Śviet1414

«Rasija — čałaviekacentryčnaje hramadstva». Starejšaja dačka Pucina dała vialikaje intervju

Maryja Varancova, starejšaja dačka prezidenta Rasii, dała redkaje intervju. Dla hetaha jana vybrała niezvyčajnuju placoŭku — prajekt maskoŭskich uładaŭ Medtech.moscow. Na jutubie i ŭ telehramie intervju i pasty ab im nabrali ad niekalkich dziasiatkaŭ da niekalkich sotniaŭ prahladaŭ. Tolki va «UKantakcie» ŭ videa — sotni tysiač prahladaŭ i pry hetym nivodnaha kamientara. Parazmaŭlaŭ z dačkoj prezidenta były staličny čynoŭnik, piša «Ahientstvo».

U intervju, jakoje niezaŭvažna dla čytačoŭ było apublikavana 16 śniežnia, Varancovu pradstaŭlajuć jak namieśnicu dekana pa navucy fakulteta fundamientalnaj miedycyny MDU im. M. V. Łamanosava, siabroŭku prezidyuma Rasijskaj asacyjacyi sadziejničańnia navuki RF, viadučuju navukovuju supracoŭnicu NMDC Endakrynałohii Ministerstva achovy zdaroŭja Rasii. Ab rodnasnaj suviazi z prezidentam nie paviedamlajecca. 

Padčas intervju Varancovaj zadajuć pytańni ab najnoŭšych technałohijach u miedycynie. Jana razvažaje ab CRISPR, štučnym intelekcie (u tym liku ChatGPT), hienieratyŭnaj miedycynie, lačeńni na asnovie stvałavych kletkach.

Niekatoryja technałohii, na dumku Varancovaj, nieabchodna vykarystoŭvać, niahledziačy na ​​vialikija vydatki, pakolki «Rasieja — čałaviekacentryčnaje hramadstva». 

«Dla nas najvyšejšaj kaštoŭnaściu zjaŭlajecca kaštoŭnaść čałaviečaha žyćcia», — śćviardžaje dačka kiraŭnika dziaržavy, jaki pačaŭ samuju krovapralitnuju vajnu ŭ Jeŭropie z časoŭ Druhoj Suśvietnaj vajny.

Varancova taksama adkazvaje na niekatoryja asabistyja pytańni. Ź litaratury joj «vielmi padabajecca» Puškin. Pavodle jaje słoŭ, jana moža šmat razoŭ pieračytvać «Jaŭhiena Aniehina», kazki (u ich «maral praŭdy jość»).

Siarod inšych lubimych knih Varancova nazvała «Idyjota» Dastajeŭskaha, «Dzivosny novy śviet» Ołdasa Chakśli, «Pycha i pieraduziataść» Džejn Ościn.

Pa słovach Varancovaj, jana pračytała 12 tamoŭ «Dziuny» Frenka Hierbierta («i prykvieł, i sikvieł, i asnoŭnyja knihi»). «Tam šmat cikavych idej, u tym liku śvietapohladnych», — patłumačyła Varancova (nasamreč Frenk Hierbiert napisaŭ 6 tamoŭ «Dziuny». Tut Varancova vidavočna maje na ŭvazie ramany jahonaha syna Brajana, napisanyja im paśla śmierci baćki ŭ suaŭtarstvie z Kievinam Andersanam. — Zaŭv. NN).

Svaim chobi dačka prezidenta nazvała svaju prafiesiju: «Ja navat u volny čas čytaju navukovuju ci miedyčnuju litaraturu». Akramia taho, jaje «natchniaje ŭsio, što pryhožaje, lubyja karciny, muziei, teatry, muzyka (i kłasičnaja i džazavaja)». 

«Nu i kudy biez sportu: ruch — žyćcio», — kaža Varancova. Pavodle jaje słoŭ, jana pryśviačaje «chacia b niekalki hadzin u tydzień zdarovamu ładu žyćcia, sportu», zachaplajecca sierfinham i łyžami.

Samaja vialikaja mara jak lekara — dziciačaha endakrynołaha — ubačyć dzień, kali chacia b častku zachvorvańniaŭ stała mahčymym vylečyć, jak navukoŭcy — daviedacca, adkul na płaniecie ziamla zjaviłasia žyćcio abo zrazumieć, jak zjaŭlajecca dumka.

Jak čałaviek Varancova «maryć ab tym, kab ludzi mieli mahčymaść i prytrymlivalisia hetaj mahčymaści spaznavać siabie i spaznavać siabie jak cełasnaj asoby», «kab my ŭsio lepš razumieli adzin adnaho, lepš kamunikavali». 

U apošnija hady dočki Pucina pačali zjaŭlacca na publicy.

Mierapryjemstvy z Varancovaj čas ad času aśviatlajuć dziaržaŭnyja telekanały. Kaciaryna Cichanava ŭ 2021 hodzie vystupała na Pieciarburhskim ekanamičnym forumie.

Kamientary14

  • Lolik z-pad Limasoła
    11.01.2024
    hahahaha)))) baćkavu realnaść naciahnuła na vočy jak šapku
  • nanadziravaja niedaimperyja
    11.01.2024
    noe, čym chutčej biełarusy admiažujucca ad upłyva hetaha centra - tym mieńš budzie: kryminała, prastytucyi, karupcyi i h.d.
  • Kastuś
    11.01.2024
    kak v starom aniekdotie epochi sssr - u nas vsie vo imia čiełovieka, vsie dla čiełovieka. My dažie znajem familiju etoho čiełovieka)))

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA

Usie naviny →
Usie naviny

U Biełarusi znoŭ pastrožyli palityčny filtr dla ekskursavodaŭ. Što źmianiłasia ŭ praviłach atestacyi?2

«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča

U jakich rajonach Biełarusi najnižejšyja zarobki?

Urahan udaryŭ pa vystavie MUS u centry Viciebska — viecier raskidaŭ namioty VIDEA4

«Kalektyŭny Zachad ciapier krepaść». Hihin davodzić, što «hłabalnaja bolšaść» adpraviła Zachad u izalacyju10

«Ty russkij jazyk ponimaješ?» Mužčyna na voziery ŭhavorvaŭ lebiedzia addać jamu łaŭku VIDEA4

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach15

Markaŭ zaklikaŭ zamiaścić YouTube, Telegram, Instagram i TikTok biełaruska-rasijskimi sacsietkami14

Abnoŭleny «Biełsat» spynić viaščańnie praz spadarožnik?13

bolš čytanych navin
bolš łajkanych navin

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA

U Minsku štorm vyryvaŭ drevy i rujnavaŭ rekłamnyja ščyty FOTY i VIDEA

Hałoŭnaje
Usie naviny →