Hramadstva99

Intryhi ŭ baraćbie za kresła načalnika Administracyi prezidenta: zatrymany Dźmitryj Rybko, z doški zdymajuć Nazarava

Pieršy namieśnik načalnika Kiraŭnictva spravami Łukašenki — bujnaja ryba. Dźmitryja Rybko, jaki zajmaŭ hetuju pasadu, zatrymali ŭ minułuju piatnicu. Usio heta razam ukazvaje na ŭnutranyja razborki łukašenkaŭcaŭ, tamu što niepasredny načalnik Rybko — Juryj Nazaraŭ — razhladaŭsia asnoŭnym pierajemnikam Sierhiejenki. Pa zakonach sistemy, ciapier Nazaravu nie spadziavacca na pramocyju, a žyć ź ciažkim sercam.

«Naša Niva» siońnia paviedamlała ab tym, što Ihar Sierhiejenka, ciapierašni kiraŭnik Administracyi Łukašenki, pakidaje pasadu i idzie ŭ parłamient.

Ekśpierty bačać jaho vidavočnaj zamienaj pasiviełamu Uładzimiru Andrejčanku. 

Ale toje, što hramadstva daviedałasia tolki ciapier, čynoŭnikam stała viadoma zahadzia: pracedura ŭzhadnieńnia kandydataŭ na pasadu kiraŭnika Administracyi prezidenta pačynajecca za miesiacy da kadravaj zamieny.

Administracyja prezidenta

Tradycyjna niama adnaho pierajemnika — jość śpis, padrychtavany i ŭzhodnieny roznymi dziaržaŭnymi instytucyjami, ź ich mierkavańniami pa kožnaj fihury.

Jak viadoma «Našaj Nivie», niejki čas tamu samaj mocnaj kandydaturaj-pierajemnikam ličyŭsia Juryj Nazaraŭ. Na hety momant jon uznačalvaje Kiraŭnictva spravami Łukašenki.

Juryj Nazaraŭ. Były vice-premjer, načalnik Kiraŭnictva spravami Łukašenki

Kali adsačyć publikacyi BiełTA pa jaho proźviščy, to možna ŭbačyć, jakoj niecharakternaj dla zahadčyka haspadarki dziejnaściu zajmaŭsia Nazaraŭ, ciahnučy siabie ŭ kresła Sierhiejenki, — uskładaŭ kvietki ŭ miemaryjalnym kompleksie «Ała» pad Śvietłahorskam, začytvaŭ vitalnuju pramovu Łukašenki ŭdzielnikam abłasnych «Dažynak». 

Ale zdaryłasia niespadziavanka, i situacyja vyhladaje jak źniaćcie mocnaj fihury z doški: pa padazreńni ŭ atrymańni chabaru zatrymany pieršy namieśnik Nazarava, Dźmitryj Rybko. 

Dźmitryj Rybko (sprava), były pieršy namieśnik Nazarava. Rybko chutka spoŭnicca 50 hadoŭ. Pa infarmacyi «Biełpoła», jon naradziŭsia ŭ Miadzielskim rajonie, a apošnija 20 hadoŭ uładkavany ŭ sistemie Kiraŭnictva spravami prezidenta, u tym liku pracavaŭ u sanatoryi «Pryaziorny». Jaho žonka, Lilija Rybko, uznačalvała spa-centr u sanatoryi «Junactva» na bierazie Minskaha mora. Fota: president-hotel.by

Heta redkaja padzieja, jakaja maje praktyčnyja nastupstvy dla Nazarava — atrymlivajecca, jon nie zdoleŭ arhanizavać rabotu, stvaryŭ umovy dla karupcyi, prajaviŭ złačynnuju ślepatu, kali jahony pieršy namieśnik akazaŭsia chabarnikam. Nielha vyklučać, što Rybko ŭ niazvykłych dekaracyjach SIZA i pad uździejańniem mietadaŭ biełaruskaha śledstva moža što-niebudź raskazać pra samoha Nazarava.

Kamientary9

  • Ihar
    16.01.2024
    Jašče b nazarova ŭpiakli b za što
  • ..
    16.01.2024
    Lebied́, rak i ŝuka
    Skušali druh druha.
  • Nightmare
    16.01.2024
    Toj kaho Kreml naznačyć, toj i budzie. Łukašenka ŭžo daŭno nie vyrašaje navat ŭłasnuju kadravuju palityku i nčsona navohuł. Prykład - vyniščeńnie biełaruskaj łacinki i anhielskich nadpisaŭ, idyjatyzm ŭ škołach u ruskim śviecie, poŭnaje za praŭleńnie rasiejskimi šavianistami ŭsich pytańniaŭ pa ŭsim spravam.

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Ad siońnia Litva maje namier uvieści abmiežavańni na ŭjezd aŭto ź biełaruskimi numarami27

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips1

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →