Ekanomika77

Ci nacyjanalizujuć ułady były Makdonalds?

Što adbyvajecca z adnoj z hałoŭnych fastfud-sietak Biełarusi, raźbiraŭsia cappucchinator.com.

Ułady sapraŭdy vyrašyli nacyjanalizavać były McDonald's?

Vychodzić, što tak.

Vyjaviłasia, što jašče vosieńniu 2023 hoda Dziaržaŭny kamitet majomaści padaŭ pazoŭ u Ekanamičny sud Minska z metaj «adcisnuć» kampaniju «KSB Viktary Restarany», jakaja kiruje fastfud-sietkaj u Biełarusi. Dahetul kampanijaj vałodała sinhapurskaja KSB Victory Restaurants PTE. LTD.

Čamuści kastryčnickaje rašeńnie minskaha suda prybrana z banka dadzienych sudovych pastanoŭ. Adnak u «kapučynatara» akazałasia na rukach hetaje rašeńnie.

U listapadzie 2023 była apielacyja ŭ tym ža Ekanamičnym sudzie Minska, vynik — rašeńnie ad 10 kastryčnika pakinuta bieź źmienaŭ. Ale sudovaja historyja na hetym nie zakančvajecca. I ŭładalniki sietki iduć u apošniuju instancyju — Viarchoŭny sud.

10 studzienia 2024 hoda tam «vyrašaŭsia» los byłoha Makdonaldsa ŭ Biełarusi (a ciapier sietki Mak.by). Pasiadžeńnie było zakrytaje, a rašeńnie suda da hetaha času nie apublikavana ŭ bazie dadzienych sudovych pastanoŭ. Tam prysutničaje tolki fajł z trochkropjem. Dakładna taki ž i ŭ rašeńni ad 10 kastryčnika Minskaha ekanamičnaha suda.

Što heta značyć?

Vierahodna, u chutkim časie aficyjna adbudziecca źmiena ŭładalnika i ŭ bazie jurydyčnych asob my ŭbačym, što ŭładalnikam staŭ Dziaržkammajomaści.

Pa infarmacyi Jeŭraradyjo, ahulny košt sietki aceńvajecca ŭ 3,75 młn dołaraŭ. U 2022 hodzie čysty prybytak kirujučaj kampanii skłaŭ 4,1 młn rubloŭ. Kamu ž dastaniecca hety łasy kavałačak?

Ad McDonald's da Mak.by

Što ŭvohule adbyvałasia apošnija hady ź viadomaj fastfud-sietkaj u Biełarusi? U listapadzie 2022 hoda na fonie vajny va Ukrainie McDonald's abviaściŭ, što sychodzić ź biełaruskaha rynku. Spačatku było abvieščana, što miesca zojmie rasijskaja sietka «Vkusno — i točka», ale niešta pajšło nie tak.

«My pahadzilisia i navat paśpieli padpisać pahadnieńnie ab supracoŭnictvie i adhruzić častku pradukcyi. Ale z-za peŭnych abstavinaŭ Biełaruś u vyniku pajšła pa inšym šlachu, u Minsku vyrašyli stvarać svoj ułasny brend, jaki nie budzie mieć nijakaha dačynieńnia ni da Rasii, ni da «Vkusno – i točka», ni da niejkich inšych rasijskich franšyz. Pahadnieńnie ab supracoŭnictvie my skasavali», — patłumačyŭ hienieralny dyrektar sietki «Vkusno — i točka» Aleh Parojeŭ.

Što ž zdaryłasia? Płanavałasia, što restarany pad rasijskim brendam pačnuć pracavać z 22 listapada, ale ŭsiaho za paru dzion da hetaha pra McDonald's uzhadaŭ Alaksandr Łukašenka, jaki zajaviŭ, što heta «ŭžo naša pradpryjemstva».

U śniežni 2022 hoda «Naša Niva» sa spasyłkaj na svaje krynicy zajaviła, što dahladać sietku byłoha McDonald's'a pastavili adnaho z nabližanych biznesmienaŭ — Alaksieja Aleksina.

A viasnoj 2023 hoda narešcie byŭ prydumany i abvieščany novy brend. Paśla doŭhich mazhavych šturmaŭ była kryštalizavana novaja nazva — Mak.by. Z hetaha momantu zapuściŭsia praces rehistracyi mnostva tavarnych znakaŭ.

Dyk a chto vałodaŭ byłoj sietkaj McDonald's u Biełarusi?

Kampanijaj «KSB Viktary Restarany» vałodaje sinhapurskaja jurasoba KSB VICTORY RESTAURANTS PTE. LTD. Jana naležyć jašče dvum kampanijam — 90% u RAPID FOOD HOLDING PTE. LTD. i 10% u SENGERMEN PTE. LTD.

Uładalnikam pieršaj značycca viadomy biznesmien z Kazachstana Kajrat Baranbajeŭ. Uładalnica druhoj dyrektarka sietki McDonald's u Biełarusi Viktoryja Dano.

Kajrat Baranbajeŭ źviazany ź siamjoj pieršaha prezidenta Kazachstana Nursułtana Nazarbajeva. Jaho dačka zamužam za ŭnukam Nazarbajeva (unuk zahinuŭ pry dziŭnych abstavinach).

U 2022 hodzie, kali pad šumok masavych pratestaŭ u Kazachstanie pačali prybirać staŭlenikaŭ i favarytaŭ Nazarbajeva, Baranbajeŭ trapiŭ pad kryminalny pieraśled. U 2023 hodzie jon byŭ asudžany na vosiem hadoŭ. Jamu pryjšłosia «dobraachvotna» pieradać va ŭłasnaść dziaržavy aktyvy na sumu bolš za 90 młrd tenhie (kala 180 miljonaŭ jeŭra).

Adnak, siarod ich nie było jaho kampanii, jakaja avałodała Makdonaldsam u Biełarusi. Zhodna z aktualnaj vypiskaj ź sinhapurskaha rejestra — Baranbajeŭ da hetaha času adziny ŭładalnik kampanii RAPID FOOD HOLDING PTE. LTD.

U listapadzie 2023 hoda paviedamlałasia, što biźniesmien vyjšaŭ na volu — jamu źmianili mieru pakarańnia z pazbaŭleńnia voli na abmiežavańnie voli. Pa sutnaści jaho adpravili na «chatniuju chimiju». Voś jon napeŭna ździviŭsia, kali daviedaŭsia što ŭłady Biełarusi vyrašyli «adcisnuć» jaho biźnies.

Kamientary7

  • Mudrahielisty
    15.01.2024
    Cikava, chto ž pryjdzie ź inviestycyjami da dzikunoŭ, jakija adcisnuli navat simvał kapitalizmu - Makdonalds ? I śmiech, i hrech 😂
  • Jedinstviennoho biełaruskoho oliharcha-milliardiera znajut vsie
    15.01.2024
    Hołovač pribyl Makdonaldsa v Biełarusi sostavlała około 4 młn dołłarov, plus sama sieť kafiešiek stoiła stolko žie, a siejčas eti dieńhi pojdut v karman siemiejkie. Vot tak na rovnom miestie siemiejka otžała siebie v karman s diesiatok millionov dołłarov. Baryham iz dievianostych takoje i nie śniłoś. I hłavnoje nikakoj otvietstviennosť. poka čto
  • Na drova pustiť jeho i točka. Otkryť naši sovietskije riumočnyje i butierbrodnyje
    15.01.2024
    Pora vozvraŝať naši rodnyje sovietskije riumočnyje i butierbrodnyje. Byvšij Makdonalds na drova. Razobrať na matieriały i zabyť kak strašnyj son.

    S uvažienijem, Anatolij Starkov

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Usie naviny →
Usie naviny

Jašče adna achviara niepahadzi: u Mahiloŭskim rajonie zahinuła 5-hadovaja dziaŭčynka

Na biełaruska-litoŭskaj miažy upieršyniu za doŭhi čas źjaviłasia čarha z aŭtobusaŭ1

Ryžankoŭ: Biełaruś hatova da dyjałohu z Polščaj pa situacyi na miažy20

U załatoj bucy na Jeŭra-2024 adrazu niekalki ŭładalnikaŭ

Jak adroźnivajucca ŭmovy pracy dla IP u Biełarusi i Litvie? 1

Anioł Śmierci. Historyja biełaruski, jakaja paviedamlaje rodnym zahinułych kalinoŭcaŭ pra ich hibiel3

Arhiencina vyjhrała Kubak Amieryki pa futbole — i heta taksama rekord

Jak adrazu paśla zamachu na Trampa sacsietki zapoŭnili teoryi zmovy i pry čym tut Iłan Mask32

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

bolš čytanych navin
bolš łajkanych navin

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?16

Siłaviki prosiać u biełarusaŭ za miažoj paviedamić svoj adras ci vysłać damovu arendy. Što viadoma?

Hałoŭnaje
Usie naviny →