Śviet44

U Ńju-Jorku pad štab-kvateraj miascovych chasidaŭ znajšli patajemny tunel

U ZŠA hrupa chasidaŭ ustupiła ŭ sutyčku z palicyjaj praz sprobu ŭładaŭ zalić bietonam tunel, niezakonna vykapany pad štab-kvateraj ruchu Chabad-Lubavič u Bruklinie. Pra heta paviedamlaje «Mieduza» na padstavie publikacyj amierykanskaj presy.

Fota: Bruce Schaff / AP 

Dzieviać čałaviek va ŭzroście ad 19 da 21 hoda byli aryštavanyja. Im vystavili abvinavačvańni ŭ niezakonnym praniknieńni, pryčynieńni škody ŭłasnaści i pieraškodzie pracy ŭradavych słužbaŭ.

Na videazapisach, źniatych vidavočcami, vidać, jak palicyjanty ŭstupajuć u kanflikt z maładymi ludźmi, jakija siadziać u vydzieŭbanym unutry cahlanaj ściany prajomie, vierahodna, takim čynam sprabujučy pieraškodzić zalić jaho bietonam. Aktyvisty šturchali supracoŭnikaŭ palicyi i kidali ŭ ich doški, u adkaz adzin z aficeraŭ raspyliŭ ślozatačyvy sprej.

Tunel pad centram byŭ znojdzieny niekalki tydniaŭ tamu. Jak piša tabłoid The New York Post, jaho kapali na praciahu amal hoda; uładam pra jaho stała viadoma paśla taho, jak žychary susiednich damoŭ paviedamili ab padazronych šumach, jakija danosiacca z padvała.

Tunel vyšynioj kala mietra i daŭžynioj kala 15 mietraŭ złučaŭ štab-kvateru ruchu, dzie znachodzicca sinahoha, ź nievialikim susiednim budynkam, dzie raniej raźmiaščałasia mikva — pamiaškańnie dla rytualnaha abmyvańnia.

Jak nahadvaje The New York Times, chasidskaja hramada sutyknułasia z unutranymi roznahałośsiami paśla śmierci ŭ 1994 hodzie apošniaha rebe Mienachiema-Miendła Šnejersona. Nievialikaja častka paśladoŭnikaŭ ruchu ličyć jaho Miesijaj i nie pryznaje jahonaj fizičnaj śmierci.

Tunel, miarkujučy pa ŭsim, vykapali pradstaŭniki miesijanskaj frakcyi — vierahodna, jany ličyli, što takim čynam vykonvajuć volu rebie ab pašyreńni terytoryi sinahohi.

Jašče adzin pradstaŭnik ruchu zajaviŭ žurnalistam, što členy hramady byli rasčaravanyja biaździejnaściu jaje lidaraŭ pa pytańni ab pašyreńni budynka, jakoje było nieabchodna dla vyrašeńnia prablemy zboru ludziej padčas nabaženstvaŭ, i takim čynam vyrašyli «ŭziać spravu ŭ svaje ruki».

Aficyjna ŭ ruchu Chabad-Lubavič nazvali fakt budaŭnictva tunelu «vandalizmam hrupy maładych ekstremistaŭ» i padziakavali palicyi Ńju-Jorka «za prafiesijanalizm i čujnaść». Štab-kvateru Chabad-Lubavič časova zakryli dla pravierki strukturnaj cełasnaści budynka.

Kamientary4

  • Iłona
    10.01.2024
    Kład iskali, poniatnoje dieło. Nikakich dietiej i žiertvoprinošienij tam nie było
  • Kurt
    11.01.2024
    Kazačnyja durni i adnačasova kazačnyja bahaciei, paradoks sučasnaści.
  • Elemientarna, Uotsan
    11.01.2024
    Heta tunel Chamas

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Usie naviny →
Usie naviny

Minskaje «Dynama» na apošnich chvilinach prabiłasia ŭ druhi raŭnd kvalifikacyi Lihi čempijonaŭ VIDEA1

Rasijski šachied vybuchnuŭ za 55 km ad Babrujska22

Pasłableńni dla biełaruskich turystaŭ uvodzić Tajłand

Ź biełarusam tydzień niama suviazi paśla taho, jak jon pierasiok miažu z Polščaj1

88-hadovy apalny eks-kiraŭnik «Pinskdreva» Arynič žyvie ŭ Biełastoku ŭ zdymnaj kvatery za košt svajakoŭ2

Pamior Ihar Hips

«Kali ŭpała pieršaja ldzinka, ja zrazumieła, što ŭsio». Hrad pamieram z kurynaje jajka paškodziŭ mašynu biełaruski2

U Biełarusi zatrymali litoŭca, jaki abvinavačvajecca na radzimie ŭ zabojstvie2

Cichanoŭskaja: Abmiežavańni na miažy nie zakranuć aŭtobusy i maršrutki22

bolš čytanych navin
bolš łajkanych navin

Čamu rasijskija drony stali čaściej zalatać u Biełaruś?

Čamu rasijskija drony stali čaściej zalatać u Biełaruś?

Hałoŭnaje
Usie naviny →