Biełaruś i Nikarahua ŭzajemna admianiajuć vizy, vynikaje ź mižuradavaha pahadnieńnia, apublikavanaha 6 studzienia na Nacyjanalnym pravavym internet-partale. Dakumient ustupaje ŭ siłu praz 30 dzion.
Pavodle dakumienta, hramadzianie Biełarusi i Nikarahua zmohuć uzajemna znachodzicca, ujazdžać abo ruchacca tranzitam na terytoryi abiedźviuch krain bieź vizaŭ.
Adnak termin znachodžańnia biełarusaŭ u Nikarahua nie pavinien pieravyšać 90 dzion z dnia ŭjezdu abo bolš za 90 dzion za čas kalandarnaha hoda. Kali ž chto zachoča zatrymacca tam na bolšy termin, to jamu adkryvać vizu ŭsio ž pryjdziecca.
Pahadnieńnie zaklučajecca na niavyznačany pieryjad.
Praŭda, ź Minska da Manahua, stalicy Nikarahua, pramych rejsaŭ niama, jość tolki ź niekalkimi pierasadkami. Pavodle danych servisaŭ pa padbory avijabiletaŭ, najbolš aptymalnyja maršruty: Minsk — Kutaisi — Madryd — Majami — Manahua (amal 54 hadziny ŭ darozie) albo Vilnia — Osła — Majami — Manahua (kala 19 hadzin darohi biez uliku času dajezdu da Vilni).
Adlehłaść pamiž Minskam i Manahua — 10 405 km.
Kamientary