Sustreča prezidenta Polšča Andžeja Dudy z pradstaŭnikami biełaruskaj hramadskaści. Fota: prezydent.pl

Sustreča prezidenta Polšča Andžeja Dudy z pradstaŭnikami biełaruskaj hramadskaści. Fota: prezydent.pl

Andžej Duda treci hod zapar sustrakaŭsia z pradstaŭnikami biełaruskaj apazicyi ŭ svajoj varšaŭskaj rezidencyi 9 studzienia. Na sajcie prezidenta Polščy sustreča nazvanaja «kaladna-navahodniaj».

Siarod zaprošanych u Prezidencki pałac, akramia demakratyčnaj lidarki Śviatłany Cichanoŭskaj, byli kiraŭniki Narodnaha antykryzisnaha ŭpraŭleńnia Pavieł Łatuška dy aparatu Abjadnanaha pierachodnaha kabinieta Valeryj Mackievič.

Prysutničali pradstaŭniki kabinieta: u pytańniach abarony i nacyjanalnaj biaśpieki Valer Sachaščyk dy zamiežnych spraŭ Valer Kavaleŭski.

Taksama byli pazaštatny daradca Cichanoŭskaj Alaksandr Milinkievič dy siabra Kaardynacyjnaj rady i staršynia ruchu «Za svabodu» Juryj Hubarevič.

U hramadzie prysutnych zaśviacilisia lidar ruchu «Volnaja Biełaruś» Zianon Paźniak i kiraŭnik Centra palityčnaha analizu i prahnozu Pavieł Usaŭ.

Lidary emihracyjnych asiarodkaŭ biełaruskaj apazicyi na sustrečy z prezidentam Andžejem Dudam. Fota: sacyjalnyja sietki

Lidary emihracyjnych asiarodkaŭ biełaruskaj apazicyi na sustrečy z prezidentam Andžejem Dudam. Fota: sacyjalnyja sietki

Zaŭvažany byŭ Ivan Kraŭcoŭ, paplečnik eks-kandydata ŭ prezidenty Viktara Babaryki i siabra arhkamitetu partyi «Razam».

Siarod zaprošanych byli žurnalisty i aktyvisty biełaruskaj dyjaspary ŭ Polščy.

Na sustrečy, jakuju łukašenkaŭcy nazvali «pierapisam hrantasosaŭ» Andžej Duda zapeŭniŭ svaich biełaruskich haściej, što zaŭsiody budzie «padtrymlivać Biełaruś i tych, chto žyvie ŭ svabodnaj Biełarusi, u ich imknieńni dasiahnuć poŭnaj svabody i niezaležnaści», pakul režym Łukašenki nie abryniecca.

«Ja hłyboka vieru, što pryjdzie čas, kali my ŭsie razam budziem atrymlivać asałodu ad svabody, poŭnaj niezaležnaści i suvierenitetu; kali my zmožam svabodna sustrakacca jak u Biełarusi, tak i ŭ Polščy, pierasiakać našu ahulnuju miažu ŭ luby momant, nie bajučysia apynucca ŭ turmie, zatrymanymi abo trapić pad pieraśled, — padkreśliŭ polski prezident.

U asiarodździ biełaruskaj apazicyi kažuć, što sustrečy z Prezidentam Polščy pravodziacca jak simvał maralnaj i palityčnaj padtrymki, a taksama salidarnaści z demakratyčnaj supolnaściu Biełarusi i tymi, chto zmahajecca za pieramieny ŭ krainie.

Paśla padziejaŭ 2020 hodu Polšča pryniała dziasiatki tysiač biełaruskich uciekačoŭ.

Biełaruskaja dyjaspara vyrasła da 116 000 čałaviek (sakavik 2023 hoda — «NN»). Biełarusy na čužynie namahajucca vieści aktyŭnaje biełaruskaje žyćcio.

Dla ŭzajemadziejańnia ź biełaruskaj apazicyjaj polskija ŭłady pryznačyli byłoha ambasadara Polščy ŭ Biełarusi Artura Michalskaha — upaŭnavažanym ministra zamiežnych spraŭ pa supracoŭnictvie z demakratyčnymi siłami Biełarusi.

Hladzicie taksama:

U Biełarusi budzie svoj Mandeła, ci svoj Vałensa, ci svoj Haveł? Adkazvajuć Aleksijevič, Łatuška, dobraachvotnik…

Pra Babaryku, płany Łukašenki, zvarjaciełuju Rasiju, Pryhožyna i reparacyi dla Ukrainy. «Tok» z Arciomam Šrajbmanam

Paźniak: Ja paspryjaŭ Sachaščyku, daŭ jamu šmat avansaŭ. Na žal, jon ich nie apraŭdaŭ

Cichanoŭskaja asadziła pradstaŭnika NAU Paŭła Usava

Клас
82
Панылы сорам
3
Ха-ха
15
Ого
3
Сумна
2
Абуральна
6

Chočaš padzialicca važnaj infarmacyjaj ananimna i kanfidencyjna?