Kultura

«Kremulatar» Sašy Filipienki atrymaŭ prestyžnuju litaraturnuju premiju

Biełaruski piśmieńnik Saša Filipienka staŭ łaŭreatam prestyžnaj francuzskaj premii «Tranśfiuž». Na cyrymonii, jakaja prajšła ŭ Paryžy, jahony raman «Kremulatar» byŭ nazvany «Najlepšym jeŭrapiejskim ramanam 2023 hoda», paviedamlaje «Radyjo Svaboda».

Saša Filipienka. Fota z fejsbuka

Premija «Tranśfiuž» uručajecca ŭ naminacyjach «Najlepšy jeŭrapiejski raman», «Najlepšy francuzski raman», «Najlepšy debiut», «Najlepšaje ese», «Najlepšaja kniha pra kino», «Najlepšaja kniha pra teatr».

Siarod jaje raniejšych uładalnikaŭ byli takija viadomyja jeŭrapiejskija tvorcy, jak Paoła Sarentyna, Katryn Miŭlak, Jan Mua, Haspar Kienih, Artur Drejfus i inšyja.

39-hadovy Saša Filipienka — viadomy biełaruski rasiejskamoŭny piśmieńnik. Jon rodam ź Minska, ale žyvie ŭ emihracyi. Filipienka napisaŭ ramany «Čyrvony kryž», «Ckavańnie», «Były syn», «Zadumy», «Viartańnie ŭ Astroh», «Kremulatar», šmat apaviadańniaŭ i pjesaŭ. Jahonyja tvory pierakładzienyja bolš jak na 10 movaŭ.

Filipienka byŭ udzielnikam mnohich žnivieńskich pratesnych akcyj u Minsku ŭ 2020 hodzie, asudziŭ poŭnamaštabnaje vajennaje ŭvarvańnie Rasii va Ukrainu ŭ 2022-m.

Raman «Kremulatar» pryśviečany padziejam, jakija adbyvalisia ŭ časy stalinskich represij. Jahony hieroj Piotr Nieściarenka — dvaranin i ŭdzielnik Biełaha ruchu, jaki staŭ ahientam NKVD i pieršym dyrektaram Maskoŭskaha krematoryja. Dniom Nieściarenka kremiravaŭ savieckuju elitu, pamierłuju svajoj śmierciu, a ŭnačy — cieły rasstralanych u NKVD.

Nieściarenku aryštoŭvajuć praź dzień paśla napadu nacystaŭ na SSSR i abvinavačvajuć u špijanažy. Jaho pieravoziać u sarataŭskuju turmu i praz dopyty, jakija viadzie tam małady enkavedešnik, uspaminy i mastackija manałohi viaźnia z kachanaj žančynaj čytačy znajomiacca z trahičnym losam čałavieka i historyjaj ź nievierahodnym finałam.

Čytajcie taksama:

Maskoŭski teatr admianiŭ premjeru śpiektakla «Kremulatar» pavodle Sašy Filipienki

Saša Filipienka: Ludzi, jakija ŭsio žyćcio zajmajucca mastactvam kampramisu, hulajuć zaviedama prajhranuju partyju

«Čytaješ dopyt u NKVD i ŭjaŭlaješ, jak heta adbyvajecca na fonie słavutych dźviarej HUBAZiKa». Dźmitryj Hurnievič pra «Kremulatar» Sašy Filipienki

Kamientary

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →