha bajca nazvali vulicu va ŭkrainskim Kanatopie1

Budanaŭ pra pahrozu nastupu RF z poŭnačy: Katastrofy niama, ale nie bačyć prablem nie atrymajecca2

Zaŭtra ŭ Biełarusi budzie da +35°S, ale ŭ Minsku «ŭsiaho» +30°S3

Pryncesa Kiejt Midłtan naviedaje finał Uimbłdona ŭ niadzielu1

Ministarka sportu Francyi za dva tydni da Alimpijady vykupałasia ŭ Sienie, ledź nie paśliznuŭšysia na prystupkach VIDEA1

Paźniak pierakanany, što ŭ druhim tury vybaraŭ-1994 pieramoh by Łukašenku121

Miesiacy karcaru i dva z pałovaj hady biez sonca. Jak małady minčuk prajšoŭ praz kałoniju i krytuju turmu5

Novyja Patriot i SAMP/T nie zmohuć abaranić Charkaŭ, Sumy, Mikałajeŭ i Čarnihaŭ — analityki

bolš čytanych navin
bolš łajkanych navin

FBR nazvała imia taho, chto stralaŭ u Trampa18

FBR nazvała imia taho, chto stralaŭ u Trampa

Hałoŭnaje
Usie naviny →