Usiaho patrochu11

Turcyja, Čarnahoryja, Ispanija: pahladzicie, jakija tury možna zabraniravać na leta prosta ciapier

Kali žadajecie aščadzić na plažnym adpačynku, adzin z varyjantaŭ — spłanavać jaho zahadzia, a to i skarystacca rańnim braniravańniem, tym bolš što pieršyja prapanovy ad biełaruskich turfirmaŭ užo źjavilisia. Što tam cikavaha?

Turcyja 

Kali vy hatovyja vypravicca na mora ŭžo viasnoj, z 23 krasavika jość tury ŭ Kiemier ź jaho halkavymi plažami — 9 načej u piacizorkavym hateli abyducca ŭ 2 tysiačy rubloŭ (tut i dalej pryvodzim košt ź pieralotam).

Na paźniejšyja daty ceny rastuć: naprykład, jość tury na 7 načej u adzin z trochzorkavych hatelaŭ Kiemiera, i za taki adpačynak daviadziecca vykłaści ad 2650 rubloŭ.

Kali chočacie ŭ bolš spakojny kutočak Turcyi, možna pajechać u Ałańju, ale rychtujciesia da bolšych cen. Naprykład, tury z 25 krasavika na 10 načej u piacizorkavy hatel u Ałańji mohuć abyścisia ŭ 4350 rubloŭ. 7 načej u tusovačnaj Antalii, kali jechać u piacizorkavy hatel z 27 krasavika, kaštujuć ad 4280 rubloŭ, na 11 načej z 31 maja ŭ čatyrochzorkavym hateli ŭ Side (doŭhija plažy i staražytnyja ruiny) rychtujcie ad 3560 rubloŭ.

Jehipiet

Užo ŭ lutym možna vypravicca na adpačynak u hetuju papularnuju krainu, dadatkovy plus — mahčymaść atrymać vizu pa pryjeździe. Kali kazać pra biudžetnyja varyjanty, jość tury ŭ trochzorkavy hatel u Churhadzie z 18 lutaha — daviadziecca zapłacić ad 2900 rubloŭ za 11 načej. Tyja ž 11 načej, ale ŭžo ŭ piacizorkavym hateli, buduć kaštavać ad 4180 rubloŭ.

Možna vybrać dla adpačynku Šarm-el-Šejch ź jaho załatymi plažami i karałavymi ryfami. Hatovyja vylatać užo z 12 krasavika — jość tur na 11 načej u piacizorkavym hateli koštam ad 4410 rubloŭ. Jość i bolš biudžetnaja prapanova — z 15 sakavika možna vybracca ŭ tur na 11 načej u čatyrochzorkavy hatel, košt — ad 3740 rubloŭ.

U Jehipcie isnuje mienš viadomy, ale pierśpiektyŭny kurort Makadzi-Bej z mnostvam hatelaŭ i spa-centraŭ. Tudy možna vybracca z 21 sakavika — tur na 10 načej u piacizorkavym hateli kaštuje ad 5440 rubloŭ. Adnak na leta ŭ Makadzi-Bej možna znajści tury takoha koštu.

Hrecyja

Pierachodzim da krain, dastupnych uładalnikam šenhienu. Kali ŭ vas jość viza, vy možacie abirać pieralot nie ź Minska, a z Varšavy ci Vilni, a heta pryjemna adbivajecca na košcie adpačynku.

Možna padabrać varyjanty navat ad 2 tysiač rubloŭ. Naprykład, tur u čatyrochzorkavy hatel na Krycie daŭžynioj 7 načej z 10 červienia kaštuje ad 2180 rubloŭ, kala vylatać z Varšavy. Možacie vydatkavać bolš hrošaŭ? 7 červienia jość vylet ź Vilni na Korfu — za 10 načej u čatyrochzorkavym hateli musicie addać ad 4560 rubloŭ.

Viadoma, jość i luksavyja varyjanty. Z 24 maja možna palacieć ź Vilni ŭ piacizorkavy spa-hatel na Korfu — rychtujcie 7 tysiač rubloŭ za 7 načej.

Kipr

Varyjanty dla hetaha vostrava tolki pačali źjaŭlacca na rynku, ale zatoje jany pakul vyhladajuć adnosna biudžetna ŭ paraŭnańni ź inšymi krainami.

Jość tury z 1 maja ŭ Aja-Napu z vyletam z Varšavy — za 7 načej u čatyrochzorkavym hateli addaścio ad troch tysiač rubloŭ. Z červienia možna palacieć u taki ž pa daŭžyni tur z adpačynkam u čatyrochzorkavym hateli na Pafasie — rychtujcie ad 3410 rubloŭ. Možna palacieć u červieni na 7 načej u piacizorkavy hatel ŭ Limasole, ceny na takija tury pačynajucca ad 4070 rubloŭ.

Italija

7 načej u trochzorkavym hateli na Sicylii, kali lacieć z 28 krasavika, buduć kaštavać ad 2545 rubloŭ. Z 2 červienia možna palacieć na 7 načej u čatyrochzorkavy hatel na Sardynii, i taki adpačynak abydziecca ŭžo ad 7120 rubloŭ. U košt abodvuch turaŭ uklučany vylet z Varšavy.

Ispanija

Kab adpačyć u hetaj krainie, moža chapić 2-3 tysiač rubloŭ. Z 1 červienia jość vylety ŭ Kostu-Daradu na 7 načej — tur u trochzorkavym hateli kaštuje ad 2340 rubloŭ. Padobny tur, ale ŭžo na Majorku i ŭ čatyrochzorkavy hatel, abydziecca ad troch tysiač rubloŭ, ale heta nie miaža — jość tury na Majorku i bolš čym za piać tysiač.

Tunis

Davoli biudžetny varyjant, i viza nie patrebnaja — ale ž va ŭsich dastupnych na siońnia turach u Tunis vylet z terytoryi ES. Naprykład, z 1 maja dastupnyja tury ŭ čatyrochzorkavy hatel u Džerbie z vyletam z Varšavy — rychtujcie ad 2100 rubloŭ za 7 načej. U toj ža čas pačynajucca anałahičnyja tury ŭ prestyžny spa-hatel u Chamamiecie, košt — ad 3370 rubloŭ.

Čarnahoryja

U hetuju krainu biełarusam nie treba viza, i jość vylety ź Minska — ź pierasadkaj u AAE. U červieni možna palacieć na 11 načej u Budvu, tur kaštuje ad 3940 rubloŭ. Tady ž dastupnyja bolš luksavyja varyjanty: 11 načej u piacizorkavym hateli ŭ Piatrovacy kaštujuć ad 5490 rubloŭ, anałahičny tur u čatyrochzorkavym hateli ŭ maleńkaj rybackaj vioscy Pržno — ad 9590 rubloŭ. 

Kali ž vy majecie šenhien, možna palacieć u Čarnahoryju z Varšavy, i tady ceny buduć mienšyja. Skažam, u mai za tur na 7 načej u čatyrochzorkavy hatel u Bary vy addaścio ad 2700 rubloŭ.

Hruzija

Mabyć, najtańniejšy plažny varyjant, i viza nie treba. Aryjentujemsia na Batumi i viosački la jaho — Kabuleci, Ureki i inšyja. U hetym rajonie letnija tury ŭ trochzorkavyja hateli kaštujuć ad 2560 rubloŭ, praciahłaść 9-11 dzion.

Z 19 lipienia možna palacieć u spa-hatel va Ureki, i za 10 načej tam treba budzie zapłacić ad 4130 rubloŭ, za anałahičnyja hrošy možna znajści hatel i ŭ Batumi. Jość i tury, dzie zamiest pieralotu — pierajezd u Hruziju na aŭtobusie: tady možna znajści varyjant ad 1160 rubloŭ (Kabuleci, 15 načej z 22 maja).

AAE

Viesnavyja tury ŭ Emiraty vyhladajuć tańniejšymi za inšyja varyjanty. Da prykładu, z 7 krasavika možna palacieć na 7 načej u dubajski čatyrochzorkavy hatel, košt — ad 2830 rubloŭ. Jość anałahičnyja tury z kanca sakavika ŭ piacizorkavyja hateli Fudžejry, na ich rychtujcie ad 4160 rubloŭ.

Ale heta nie miaža — ceny na tury ŭ niekatoryja hateli Emirataŭ pieravalvajuć i za 8 tysiač rubloŭ, i heta ŭsio jašče košt za miesca ŭ numary na dvaich čałaviek.

Katar

Na ŭmovach rańniaha braniravańnia jość bahata turaŭ u Katar. Ceny pačynajucca ad 3060 rubloŭ — za takija hrošy možna adpačyvać z červienia 9 načej u čatyrochzorkavym hateli ŭ Dosie. Jość tury ŭ lipieni ŭ piacizorkavyja hateli tudy ž — rychtujcie ad 5180 rubloŭ za 9 načej. Možna padabrać i bolš luksavy varyjant, ale bolšaść turaŭ dastupnyja pa cenach 3-5 tysiač rubloŭ.

«Naša Niva» — bastyjon biełaruščyny

PADTRYMAĆ

Čytajcie taksama:

Nijakich Turcyi, Armienii i Kazachstana. U jakija krainy nie varta jechać, kali baiciesia zatrymańnia i ekstradycyi

Sioleta maje značna patańnieć plažny adpačynak u Turcyi

«Pry sustrečy jany datykajucca adno da adnaho nasami». Biełarusy patrapili na vyspu, pra jakuju mała chto čuŭ

Kamientary1

  • svae
    26.01.2024
    nu jak možna tak nieprafiesijanalna pisać - dzie napisana na kolki čałaviek paznačanyja košty ?

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Usie naviny →
Usie naviny

Aryna Sabalenka: Plačo zažyło. Na hetym tydni ja pačynaju hulać1

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

bolš čytanych navin
bolš łajkanych navin

Banki źnižajuć prybytkovaść pa valutnych depazitach da 0,1%. Tłumačym matematyku

Banki źnižajuć prybytkovaść pa valutnych depazitach da 0,1%. Tłumačym matematyku

Hałoŭnaje
Usie naviny →