Śviet1212

«Prapahanda havoryć: «My — ruskija». A my nie ruskija». Baškirskija aktyvisty zaklikali da pratestaŭ i ŭ inšych nacyjanalnych respublikach

Prychilniki asudžanaha 17 studzienia Faila Ałsynava pačali publikavać zakliki da nasielnictva Baškartastana sabracca na akcyju pratestu va Ufie. Da hetaha pratesty prachodzili tolki ŭ nievialikim horadzie Bajmak za 400 km ad stalicy respubliki. U adnym z raspaŭsiudžanych videa vyjści na akcyi pratestu prosiać i žycharoŭ inšych nacyjanalnych respublik, piša «Ahientstvo».

Pratestoŭcy ŭ Bajmaku. Skryn videa: zhivoygvozd / YouTube

Pieršyja zakliki pačali zjaŭlacca ŭ kanałach paśla zakančeńnia pratestaŭ u Bajmaku ŭviečary 17 studzienia. Na ich žycharoŭ Respubliki zaklikali vyjści 19 studzienia ŭ 10:00 da pomnika nacyjanalnamu hieroju Sałavatu Jułajevu. 

Adzin ź videarolikaŭ sa zvarotam zapisaŭ stvaralnik «razumnaj kałonki» (anałah «Alisy» ad Jandeksa na baškirskaj movie) Ajhiz Kunafin. Heta videa pierapościŭ kanał «Toj samy z Baškart» (adzin z hałoŭnych kanałaŭ pra pratesty ŭ Baškartastanie). 

Vyjści na akcyju va Ufie zaklikaŭ i vykanaŭca piesień na baškirskaj movie Ałtynaj Valitaŭ. Jon zapisaŭ pranikniony zvarot da šmatnacyjanalnaj krainy. 

«Prapahanda havoryć: «My — ruskija», a my nie ruskija», — havoryć jon. Jon prosić dazvolić narodam być saboju. 

 

Taksama baškirski śpiavak raźmiaściŭ u Instagram videa sa zvarotam da žycharoŭ inšych respublik.

Jon zaklikaŭ ludziej vychodzić 19 studzienia ŭ 10:00 da administracyj svaich rehijonaŭ z patrabavańniem zrabić roŭnymi z ruskimi ŭ pravach nacyjanalnyja mienšaści Rasii i pravodzić sumlennyja vybary kiraŭnikoŭ rehijonaŭ z dopuskam na ich miascovych kandydataŭ. 

«Ja b pramaŭčaŭ ciapier, ale ŭ dušy haryć za hetaje samavolstva.

Čamu ruskija va Ufie chodziać sa słovami «Rasija dla ruskich», i ich nie sadžajuć. A baškira, jaki vystupaje ŭ abaronu svajho naroda, na svajoj ziamli sadžajuć. Čamu? Tamu što my nacyjanalnaja mienšaść. Im na ŭsiu krainu kryčać: «My ruskija!» — možna, a nam na svajoj ziamli nielha. Dzie spraviadlivaść? I my pavinny prahłynuć hetaje samavolstva? Prahłyniem, i praz 100 hadoŭ baškirski narod z tysiačahadovaj historyjaj źniknie. Ja nie hatovy mirycca z hetym. My, baškiry, nie hatovyja», — skazaŭ Valitaŭ. 

U čaćvier pratesty ŭ Baškiryi ŭpieršyniu prakamientavaŭ  i kiraŭnik respubliki Radyj Chabiraŭ. Jon nazvaŭ prychilnikaŭ Ałsynava, u tym liku aktyvista Rusłana Habasava i čabana Fanzila Achmietšyna, «zdradnikami», jakija zaklikajuć da adździaleńnia Baškartastana ad Rasii i partyzanskaj vajny. Astatnim udzielnikam pratestaŭ i «hramadstva ŭ cełym» Chabiraŭ padziakavaŭ. Pavodle jaho, jany «pahladzieli i pakinuli akcyju». 

Pratesty ŭ nievialikim baškirskim horadzie Bajmak, vyklikanyja pracesam pa spravie Ałsynava (jamu prysudzili 4 hadoŭ kałonii ahulnaha režymu), stali najbujniejšymi ŭ Rasii z pačatku vajny va Ukrainie. Ułady žorstka zadušyli ich, kala 40 čałaviek paciarpieli, šaściarych udzielnikaŭ akcyi aryštavali.

MUS Baškartastana raspačała kryminalnuju spravu ab masavych biesparadkach.

Kamientary12

  • rom
    18.01.2024
    Chabirov russkij?? Tam v činušach russkije chodiat??? Niet. Baškiry.. no snova russkije płochije🤣
    Rf nužno otpraviť vsiech žiełajuŝich v svobodnoje płavanije… a pozžie kto zachočiet tie viernutsia..
  • .-
    18.01.2024
    Tiendiencija odnoznačno chorošaja, no poka čto količiestvo prosmotrov takich postov v tielehie mizier dažie po mierkam Baškirii. No tiem nie mienieje.
  • eto druhoje
    18.01.2024
    zaklikajuć da adździaleńnia Baškartastana ad Rasii i partyzanskaj vajny


    A kak žie pravo na samoopriedielenije, kak na Ddonbaśsie?)

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Usie naviny →
Usie naviny

Apple moža zdać pryvatnyja danyja ŭsich svaich karystalnikaŭ u śviecie śpiecsłužbam Vialikabrytanii. Heta moža stać niebiaśpiečnym precedentam4

Nieabchodnyja hrošy na patreby Paliny Šarendy-Panasiuk sabrali za niekalki hadzin5

Tramp zapatrabavaŭ zakryć USAID za «karupcyju»8

Naščadki hotaŭ i fina-vuhraŭ navat bolš, čym mierkavałasia. Što nasamreč u hienach biełarusaŭ i litoŭcaŭ?46

Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna1

Što rabić, kali vaš telefon upaŭ u šachtu lifta?5

Biełaruskija astravy, pra jakija vy mahli nie viedać2

Zialenski raskazaŭ, jak bačyć «ździełku» z Trampam pa karysnych vykapniach9

U Pieciarburhu muzyka vykinuŭsia z 10-ha paviercha, kali da jaho pryjšli ź pieratrusam za «finansavańnie USU»7

bolš čytanych navin
bolš łajkanych navin

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia

Hałoŭnaje
Usie naviny →

Zaŭvaha:

 

 

 

 

Zakryć Paviedamić