Za minułyja sutki ŭ Minsku ad pietardaŭ paciarpieli dzieviać čałaviek, ź ich troje špitalizavanyja i ŭsie – z paškodžańniami vačej. Pra heta paviedamiŭ namieśnik staršyni kamiteta pa achovie zdaroŭja Minharvykankama Viktar Šein.
U Hrodnie 13-hadovy chłopčyk u navahodniuju noč surjozna paciarpieŭ ad takoj pietardy. Niechta kinuŭ takuju pietardu, jakaja ŭzarvałasia kala jaho vačej i mocna ich paškodziła.
Na minskuju stancyju chutkaj miedycynskaj dapamohi pastupiła 48 zvarotaŭ z pryčyny hałalodnych traŭmaŭ, dva čałavieki špitalizavanyja. Taksama zafiksavana 16 ałkaholnych atručvańniaŭ (8 čałaviek špitalizavanyja), infarmuje BIEŁTA.
Darečy, u Brytanii prapanujuć naadvarot štrafavać tych, chto traplaje ŭ balnicy z takimi atručvańniami, paviedamlaje Jeŭrańjus.
1 studzienia ŭ Minskaj vobłaści zatrymali 30 pjanych kiroŭcaŭ. Adzin čałaviek zahinuŭ u DTP.
Tak, va Uździenskim rajonie a 7:30 1 studzienia na 55-m kiłamietry darohi imia Mienciuka (Minsk – Słuck – Mikaševičy) kiroŭca 1965 hoda narodzinaŭ na «Leksusie» nie daŭ rady kiravańniu aŭto, źjechaŭ u kiuviet, dzie mašyna pierakuliłasia i ŭrezałasia ŭ dreva.
Mužčyna ad atrymanych traŭmaŭ pamior na miescy.
U Rahačovie try školnicy źbili 11-hadovaha chłopčyka, ściahnuli ź jaho trusy i imitavali seks14
Kamientary