Siońnia «sini paniadziełak» — samy sumny dzień u hodzie. Ale nie treba adčajvacca
Samy depresiŭny dzień hoda prychodzicca na treci paniadziełak hoda.
Paniaćcie «sini paniadziełak» uvioŭ brytanski psichołah Klif Arnał u 2005 hodzie.
Samuju sumnuju datu dla krain Jeŭropy jon raźličyŭ pry dapamozie śpiecyjalnaj formuły, jakaja ŭličvała takija faktary, jak kiepskaje nadvorje, adhulanyja śviaty, a taksama patračanyja na padarunki hrošy i daŭhi, jakija zastalisia paśla zakančeńnia kaladnych i navahodnich śviataŭ.
Biezumoŭna, taki padychod moža ličycca nienavukovym, ale fakt jość faktam.
Sapraŭdy, sumny paniadziełak prypadaje na pieryjad, kali paśla jarkich zimovych śviataŭ ludziam treba viarnucca da paŭsiadzionnaj ruciny i pracy, a da adpačynku ŭ siarednim zastajecca pałova hoda.
Taksama dadajucca karotki śvietłavy dzień i, jak časta byvaje ŭzimku, adsutnaść sonca i siezonnaja depresija.
Na dumku psichołahaŭ, spravicca z depresijaj i drennym nastrojem dapamohuć pravilny režym snu, paŭnavartasnaje charčavańnie, fizičnaja aktyŭnaść, prahułki na śviežym pavietry, kamunikacyja z rodnymi i siabrami, chatnija hadavancy, prasłuchoŭvańnie muzyki i inšyja zabavy.
Paźniej byŭ raźličany i samy aptymistyčny dzień u hodzie.
Łahična, što ŭ Paŭnočnym paŭšarji jon prypadaje na 20-ja daty červienia, kali samyja doŭhija dni i maksimum sonca.
Kitaj paprasiŭ Biełaruś narmalizavać adnosiny z Polščaj — krynica6
Kamientary