«Usio vyhladała tak, byccam by ja nie vyjšła da mašyny». Minčanka raskazała pra dziŭny vypadak z taksi
Alena padzialiłasia niepryjemnym dośviedam, źviazanym z zamovaj taksi.
«Viartałasia z haściej z sabakam, — paviedamiła jana žurnalistu Onlíner. — Jechać treba było z Frunzienskaha rajona ŭ Pieršamajski (prykładny čas u šlachu — 23-27 chvilin)». Paśla vykliku mašyny pačalisia prablemy.
«Vyklikała taksi (opcyju «z hadavancam» abrała), — raspaviała dziaŭčyna. — Zakaz pryniaty, čas čakańnia — 8 chvilin. Tady ž pastupiŭ zvanok ad kiroŭcy. Jon skazaŭ, što čałaviek, jakoha jon zaraz viazie, abraŭ pramiežkavuju kropku, tamu čas čakańnia składzie 20 chvilin. Ja pahadziłasia pačakać, a kiroŭca paabiacaŭ nabrać, kali budzie padjazdžać».
Adnak, pa słovach Aleny, praź niejki čas pačaŭsia zvarotny adlik biaspłatnaha čakańnia, jakoje zatym pieratvaryłasia ŭ płatnaje.
«Praz 25 chvilin pryjšło paviedamleńnie, što kiroŭca admianiŭ zakaz, — zaviaršyła historyju čytačka. — Pry hetym, miarkujučy pa karcie, jon byŭ za niekalki kvartałaŭ ad mianie. Usio vyhladała tak, byccam by ja nie vyjšła da mašyny. Bankaŭskaja karta da akaŭnta pryviazanaja nie była, tamu ničoha nie śpisałasia».
Nieviadoma, čamu kiroŭca vyrašyŭ uklučyć režym čakańnia, znachodziačysia tak daloka ad patrebnaj kropki. Kali jon chacieŭ adrazu admianić zakaz, to niezrazumieła, čamu tak doŭha ciahnuŭ čas.
Nakolki viadoma, kali režym čakańnia aktyŭny, admiena zamovy z boku klijenta pryviadzie da śpisańnia nievialikaj sumy z pryviazanaj da jaho akaŭnta karty (u dadatak da koštu płatnaha čakańnia, kali jana jość).
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki26
Jak žyvie i čym zajmajecca Kryścina Mocnaja — mierkavanaja dačka Alaksandra Łukašenki
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi1515
Kamientary