Hramadstva1717

Aściarožna, adbyvajucca masavyja sproby ŭzłomu telehram-akaŭntaŭ biełarusaŭ. Raskazvajem, jak abaranicca

Našy čytačy paviedamlajuć, što za apošni miesiac u ich samich abo ich znajomych byli sproby ŭzłamać akaŭnty na biełaruskich numarach. Prostyja praviły dazvolać vam nie dać zachapić akaŭnt.

Kałaž «Našaj Nivy»

Što viadoma?

Sproby ŭvachodu ŭ akaŭnt biełarusaŭ adbyvajucca rehularna, ale apošnim časam jany pačaścilisia. Imavierna, heta robiać biełaruskija śpiecsłužby — jany atrymlivajuć sms za čałavieka.

Jak zrazumieć, što vas sprabujuć uzłamać?

Kali vaš telehram-akaŭnt zarehistravany na biełaruski abo rasijski numar i maje ŭklučanuju dvuchfaktarnuju aŭtentyfikacyju, tak zvany «Vobłačny parol», to vam pryjdzie apaviaščeńnie pra niezavieršanuju sprobu ŭvachodu.

Kali ŭ vas niama dvuchfaktarnaj aŭtentyfikacyi, to faktyčna — nijak. Śpiecsłužby mohuć lohka ŭvajści ŭ vaš akaŭnt, spampavać u im što chočuć, vydalić ślady ŭvachodu dy vyjści.

Pieršy etap abarony ad uzłomu — dvuchfaktarnaja aŭtentyfikacyja

Hałoŭnaje, što vam treba zrabić — pravieryć, ci ŭklučanaja ŭ vas dvuchfaktarnaja aŭtentyfikacyja. Kali jana nie ŭklučanaja, to abaviazkova ŭklučycie jaje. Dla hetaha naciśnicie na simvał troch kresak u levym vierchnim kucie ekrana. Abiarycie «Nałady».

Nałady telehrama

Dalej — «Pryvatnaść i biaśpieka».

Mieniu «Nałady»

Dalej naciśnicie «Pryvatnaść i biaśpieka».

Mieniu «Pryvatnaść i biaśpieka»

Kali nasuprać «Dvuchetapnaj pravierki» napisana «Ukł.», to heta značyć, što dvuchfaktarnaja aŭtentyfikacyja ŭklučanaja. Kali napisana «Vykł.», to varta jaje ŭklučyć. Dla hetaha naciśnicie na punkt «Dvuchetapnaja pravierka».

Punkt mieniu «Dvuchetapnaja pravierka»

Paśla naciśnicie knopku «Zadać parol». Adkryjecca mieniu, dzie treba jaho ŭvieści, a paśla paŭtaryć. Źviarnicie ŭvahu — jon musić być unikalnym i adroznym ad inšych vašych parolaŭ, ale nieabaviazkova vielmi składanym. Hałoŭnaje, kab jon nie składaŭsia tolki ź ličbaŭ abo prostych litaraŭ. Hajd pa stvareńni dobraha parola jość tut.

Etap stvareńnia parola dla dvuchfaktarnaj aŭtentyfikacyi ŭ telehramie

Dalej vam prapanujuć zrabić padkazku dla parola z pary słovaŭ. Rabicie heta pa vašym vybary, hałoŭnaje, kab u padkazcy nie ŭtrymlivaŭsia sam parol. Abo naciśnicie «Prapuścić».

Etap stvareńnia padkazki dla parola dvuchfaktarnaj aŭtentyfikacyi ŭ telehramie

Na nastupnym kroku vam prapanujuć abrać e-mail dla ŭznaŭleńnia akaŭnta na vypadak, kali vy zabudzieciesia parol. Dla biaśpieki heta tak sabie — parol lepš pamiatać, dyj e-mail taksama mohuć uzłamać i zajści ŭ vaš akaŭnt u telehramie. Ale kali vy ŭpeŭnienyja ŭ biaśpiecy vašaj elektronnaj skryni, to možacie abrać e-mail jak opcyju.

Etap ukazańnia e-mail dla ŭznaŭleńnia parola dla dvuchfaktarnaj aŭtentyfikacyi ŭ telehramie

Kab źjaviłasia knopka «Prapuścić», spačatku naciśnicie na siniuju strełku, ničoha nie ŭvodziačy ŭ poli e-mail. Paśla hetaha ŭspłyvie akienca z papiaredžańniem.

Akienca paćvierdžańnia admovy ad vykarystańnia elektronnaj pošty jak sposabu ŭznaŭleńnia vobłačnaha parola

Naciśnicie «Prapuścić». Dvuchfaktarnaja aŭtentyfikacyja ŭklučanaja.

Pravierka na lišnija pryłady

Paśla hetaha praviercie, ci niama ŭ vašym telehramie čužych pryładaŭ. Dla hetaha viarniciesia ŭ «Nałady» i naciśnicie punkt «Pryłady».

Punkt «Pryłady» mieniu «Nałady»

Kali tam jość niejkija padazronyja pryłady, jakich vy nie pamiatajecie, naciśnicie na nazvu pryłady i paśla ŭnizie abiarycie punkt «Skončyć sieans».

Adna z pryładaŭ u mieniu «Pryłady»

Paśla hetaha źjavicca akno paćvierdžańnia. Naciśnicie «Skončyć».

Akienca paćvierdžańnia zaviaršeńnia sieansu

Što jašče možna zrabić?

Pa-pieršaje, pierakanajciesia, što ŭ vas vystaŭlenyja maksimalnyja nałady pryvatnaści. Dla hetaha zajdzicie ŭ punkt «Pryvatnaść i biaśpieka». Maksimalnyja nałady pryvatnaści vyhladajuć tak.

Punkt mieniu «Pryvatnaść i biaśpieka» z vystaŭlenymi na maksimum naładami biaśpieki

Kali nie, to ŭklučycie ich. Asabliva źviarnicie ŭvahu na toje, kab byŭ schavany vaš numar. Dla hetaha zajdzicie ŭ punkt «Numar telefona». Nałady musiać być takimi, jak na skrynšocie nižej.

Punkt mieniu «Numar telefona»

Pa-druhoje, pieraniasicie akaŭnt na zamiežny numar. Samy nadziejny varyjant — paprasić čałavieka, jakomu vy daviarajecie, nabyć sim-kartu za miažoj i zarehistravać novy akaŭnt na hety numar.

Mienš nadziejny varyjant — servisy virtualnych numaroŭ. Pra ich my padrabiaźniej pisali ŭ admysłovym hajdzie.

Jak zarehistravać ananimnyja akaŭnty ŭ Telegram, sacsietkach i inšych miesiendžarach — padrabiazny hajd

Pa-treciaje, pierapytajciesia ŭ vašych siabroŭ i znajomych u Biełarusi, ci dobra abaronieny ich akaŭnt. Kali nie, to navučycie ich, jak jaho abaranić.

«Naša Niva» — bastyjon biełaruščyny

PADTRYMAĆ

Kamientary17

  • ABS
    17.01.2024
    A lepš ŭvohule nie karystajciesia hetaj rasiejskaj(!) prahramaj. Vy vierycie ŭ dobrych ruskich? Kolki možna być takimi naiŭnymi. Na Nn zdajecca drukavaŭsia artykuł, dzie prostymi i zrazumiełymi słovami była napisana techničnaja infarmacyja, dzie znachodziacca sierviery, što kod th zakryty, što piersanał dahetul pracuje ŭ Rasiei. Kolki možna vieryć djabału?
  • Kurdiuk
    17.01.2024
    ABS, dyk i Ciktok takaja ž hidota, jak i duraŭski Cielehram.
  • JeMIL
    17.01.2024
    Ja tolko choču dopołniť svoim primierom.
    V diekabrie mnie stał nastojčivo pisať v Tielehrammie kakoj-to dobrožiełatiel, kotoryj našioł vsie moi posty v raznych čatach i priedłožił pomoč mnie ich udaliť.
    Tak vot suť! K každomu mojemu kommientariju on prikriepił SSYŁKU NA KOTORUJU NADO NAŽAŤ I KOMMIENTARIJ JAKOBY UDALAJETSIA. NI V KOJEM SŁUČAJE NIE NAŽIMAJTIE NA ETU SSYŁKU.
    ETO ŁOVUŠKA. VAS SRAZU VYČIŚLAT I ZA VAMI SRAZU PRIDUT. (Jeśli, koniečno, vy v Biełarusi). Nadiejuś, komu-to eto zamiečanije pomožiet.

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Usie naviny →
Usie naviny

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

Tramp staŭ najstarejšym kandydatam na pasadu prezidenta ZŠA ŭ historyi5

Minsk apynuŭsia ŭ topie samych tannych haradoŭ śvietu — za žyllo treba płacić u 10 razoŭ mienš, čym u Ńju-Jorku7

Pieršyja prablemy biełarusaŭ na Alimpijadzie ŭ Paryžy. Vieślary ŭžo tam, a łodki nie prapuścili 

Topavy amierykanski časopis sprahnazavaŭ, kolki biełarusy zavajujuć miedaloŭ na Alimpijadzie. U rasijan budzie nul

Charys zaručyłasia dastatkovaj padtrymkaj dla vyłučeńnia kandydatam u prezidenty

bolš čytanych navin
bolš łajkanych navin

Stała viadoma pra aryšt historyka Ihara Mielnikava16

Stała viadoma pra aryšt historyka Ihara Mielnikava

Hałoŭnaje
Usie naviny →