Śviet

ZŠA i Brytanija nanieśli novyja ŭdary pa Jemienie

Udary byli naniesienyja pa padziemnym schoviščy, a taksama pa «rakietnym i raźviedvalnym patencyjale» chusitaŭ.

Fota: UK ministry of defense

ZŠA i Vialikabrytanija nanieśli novuju sieryju sumiesnych avijaŭdaraŭ pa vaśmi celach u Jemienie, paviedamiŭ Pientahon.

Udary nanosilisia pa stalicy Sanie, a taksama inšych rajonach krainy, piša Bi-bi-si.

Chusity, jakija padtrymlivajucca Iranam, nanosiać udary pa karablach, jakija, na ich dumku, źviazanyja ź Izrailem i prachodziać pa važnym handlovym maršrucie praz Čyrvonaje mora.

«Naša meta pa-raniejšamu zaklučajecca ŭ deeskałacyi napružanaści i adnaŭleńni stabilnaści ŭ Čyrvonym mory, ale my jašče raz papiaredžvajem kiraŭnictva chusitaŭ: my biez vahańniaŭ budziem abaraniać žyćci ludziej i svabodny handal na adnym z samych važnych vodnych šlachoŭ u śviecie», — havorycca ŭ zajavie Pientahona.

Heta ŭžo vośmy ŭdar ZŠA pa celach u Jemienie i druhaja sumiesnaja apieracyja ź Vialikabrytanijaj.

U naniasieńni ŭdaraŭ udzielničali amierykanskija źniščalniki z avijanosca USS Eisenhower. Da ich dałučylisia čatyry źniščalniki Typhoon Karaleŭskich VPS, paviedamiła Ministerstva abarony Brytanii.

«U adpaviednaści sa standartnaj praktykaj Vialikabrytanii, pry płanavańni ŭdaraŭ byŭ praviedzieny vielmi pilny analiz, kab źvieści da minimumu lubuju ryzyku achviar siarod hramadzianskaha nasielnictva, i, jak i ŭ vypadku z papiarednimi ŭdarami, našy samaloty bambili nočču, kab jašče bolš źnizić lubyja padobnyja ryzyki», — zajavili ŭ viedamstvie.

***

Chusity — heta vajenizavanaja hrupoŭka šyitaŭ-ziejdytaŭ, jakaja dziejničaje na terytoryi Jemiena i ŭźnikła ŭ 1990-ch hadach suprać relihijnaha ŭpłyvu Saudaŭskaj Aravii. Hrupoŭka nazvanaja pa imieni jaje zasnavalnika i byłoha kiraŭnika Chusejna al-Chusi, zabitaha jemienskaj armijaj u vieraśni 2004 hoda.

Tady samaabvieščany imam Chusejn al-Chusi padniaŭ antyŭradavy miaciež, abvinavaciŭšy ŭładu Jemiena ŭ tak zvanaj «dyskryminacyi ziejdyckaha nasielnictva». Paśla jaho śmierci kiraŭnictva hrupoŭkaj pierajšło da jaho brata Abdel-Malika al-Chusi.

Kamientary

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →