Śviet44

Jak padčas vajny padarožničaje Zialenski, kali samalotam z Kijeva nie vyleciš?

Va ŭmovach vajny prezident Ukrainy aktyŭna ździajśniaje zamiežnyja vizity. Jak padarožničaje Zialenski i jakija źmieny adbylisia za dva hady ŭ transpartnym zabieśpiačeńni vizitaŭ?

Vładimir Zielenskij v Vilniusie Vladimir Zelensky in Vilnius Uładzimir Zialenski ŭ Vilna
Prezident Litvy Hitanas Naŭsieda i prezident Ukrainy Uładzimir Zialenski. 10 studzienia 2024 hoda. Fota: Ukrainian Presidential Press Office via AP

Pieraloty vyšejšych dziaržaŭnych asobaŭ Ukrainy zabiaśpiečvaje Dziaržaŭnaja avijacyjnaje pradpryjemstva «Ukraina». U 2020 hodzie ŭ jaho rasparadžeńni było try samaloty (Airbus A319CJ, An-148-100V, An-74TK-300D) i adzin viertalot Mi-8MTV-1.

Z pačatkam vajny zamiežnyja pajezdki Uładzimira Zialenskaha spynilisia amal na 10 miesiacaŭ. Pieršy svoj vizit jon ździejśniŭ tolki ŭ śniežni 2022 hoda ŭ ZŠA. Jak pisała Bi-Bi-Si, spačatku Zialenski pryjechaŭ načnym ciahnikom u Polšču. Žurnalisty polskaha telebačańnia pakazali jaho na čyhunačnaj stancyi ŭ pamiežnym Pšemiśli. Zatym jon sieŭ u adzin z čornych Chevrolet Suburban i adpraviŭsia ŭ Žešuŭ. Tam jaho zabraŭ Boeing C-40B VPS ZŠA, jaki supravadžali samalot-raźviedčyk NATA i źniščalnik F-15.

Uładzimir Zialenski na čyhunačnaj stancyi Pšemysl Vładimir Zielenskij na žieleznodorožnoj stancii Pšiemysl Volodymyr Zelenskyy at a train station in Przemysl
Uładzimir Zialenski na čyhunačnaj stancyi Pšemysl. 21 śniežnia 2022 hoda. Skryn videa NBCNews / YouTube

Značna aktyŭniej Uładzimir Zialenski staŭ pieramiaščacca ŭ 2023 hodzie. 8-9 lutaha jon naviedaŭ Łondan, Paryž i Brusel. Jak paviedamlałasia, u Łondan jon prylacieŭ na vajenna-transpartnym samalocie S-17 Karaleŭskich VPS. A voś u Paryž z Łondana jon prybyŭ na samalocie brytanskaha ŭradu. Z Paryžu na samit ES prezident Ukrainy palacieŭ na ŭradavym samalocie Francyi razam z Emanuiłam Makronam.

Volodymyr Zelenskyy arrives at the Orly airport Uładzimir ZIAlenski prybyŭ u aeraport Orli Vładimir Zielenskij pribył v aeroport Orli
Uładzimir Zialenski ŭ aeraporcie Orli kala Paryžu. 8 lutaha 2023 hoda. Fota: Julien de Rosa, pool via AP.

Padčas zamiežnaha turne ŭ mai 2023 hoda Uładzimir Zialenski aktyŭna karystaŭsia samalotami krain-partnioraŭ. Tak u Chielsinki jon prylacieŭ na ŭžo viadomym Boeing C-40B, u Amsterdam — na ŭradavym samalocie Niderłandaŭ. 14 maja z Ryma ŭ Bierlin Uładzimir Zialenski lacieŭ na łajniery Airbus A319 Vajenna-pavietranych siłaŭ Hiermanii.

Dla ŭdziełu ŭ samicie G-7 u Chirasimie, jaki adbyŭsia 19-21 maja 2023 hoda, pa prośbie ŭkrainskaha boku byŭ pradstaŭleny ŭradavy samalot Francyi.

U vieraśni 2023 hoda ŭpieršyniu za paŭtara hoda z pačatku vajny prezident Ukrainy vykarystaŭ ukrainski bort — samalot Airbus A319CJ rehistracyjny numar UR-ABA. Na im jon palacieŭ u ZŠA. Ale, jak i ŭ pieršuju pajezdku ŭ ZŠA, Zialenski spačatku dabraŭsia da Žešuva, dzie pierasieŭ na bort samalota, jaki prylacieŭ z Krakava.

Airbus A319 CJ UR-ABA ŭ Ńju-Jorku. Fota: Ofis prezidenta Ukrainy

Jak paviedamlajecca, hety avijałajnier byŭ zamoŭleny ŭ Airbus (Francyja) pry Viktary Juščanku ŭ 2004 hodzie. U ekspłuatacyi jon z 2010 hoda.

U 2023 hodzie litoŭskaja kampanija J&C Aero zrabiła maštabnuju rekanstrukcyju sałonu. Mantažnyja i ramontnyja raboty pravodzilisia ŭ Talinskim aeraporcie. Mienavita adtul, pa danych flightaware.com, samalot prylacieŭ u Krakaŭ 31 žniŭnia 2023 hoda.

Airbus A319CJ 10 January 2024
Maršrut samalota prezidenta Ukrainy Airbus A319CJ 10 studzienia 2024 hoda. Fota: flightaware.com

Na hetym ža borcie Uładzimir Zialenski prylacieŭ u Vilniu rankam 10 studzienia 2024 hoda. Zhodna z danymi servisu flightaware.com samalot Airbus A319CJ u 5:14 ranku vylecieŭ z Krakava ŭ Žešuŭ, a adtul u 8:32 — u Vilniu. U stalicy Litvy jon pryziamliŭsia praz 56 chvilin u 10:28 pa miascovym časie.

Čytajcie jašče:

Zialenski ź nieanansavanym vizitam pryjechaŭ u Litvu

Zialenski ŭ Vilni spyniaŭsia ŭ hateli «Narač»

Prezident Arhienciny palacieŭ zvyčajnym samalotam. I heta samalot «Biełavija»

Kamientary4

  • Pobolšie uvažienija, vsio-taki
    10.01.2024
    a samomu siebie Zie vyzov choť niemnoho brosiť słabo?

    darečy. a što tam z vybarami novaha prezidenta va Ukrainie? vach, ich nie budzie, pakul vajna? dyk Zie zručna prystroiŭsia. i pieravybiracca nie treba jamu. źbirajecca prezidentstvavać da apošniaha ukrainca? 
  • vach, vajna budzie da apošniaha rašysta
    10.01.2024
    Pobolšie uvažienija, vsio-taki, ja razumieju, što łukašystam nie da zakonaŭ, ale ŭsio ž taki raju pačytać zakony, tam i znojdzicie adkazy na vašyja pustyja pytańni.
  • rahnieda
    10.01.2024
    kakije zakony? vaši? ukrainskije?

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?6

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Usie naviny →
Usie naviny

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET24

Zabaronu ruchavikoŭ unutranaha zharańnia ŭ ES nazvali niezakonnaj2

Z čaćviarha na stadyjonie «Dynama» znoŭ pačnuć pakazvać kino pad adkrytym niebam

Siłaviki cisnuć na baćkoŭ viadoŭcaŭ tyktok-kanała «Lusterka»21

U Biełarusi pradajuć Mercedes-Benz W124 za 12 000 dalaraŭ. Čamu 32-hadovaje aŭto takoje darahoje?3

Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie1

«Kali b mnie płacili — siadzieła b i čytała ludziam knihi, navat za małyja hrošy». Intervju z aktrysaj Zojaj Biełachvościk2

U voziery Śviciaź zabaranili kupacca. U čym pryčyna?1

Mercedes urezaŭsia ŭ Fiat, a paśla źbiŭ dvuch čałaviek

bolš čytanych navin
bolš łajkanych navin

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?6

Što adbyvajecca ŭ Pałku Kalinoŭskaha i čamu bajcy kažuć pra jaho mahčymaje źniknieńnie?

Hałoŭnaje
Usie naviny →