Ałsynaŭ zjaŭlajecca adnym ź lidaraŭ nacyjanalnaha ruchu baškiraŭ i aktyŭna vystupaŭ suprać zdabyčy zołata ŭ rehijonie ŭ 2023 hodzie. 

Jak ličyć śledstva, u krasaviku na adnoj z akcyj jon, pramaŭlajučy na baškirskaj movie, vykazaŭsia suprać mihrantaŭ, jakija pracavali na kapalniach, movaj varažniečy. Aktyvisty ž nastojvajuć, što pierakład pramovy, jaki byŭ pradstaŭleny ŭ sudzie, naŭmysna skazili. 

Ałsynava abvinavacili ŭ ekstremiźmie, prakuror zapytaŭ dla jaho 4 hady kałonii-pasialeńnia.

Niekalki tysiač čałaviek sabralisia 15 studzienia kala suda ŭ horadzie Bajmak. Prysud u vyniku byŭ pieraniesieny na 17 studzienia.

Adnym z apošnich pastoŭ na kanale «Kuštau Bajram» byŭ zaklik prychodzić zaŭtra da suda.

Na praciahu siońniašniaha dnia baškirskija ŭłady rabili sproby źnizić zaŭtrašnija pratesty: zapavolvałasia praca «Ukantakcie» i WhatsApp, zabłakavanyja inšyja telehram-kanały, taksama byŭ zatrymany šerah aktyvistaŭ, piša Sota.

Клас
0
Панылы сорам
0
Ха-ха
0
Ого
0
Сумна
4
Абуральна
9