Śviet55

ES praviadzie aŭdyt dapamohi Ukrainie

Da 1 lutaha Jeŭrapiejskaja słužba źniešnich dziejańniaŭ (EEAS) choča pravieści aŭdyt pastavak zbroi krainami ES va Ukrainu, kab pradstavić jaho na samicie lidaraŭ ES. Aŭdyt pravodzicca paśla prośby Šolca paraŭnać vajennyja pastaŭki krain ES va Ukrainu. Kancler FRH nazvaŭ zanadta małymi zapłanavanyja bolšaściu krain-čalcoŭ abjomy pastavak zbroi va Ukrainu na 2024 hod i zaklikaŭ pavialičyć dapamohu.

Brusiel pravodzić aŭdyt vajennaj dapamohi krain-členaŭ ES Kijevu z momantu pačatku poŭnamaštabnaha ŭvarvańnia na ŭkrainskuju terytoryju rasijskaj armii. Pra heta ŭ aŭtorak piša Financial Times sa spasyłkaj na try infarmavanyja dypłamatyčnyja krynicy.

Jak zaznačaje vydańnie, pravierka arhanizavana ŭ adkaz na zajavy, što niekatoryja dziaržavy nie zmahli nakiravać Ukrainie taho abjomu dapamohi, jaki byŭ im pad siłu. U pryvatnaści, kancler Hiermanii Ołaf Šolc na minułym tydni zapatrabavaŭ padličyć i paraŭnać abjomy pastavak Kijevu. «Pastaŭki zbroi dla Ukrainy, zapłanavanyja bolšaściu dziaržaŭ-udzielnic ES, zanadta małyja», — miarkuje Šolc.

U publikacyi Financial Times havorycca, što zachodniaja vajennaja i finansavaja dapamoha Ukrainie ŭ apošnija miesiacy skaraciłasia, što abmiežavała mahčymaści Kijeva abaraniacca ad napadaŭ Rasii i pačać kontrnastupalnyja apieracyi. Heta vyklikała aściarohu, što hatoŭnaść dapamahać Ukrainie słabieje paśla amal dvuch hadoŭ vajny.

Aŭdyt pravodzić Jeŭrapiejskaja słužba źniešnich suviaziej, jakaja maje namier pradstavić svaje vysnovy pierad samitam ES 1 lutaha.

Pa słovach adnoj z krynic Financial Times, padčas pravierki ekśpierty buduć abapiracca na materyjały, pradstaŭlenyja členami jeŭrapiejskaha błoka ŭ adkaz na adpaviedny zapyt Brusiela. Subiasiednik vydańnia adznačyŭ, što hety zapyt užo sustreŭ supraciŭleńnie z boku niekatorych krain, jakija dali zrazumieć, što jany nie chočuć davać aŭdytaram poŭnyja źviestki.

Ciapierašni aŭdyt pravodzicca ŭ pieryjad, kali Brusiel, a taksama Vašynhton sprabujuć znajści palityčny kansensus, jaki dazvoliŭ by im padpisać novyja pakiety dapamohi Kijevu na sumu kala 110 miljardaŭ dołaraŭ. 

U ZŠA dvuchpartyjnyja roznahałośsi da hetaha času nie dazvalajuć pryniać novy pakiet finansavańnia Ukrainy ŭ pamiery bolš za 60 miljardaŭ dalaraŭ, na čym nastojvaje administracyja prezidenta-demakrata Džo Bajdena, piša «Hołas Amieryki». 

Kamientary5

  • Tozik
    16.01.2024
    Taki ž audyt treba i pa biełaruskim hrantam pravodzić. Jość padozra, što niekatoryja pradstaŭniki "demakratyčnych siłaŭ" pierastali ŭłazić u ekran Jutuba z-za taho, što "kapilary dapamohi" nie vytrymlivajuć užo napruhi.
  • Viktor
    16.01.2024
    Nie vižu smysła im davať čto to… ponabivali karmany … vsie tak nadiejaliś a riezultata niet … kak nie žal no užie mimo
  • Kurt
    16.01.2024
    Kab pravioŭ Eŭraźviaz aŭdyt z 1996 hoda pa ŭsim ajčynnym hrantasmokam i adkrytym dostupie zrabiŭ spravazdaču z usimi proźviščami. Bo, dla šmat kaho heta prosta biznes i ničoha asabistaha, i dla łukabzdiucha žadnaj pahrozy.

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj16

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie18

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

«Pa vychadnych navat čerhi». U Minsku adkryłasia «kaśmičnaja» zona adpačynku ź biaspłatnym viarovačnym haradkom

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →