Častka ludziej, jakija raźbilisia na pryvatnym samalocie ŭ Afhanistanie, vyžyła
U Afhanistanie raźbiŭsia pryvatny samalot, jaki lacieŭ ź Indyi ŭ Maskvu. Paviedamlajecca, što častka čałaviek na borcie vyžyła.
Džet Falcon 10B, jaki lacieŭ ź Indyi ŭ Maskvu 21 studzienia ranicaj, papiarednie, adchiliŭsia ad kursu i ŭrezaŭsia ŭ haru ŭ Vachanskim rajonie Afhanistana. Pierad krušeńniem piłot paviedamlaŭ ab prablemach techničnaha charaktaru.
Na borcie było 6 čałaviek: 4 členy ekipaža i 2 pasažyry-rasijanie.
Afhanskaja naziemnaja pošukava-vyratavalnaja słužba znajšła samalot. Papiarednie paviedamlajecca, što čatyry čałavieki žyvyja (u ich roznyja traŭmy), los dvaich čałaviek dakładna nie viadomy (takaja infarmacyja ad rasijskaj ambasady ŭ Afhanistanie i afhanskich čynoŭnikaŭ).
Adzin z tych, chto vyžyŭ pry krušeńni samalota na paŭnočnym uschodzie Afhanistana, zmoh dabracca da nasielenaha punkta, paviedamiŭ telekanał Afghanistan International sa spasyłkaj na miascovyja krynicy.
Pavodle ich infarmacyi, vyžyłamu ŭdałosia dabracca da vioski ŭ vobłaści Kof Ab na poŭnačy pravincyi Badachšan i paprasić dapamohi ŭ miascovych žycharoŭ z dapamohaj movy žestaŭ.
Cichanoŭskaja pavinšavała tvitar z hadavinaj bitvy pad Oršaj. I tut pačałosia14
Cichanoŭskaja pavinšavała tvitar z hadavinaj bitvy pad Oršaj. I tut pačałosia
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2727
Kamientary