Badaj, najbolš za ŭsio ludzi pišuć prosta pra svoj šok ad zatrymańnia muzykaŭ, a taksama ad taho, jakim čynam jano adbyvałasia i jak jaho aśviatlali łukašysty. Nie ŭsim chapaje cenzurnych słovaŭ, kab vyrazić emocyi:

«Kali ranica pačynajecca z drennych navin. Chłopcy, nu jak tak, b***? Niama słoŭ».

«Za***li»…

«Tolki ŭčora dumała, što ŭsio, atrymałasia vypracavać imunitet da navin, a ŭžo siońnia chaču vyjści ŭ akno, spadziejučysia, što chacia b u nastupnym žyćci ja nie traplu ŭ žurnalistyku».

«Pahladzieła videa ź Biełaruś 4 pra Nizkiz, i ciapier mnie ch***a. Nie hladzicie. Nu i pačvary ž tam pracujuć».

«Žyviem u taki čas, što dobraja navina ź Biełarusi — heta kali zatrymali nie ŭsich udzielnikaŭ hurta Nizkiz».

Bahata chto adčuvaje hnieŭ z-za taho, što chłopcaŭ zatrymali. Ale ž nakiroŭvajuć hety hnieŭ nie na siłavikoŭ ci nie tolki na ich, a i na samich muzykaŭ — maŭlaŭ, što ž jany ź ich palityčnymi pohladami i dośviedam rabili ŭ Biełarusi. Jość navat dumka, što hetym jany naškodzili biełaruskaj kultury:

«Źjechali nie ŭsie, ale praciahvać žyć u RB, niby źjechaŭ — voś heta dziŭna. Hastralavać pa Jeŭropie z pratesnymi pieśniami i viartacca, niby ničoha nie adbyłosia — na što jany spadziavalisia?»

«U kožnaha svajo mierkavańnie. Zastaŭšysia, jany zrabili vybar na karyść aryštu. I ludzi majuć prava ličyć heta durnym vybaram».

«U 1930-ja hady, niahledziačy na faktyčna pamiežny status Mienska, biełaruskaja intelehiencyja navat nie sprabavała źbiehčy ad represij. I ŭsia palahła pad stalinskim katkom, pakinuŭšy niezahojnuju dzirku ŭ kultury na nastupnaje stahodździe».

Ci varta abvinavačvać Nizkiz, što jany zastalisia doma? Žurnalist Ihar Pałynski cudoŭna pra heta vykazaŭsia:

«Kali vy ŭ Biełarusi i vam tearetyčna štości pahražaje — padumajcie pra siabie, blizkich i pakłapaciciesia pra svaju biaśpieku. Kali vy ŭ biaśpiecy i čytajecie naviny pra, na vašu dumku, iracyjanalnaje rašeńnie zastacca ci viarnucca, jakoje pryviało da zatrymańnia, — padumajcie pra abstaviny, jakija mohuć być u ludziej, i ad****ciesia ad ich. Bo niama ŭ hetych historyjach pravilnaj raźviazki. Niama, b***».

Šmat chto zhodzien z Pałynskim:

«Vinavatyja *** [milicyjaniery] i tolki. Chłopcam z Nizkiz sił usio heta pieražyć, maja padtrymka i pavaha niahledziačy ni na što».

«Kali treba, kab inšyja ludzi zadumalisia, to akurat varta paŭtarać, što *** [milicyjaniery] — źviary, a nie što ich achviary durnyja».

Niekatoryja tvitaranie vykazvajucca jašče bolš niejtralna. Naprykład, vykazvajuć padtrymku ŭdzielnikam hurta ci kanstatujuć, što zastavacca ŭ Biełarusi — heta časam vybar ź vielmi sumnymi nastupstvami.

Tvitar-žartaŭnik Džypsinkoŭ padsumoŭvaje ŭsiu dyskusiju:

«Karaciej, vam zastałosia napisać «sami vinavatyja, što nie źjechali» jašče ŭ rajonie paŭmiljona razoŭ. Kali pačnuć prychodzić za svajakami, ličba stanie ŭ paru miljonaŭ. Nu a potym užo možna supakoicca».

Džypsinkoŭ taksama zhadaŭ pieśniu hurta «Niebiaśpiečna». Siońnia jaje nazva — byccam pieraściaroha dla ludziej z dośviedam pratestnaj aktyŭnaści, jakija znachodziacca ŭ Biełarusi, i paŭtarać jaje možna biaskonca, što i robić błohier:

«Niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna, niebiaśpiečna».

Čytajcie taksama:

Što za hurt Nizkiz, jaki amal u poŭnym składzie zatrymali ŭ Mahilovie

Ludzi hoda pa viersii «Našaj Nivy» — hurt Tor Band

Što słuchać pa-biełarusku? Top papularnych piesień u Spotify na rodnaj movie PŁEJLIST

label.reaction.like
7
label.reaction.facepalm
7
label.reaction.smile
3
label.reaction.omg
1
label.reaction.sad
29
label.reaction.anger
15

Chočaš padzialicca važnaj infarmacyjaj ananimna i kanfidencyjna?