Najaŭnaść aŭtamabilnaha techahladu źbirajucca praviarać kamierami ŭ dvarach
Hienieralny dyrektar RUP «Biełtechahlad» Juryj Lančeŭski daŭ intervju vydańniu sb.by, u jakim raskazaŭ pra płany ŭzmacnieńnia ŭ Biełarusi sačeńnia za najaŭnaściu va ŭładalnikaŭ aŭtamabilaŭ dziejnaha techahladu.
«U našaj krainie «Biełtelekam» źjaŭlajecca samym bujnym trymalnikam videakamier: jany jość usiudy — ad zapravak da skryžavańniaŭ i dvaroŭ, — padkreśliŭ Lančeŭski. — Jany ŭžo raspracoŭvajuć śpiecyjalnaje prahramnaje zabieśpiačeńnie, kab ich kamiery taksama mahli fiksavać adsutnaść techahladu. My raspracoŭvajem ałharytm uzajemadziejańnia. Raźličvajem, što ŭžo ŭ 2025-m heta zapracuje».
U listapadzie 2023-ha pradstaŭniki «Biełtelekama» taksama zajaŭlali, što jany pačynajuć raspracoŭku śpiecyjalnaha prahramnaha zabieśpiačeńnia dla taho, kab ich kamiery mahli fiksavać adsutnaść techničnaha ahladu. Taksama jon paviedamiŭ, što, pavodle padlikaŭ arhanizacyi, biez projdzienaha techahladu pa darohach Biełarusi ŭsio jašče jeździać kala 30% aŭtaŭładalnikaŭ.
Kamientary